ਵਾਲਾਂ ਨੂੰ ਜੜ੍ਹਾਂ ਤੋਂ ਮਜ਼ਬੂਤ ਬਣਾਉਣ ਦਾ ‘ਨੈਚੁਰਲ ਟੌਨਿਕ’ ਹੈ ਕੱਦੂ ਦੇ ਬੀਜਾਂ ਦਾ ਇਹ ਤੇਲ

ਸਮੱਗਰੀ

1/2 ਕੱਪ ਕੱਦੂ ਦੇ ਬੀਜ

1 ਕੱਪ ਨਾਰੀਅਲ ਦਾ ਤੇਲ

1 ਛੋਟਾ ਚਮਚ ਕਲੌਂਜੀ

ਬਣਾਉਣ ਦੀ ਵਿਧੀ

• ਕੱਦੂ ਦੇ ਬੀਜਾਂ ਦਾ ਤੇਲ ਬਣਾਉਣ ਲਈ ਇਨ੍ਹਾਂ ਨੂੰ ਸਭ ਤੋਂ ਪਹਿਲਾਂ ਸਾਫ਼ ਪਾਣੀ ਨਾਲ ਧੋ ਲਓ।
• ਇਸ ਤੋਂ ਬਾਅਦ ਇਨ੍ਹਾਂ ਬੀਜਾਂ ਨੂੰ ਕਿਸੇ ਪਲੇਟ ਵਿੱਚ ਫੈਲਾ ਕੇ ਸੁੱਕਣ ਲਈ ਰੱਖ ਦਿਓ ਤਾਂ ਜੋ ਨਮੀ ਖ਼ਤਮ ਹੋ ਜਾਵੇ।
• ਹੁਣ ਇੱਕ ਪੈਨ ਵਿੱਚ ਇਨ੍ਹਾਂ ਬੀਜਾਂ ਨੂੰ ਪਾ ਕੇ ਭੁੰਨ ਲਓ। ਧਿਆਨ ਰਹੇ ਕਿ ਤੇਜ਼ ਅੱਗ ‘ਤੇ ਨਹੀਂ ਭੁੰਨਣਾ, ਇਸ ਨਾਲ ਪੋਸ਼ਕ ਤੱਤ ਖ਼ਤਮ ਹੋਣ ਦਾ ਡਰ ਰਹਿੰਦਾ ਹੈ।
• ਇਨ੍ਹਾਂ ਬੀਜਾਂ ਨੂੰ ਪਲੇਟ ਵਿੱਚ ਠੰਢਾ ਹੋਣ ਲਈ ਰੱਖ ਦਿਓ।
• ਜਦੋਂ ਇਹ ਠੰਢੇ ਹੋ ਜਾਣ ਤਾਂ ਮਿਕਸੀ ਵਿੱਚ ਪਾ ਕੇ ਦਰਦਰਾ (ਮੋਟਾ) ਪੀਸ ਲਓ।
• ਅਗਲੇ ਕਦਮ ਵਿੱਚ 1 ਕੱਪ ਨਾਰੀਅਲ ਦਾ ਤੇਲ ਪਾ ਕੇ ਉਸ ਨੂੰ ਹਲਕੀ ਅੱਗ ‘ਤੇ ਗਰਮ ਕਰਨ ਲਈ ਰੱਖ ਦਿਓ।
• ਜਿਵੇਂ ਹੀ ਤੇਲ ਹਲਕਾ ਗਰਮ ਹੋ ਜਾਵੇ, ਉਸ ਵਿੱਚ ਕੱਦੂ ਦੇ ਦਰਦਰੇ ਪੀਸੇ ਹੋਏ ਬੀਜ ਪਾ ਦਿਓ।
• ਇਸ ਵਿੱਚ 1 ਛੋਟਾ ਚਮਚ ਕਲੌਂਜੀ ਵੀ ਪਾਓ।
• ਤੇਲ ਨੂੰ ਘੱਟੋ-ਘੱਟ 15-20 ਮਿੰਟ ਤੱਕ ਹਲਕੀ ਅੱਗ ‘ਤੇ ਗਰਮ ਹੋਣ ਦਿਓ।
• ਚਮਚ ਨਾਲ ਬੀਜਾਂ ਨੂੰ ਹਿਲਾਉਂਦੇ ਰਹੋ, ਜਿਸ ਨਾਲ ਉਹ ਪੈਨ ਵਿੱਚ ਚਿਪਕਣ ਨਹੀਂ।
• ਫਿਰ ਗੈਸ ਬੰਦ ਕਰਕੇ ਤੇਲ ਠੰਢਾ ਹੋਣ ਲਈ ਰੱਖ ਦਿਓ।
• ਭਾਂਡੇ ਵਿੱਚ ਤੇਲ ਪੁਣਨ ਲਈ ਇੱਕ ਸਾਫ਼ ਸੂਤੀ (ਕੱਪੜੇ) ਦਾ ਇਸਤੇਮਾਲ ਕਰੋ।
• ਹੁਣ ਇਸ ਸਾਫ਼ ਤੇਲ ਨੂੰ ਤੇਲ ਦੀ ਸ਼ੀਸ਼ੀ ਵਿੱਚ ਭਰ ਕੇ ਰੱਖ ਲਓ, ਤਿਆਰ ਹੈ ਤੁਹਾਡਾ ਕੱਦੂ ਦੇ ਬੀਜਾਂ ਤੋਂ ਬਣਿਆ ਤੇਲ।

ਲਗਾਉਣ ਦਾ ਤਰੀਕਾ

ਇਸ ਤੇਲ ਨੂੰ ਹਫ਼ਤੇ ਵਿੱਚ 2-3 ਵਾਰ ਲਗਾਇਆ ਜਾ ਸਕਦਾ ਹੈ। ਵਾਲ ਧੋਣ ਤੋਂ ਪਹਿਲਾਂ ਇੱਕ ਕੌਲੀ ਵਿੱਚ ਕੋਸਾ ਤੇਲ ਲਓ ਅਤੇ ਉਸ ਨਾਲ ਸਿਰ (ਸਕੈਲਪ) ਦੀ 5 ਮਿੰਟ ਤੱਕ ਮਾਲਿਸ਼ ਕਰੋ। ਇਸ ਦੇ 1 ਘੰਟੇ ਬਾਅਦ ਮਾਈਲਡ ਸ਼ੈਂਪੂ ਨਾਲ ਵਾਲ ਧੋ ਲਓ।