ਹੁਣ ਇੰਸਟਾਗਰਾਮ ਦੇ ਨਵੇਂ ਅਪਡੇਟ ‘ਚ ‘ਧੁਰੰਧਰ’ ਫ਼ਿਲਮ ਵਾਲੇ ਸਟਾਈਲ ’ਚ ਬਣਾ ਸਕੋਗੇ ਆਪਣੀਆਂ ਰੀਲਜ਼

ਨਵੀਂ ਦਿੱਲ, 28 ਮਾਰਚ – ਇੰਸਟਾਗਰਾਮ ਨੇ ਆਪਣੇ ਰੀਲਜ਼-ਕੇਂਦ੍ਰਿਤ Edits ਐਪ ਲਈ ਇੱਕ ਨਵਾਂ ਕਸਟਮ ਫੌਂਟ ਸਟਾਈਲ ਰੋਲ ਆਊਟ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਹੁਣ, ਭਾਰਤ ਵਿੱਚ ਯੂਜ਼ਰਸ ਇਸ ਪਲੇਟਫਾਰਮ ‘ਤੇ ਫ਼ਿਲਮ ‘Dhurandhar: The Revenge’ ਤੋਂ ਪ੍ਰੇਰਿਤ ਟੈਕਸਟ ਦੇ ਨਾਲ ਰੀਲਜ਼ ਬਣਾ ਸਕਦੇ ਹਨ। ਇਹ ਅਪਡੇਟ ਉਸ ਸਮੇਂ ਆਇਆ ਹੈ ਜਦੋਂ ਰਣਵੀਰ ਸਿੰਘ ਸਟਾਰਰ ਇਸ ਫ਼ਿਲਮ ਨੇ ਰਿਲੀਜ਼ ਦੇ ਮਹਿਜ਼ ਕੁਝ ਹੀ ਹਫ਼ਤਿਆਂ ਵਿੱਚ ਦੁਨੀਆ ਭਰ ਦੇ ਬਾਕਸ ਆਫਿਸ ‘ਤੇ 1,000 ਕਰੋੜ ਰੁਪਏ ਦੇ ਕਲੈਕਸ਼ਨ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਇਹ ਨਵਾਂ ਕਸਟਮ ਫੌਂਟ ਸਟਾਈਲ ਫਿਲਹਾਲ iPhone ਅਤੇ Android ਸਮਾਰਟਫੋਨਾਂ ਲਈ Edits ਐਪ ਵਿੱਚ ਉਪਲਬਧ ਹੈ। ਇਸ ਤੋਂ ਇਲਾਵਾ, ਇੱਕ ਐਪ ਡਿਵੈਲਪਰ ਦਾ ਦਾਅਵਾ ਹੈ ਕਿ ਇਹ ਵੀਡੀਓ-ਸ਼ੇਅਰਿੰਗ ਪਲੇਟਫਾਰਮ ਰੀਲਜ਼ ਨੂੰ ਆਫਲਾਈਨ ਦੇਖਣ ਲਈ ਡਾਊਨਲੋਡ ਕਰਨ ਦੀ ਸਹੂਲਤ ਦਾ ਟੈਸਟ ਕਰ ਰਿਹਾ ਹੈ, ਜਿਸ ਨੂੰ ਭਵਿੱਖ ਦੇ ਕਿਸੇ ਅਪਡੇਟ ਦੇ ਹਿੱਸੇ ਵਜੋਂ ਰਿਲੀਜ਼ ਕੀਤਾ ਜਾ ਸਕਦਾ ਹੈ।