6,000mAh ਬੈਟਰੀ ਵਾਲਾ Redmi ਦਾ ਨਵਾਂ ਕਿਫਾਇਤੀ 5G ਫੋਨ ਲਾਂਚ

ਨਵੀਂ ਦਿੱਲੀ, 1 ਅਕਤੂਬਰ – Redmi ਨੇ ਭਾਰਤ ਵਿੱਚ ਆਪਣਾ ਇੱਕ ਹੋਰ ਨਵਾਂ ਕਿਫਾਇਤੀ 5G ਫੋਨ ਲਾਂਚ ਕਰ ਦਿੱਤਾ ਹੈ, ਜਿਸ ਨੂੰ ਕੰਪਨੀ ਨੇ Redmi 17C 5G ਦੇ ਨਾਮ ਨਾਲ ਪੇਸ਼ ਕੀਤਾ ਹੈ। ਇਸ ਡਿਵਾਈਸ ਨੂੰ ਬਜਟ ਲਾਈਨਅਪ ਵਿੱਚ ਦੂਜੇ ਫੋਨ ਦੇ ਤੌਰ ’ਤੇ ਪੇਸ਼ ਕੀਤਾ ਗਿਆ ਹੈ। ਇਹ ਫੋਨ ਹਾਲ ਹੀ ਵਿੱਚ ਲਾਂਚ ਹੋਏ Redmi 17 5G ਦੇ ਨਾਲ ਲਾਈਨਅਪ ਵਿੱਚ ਸ਼ਾਮਲ ਹੋ ਗਿਆ ਹੈ। ਨਵਾਂ ਫੋਨ ਜਲਦ ਹੀ ਤਿੰਨ ਵੱਖ-ਵੱਖ ਰੰਗਾਂ ਵਿੱਚ ਖਰੀਦਣ ਲਈ ਉਪਲਬਧ ਹੋਵੇਗਾ। ਇਸ ਨਵੇਂ Redmi 17C 5G ਦਾ ਡਿਜ਼ਾਈਨ ਅਤੇ ਸਪੈਸੀਫਿਕੇਸ਼ਨ ਇਸ ਦੇ ਗਲੋਬਲ ਵੈਰੀਐਂਟ ਵਰਗਾ ਹੀ ਹੈ। ਫੋਨ ਵਿੱਚ ਆਕਟਾ-ਕੋਰ MediaTek Dimensity 6000 ਸੀਰੀਜ਼ ਪ੍ਰੋਸੈਸਰ ਅਤੇ 6,000mAh ਦੀ ਬੈਟਰੀ ਦਿੱਤੀ ਗਈ ਹੈ। ਆਓ ਫੋਨ ਦੇ ਹੋਰ ਫੀਚਰ ਜਾਣਨ ਤੋਂ ਪਹਿਲਾਂ ਇਸ ਦੀ ਕੀਮਤ ’ਤੇ ਨਜ਼ਰ ਮਾਰਦੇ ਹਾਂ…

ਕੀਮਤ ਦੀ ਗੱਲ ਕਰੀਏ ਤਾਂ ਭਾਰਤ ਵਿੱਚ Redmi 17C 5G ਦੇ ਬੇਸ ਵੈਰੀਐਂਟ ਦੀ ਕੀਮਤ 20,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਸ ਵਿੱਚ 4GB RAM ਅਤੇ 128GB ਸਟੋਰੇਜ ਮਿਲਦੀ ਹੈ। ਫੋਨ ਦੇ ਹਾਇਰ-ਐਂਡ 6GB + 128GB ਵੈਰੀਐਂਟ ਦੀ ਕੀਮਤ 22,999 ਰੁਪਏ ਹੈ। ਇਸ ਨਵੇਂ ਡਿਵਾਈਸ ਦੀ ਵਿਕਰੀ ਭਾਰਤ ਵਿੱਚ 7 ਅਕਤੂਬਰ ਤੋਂ Amazon ਅਤੇ Xiaomi ਦੇ ਆਨਲਾਈਨ ਸਟੋਰ ’ਤੇ ਸ਼ੁਰੂ ਹੋਵੇਗੀ। ਫੋਨ ਨੂੰ ਤਿੰਨ ਰੰਗਾਂ—ਕੌਫੀ ਬਰੂ, ਡਾਰਕ ਨਾਈਟ ਅਤੇ ਪਰਪਲ ਡਾਨ—ਵਿੱਚ ਖਰੀਦਿਆ ਜਾ ਸਕੇਗਾ।

Redmi 17C 5G ਦੇ ਸਪੈਸੀਫਿਕੇਸ਼ਨ

ਸਪੈਸੀਫਿਕੇਸ਼ਨ ਦੀ ਗੱਲ ਕਰੀਏ ਤਾਂ ਫੋਨ ਵਿੱਚ 6.9 ਇੰਚ ਦੀ HD+ LCD ਡਿਸਪਲੇ ਦਿੱਤੀ ਗਈ ਹੈ। ਇਸ ਦੇ ਨਾਲ ਫੋਨ ਵਿੱਚ 120Hz ਤੱਕ ਦਾ ਰਿਫ੍ਰੈਸ਼ ਰੇਟ ਅਤੇ HBM ਵਿੱਚ 810 ਨਿਟਸ ਤੱਕ ਦੀ ਬ੍ਰਾਈਟਨੈੱਸ ਮਿਲਦੀ ਹੈ। ਡਿਵਾਈਸ ਵਿੱਚ 240Hz ਤੱਕ ਦਾ ਟੱਚ ਸੈਂਪਲਿੰਗ ਰੇਟ, 16.7 ਮਿਲੀਅਨ ਕਲਰ ਅਤੇ 83 ਫੀਸਦੀ NTSC ਕਵਰੇਜ ਦਿੱਤੀ ਗਈ ਹੈ। ਫੋਨ ਵਿੱਚ ਲੋ ਬਲੂ ਲਾਈਟ, ਸਰਕੇਡੀਅਨ ਫ੍ਰੈਂਡਲੀ ਅਤੇ ਫਲਿੱਕਰ-ਫ੍ਰੀ ਵਰਗੀਆਂ ਵਿਸ਼ੇਸ਼ਤਾਵਾਂ ਵੀ ਹਨ। ਫੋਨ ਵਿੱਚ ਆਕਟਾ-ਕੋਰ MediaTek Dimensity 6300 ਚਿਪਸੈੱਟ ਦਿੱਤਾ ਗਿਆ ਹੈ, ਜੋ 2.4GHz ਤੱਕ ਦੀ ਪੀਕ ਕਲਾਕ ਸਪੀਡ ਪੇਸ਼ ਕਰਦਾ ਹੈ। ਇਸ ਦੇ ਨਾਲ Mali-G57 MC2 GPU, 6GB ਤੱਕ LPDDR4x RAM ਅਤੇ 128GB UFS 2.2 ਆਨਬੋਰਡ ਸਟੋਰੇਜ ਮਿਲਦੀ ਹੈ। ਫੋਨ ਵਿੱਚ ਵਰਚੁਅਲ RAM ਦਾ ਸਪੋਰਟ ਵੀ ਹੈ, ਜਿਸ ਰਾਹੀਂ RAM ਨੂੰ 6GB ਤੱਕ ਵਧਾਇਆ ਜਾ ਸਕਦਾ ਹੈ। ਸੁਰੱਖਿਆ ਲਈ ਫੋਨ ਵਿੱਚ ਸਾਈਡ-ਮਾਊਂਟਿਡ ਫਿੰਗਰਪ੍ਰਿੰਟ ਸਕੈਨਰ ਦਿੱਤਾ ਗਿਆ ਹੈ।

Redmi 17C 5G ਦੇ ਕੈਮਰਾ ਸਪੈਸ

ਫੋਟੋਗ੍ਰਾਫੀ ਲਈ Redmi 17C 5G ਵਿੱਚ f/1.8 ਅਪਰਚਰ ਵਾਲਾ 50 ਮੈਗਾਪਿਕਸਲ ਦਾ ਸਿੰਗਲ ਕੈਮਰਾ ਦਿੱਤਾ ਗਿਆ ਹੈ। ਇਸ ਫੋਨ ਨਾਲ 1080p/30fps ਤੱਕ ਵੀਡੀਓ ਰਿਕਾਰਡਿੰਗ ਕੀਤੀ ਜਾ ਸਕਦੀ ਹੈ। ਫੋਨ ਦੇ ਫਰੰਟ ’ਤੇ ਸੈਲਫੀ ਲਈ f/2.0 ਅਪਰਚਰ ਵਾਲਾ 8 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਫੋਨ ਵਿੱਚ 33W ਵਾਇਰਡ ਫਾਸਟ ਚਾਰਜਿੰਗ ਦਾ ਸਪੋਰਟ ਅਤੇ 6,000mAh ਦੀ ਬੈਟਰੀ ਮਿਲਦੀ ਹੈ।