ਕਵਿਤਾ/ਕਿਤਾਬ ਇਕੱਲੀ ਹੈ/ਇੰਦਰਜੀਤ ਸਿੰਘ
ਕਿਤਾਬ ਇਕੱਲੀ ਹੈ,
ਪਰ ਇਸ ਦੇ ਅੰਦਰ
ਕਿੰਨੀਆਂ ਹੀ ਸਦੀਆਂ ਦੀਆਂ ਆਵਾਜ਼ਾਂ ਵੱਸਦੀਆਂ ਹਨ।
ਹਰ ਵਰਕਾ
ਕਿਸੇ ਦੀ ਹਾਸੀ,
ਕਿਸੇ ਦਾ ਦਰਦ,
ਕਿਸੇ ਦੀ ਉਡੀਕ
ਚੁੱਪਚਾਪ ਸੰਭਾਲੀ ਬੈਠਾ ਹੈ।
ਜੋ ਇਸਨੂੰ ਖੋਲ੍ਹ ਲੈਂਦਾ ਹੈ,
ਉਹ ਕਦੇ ਵੀ ਇਕੱਲਾ ਨਹੀਂ ਰਹਿੰਦਾ,
ਕਿਉਂਕਿ ਸ਼ਬਦ
ਹੱਥ ਨਹੀਂ ਫੜਦੇ,
ਪਰ ਰੂਹ ਦਾ ਸਾਥ
ਉਮਰ ਭਰ ਨਿਭਾਉਂਦੇ ਹਨ।
ਕਿਤਾਬ ਇਕੱਲੀ ਹੈ,
ਪਰ ਜਦੋਂ ਕੋਈ ਪੜ੍ਹਨ ਵਾਲਾ ਮਿਲ ਜਾਵੇ,
ਇਸ ਦੀ ਖ਼ਾਮੋਸ਼ੀ ਵੀ
ਇੱਕ ਸੋਹਣੀ ਗ਼ਜ਼ਲ ਬਣ ਜਾਂਦੀ ਹੈ।
– ਇੰਦਰਜੀਤ ਸਿੰਘ
-7508267274
Share this content:
Post Comment