ਪੰਨਾ ‘ਚ ਮਿਲਿਆ 27.29 ਕੈਰਟ ਦਾ ਹੀਰਾ, ਅਨੁਮਾਨਤ ਕੀਮਤ ਦੋ ਕੁ ਕਰੋੜ ਰੁਪਏ

ਪੰਨਾ, 18 ਸਤੰਬਰ – ਮੱਧ ਪ੍ਰਦੇਸ਼ ਦੇ ਪੰਨਾ ਦੀ ਰਤਨ ਗਰਭੀ ਧਰਤੀ ਨੇ ਇਕ ਵਾਰ ਫਿਰ ਹੀਰੇ ਦੀ ਚਮਕ ਬਿਖੇਰ ਦਿੱਤੀ ਹੈ। ਜ਼ਿਲ੍ਹੇ ਦੇ ਮਝਗਵਾਂ ਵਿਚ ਸਥਿਤ ਨੈਸ਼ਨਲ ਮਿਨਰਲ ਡਿਵੈਲਪਮੈਂਟ ਕਾਰਪੋਰੇਸ਼ਨ (ਐੱਨਐੱਮਡੀਸੀ) ਦੇ ਹੀਰਾ ਖਣਨ ਪ੍ਰਾਜੈਕਟ ਵਿਚ ਮੰਗਲਵਾਰ ਨੂੰ 27.29 ਕੈਰਟ ਦਾ ਜੈੱਮ ਕੁਆਲਿਟੀ ਦਾ ਹੀਰਾ ਪ੍ਰਾਪਤ ਹੋਇਆ ਹੈ। ਮਾਰਚ 2024 ਵਿਚ ਦੁਬਾਰਾ ਖਣਨ ਕਾਰਜ ਸ਼ੁਰੂ ਹੋਣ ਤੋਂ ਬਾਅਦ ਇਸ ਪ੍ਰਾਜੈਕਟ ਤੋਂ ਪ੍ਰਾਪਤ ਹੁਣ ਤੱਕ ਦਾ ਸਭ ਤੋਂ ਵੱਡਾ ਜੈੱਮ ਕੁਆਲਿਟੀ ਦਾ ਹੀਰਾ ਹੈ। ਹੀਰੇ ਦੀ ਅਨੁਮਾਨਤ ਕੀਮਤ ਦੋ ਕਰੋੜ ਰੁਪਏ ਹੈ। ਐੱਨਐੱਮਡੀਸੀ ਨੂੰ ਇਸ ਤੋਂ ਪਹਿਲਾਂ ਜੁਲਾਈ 2026 ਵਿਚ 13.16 ਕੈਰਟ ਦਾ ਜੈੱਮ ਕੁਆਲਿਟੀ ਦਾ ਹੀਰਾ ਮਿਲਿਆ ਸੀ। ਖਦਾਨ ਤੋਂ 2024 ਤੋਂ ਹੁਣ ਤੱਕ ਕਰੀਬ 14 ਹਜ਼ਾਰ ਕੈਰਟ ਦੇ ਹੀਰੇ ਪ੍ਰਾਪਤ ਹੋ ਚੁੱਕੇ ਹਨ। ਐੱਨਐੱਮਡੀਸੀ ਦਾ ਹੀਰਾ ਖਣਨ ਪ੍ਰਾਜੈਕਟ ਏਸ਼ੀਆ ਮਹਾਦੀਪ ਦੀ ਇਕੱਲੀ ਯੰਤਰੀਕ੍ਰਿਤ ਹੀਰਾ ਖਾਣ ਹੈ। ਇੱਥੇ ਸ਼ਾਨਦਾਰ ਕੁਦਰਤੀ ਹੀਰਿਆਂ ਦੀ ਨਿਕਾਸੀ ਕੀਤੀ ਜਾਂਦੀ ਹੈ। ਇੱਥੇ ਸੰਗਠਿਤ ਹੀਰਾ ਉਤਪਾਦਨ 1967 ਵਿਚ ਸ਼ੁਰੂ ਹੋਇਆ ਸੀ, ਜਦਕਿ ਸੁਵਿਧਾਜਨਕ ਉਤਪਾਦਨ 1971-72 ਤੋਂ ਸ਼ੁਰੂ ਹੋਇਆ। ਪੰਨਾ ਖੇਤਰ ਵਿਚ ਹੀਰਾ ਖਣਨ ਦਾ ਇਤਿਹਾਸ 1675 ਈਸਵੀ ਤੋਂ ਸ਼ੁਰੂ ਮੰਨਿਆ ਜਾਂਦਾ ਹੈ। ਜ਼ਿਲ੍ਹੇ ਦੀ ਹੀਰਾ-ਧਾਰੀ ਪੱਟੀ ਦੀਆਂ ਉਥਲੀ ਖਾਣਾਂ ਤੋਂ ਵੀ ਸਮੇਂ-ਸਮੇਂ ’ਤੇ ਵੱਡੇ ਅਤੇ ਉੱਚ ਗੁਣਵੱਤਾ ਵਾਲੇ ਕੁਦਰਤੀ ਹੀਰੇ ਮਿਲਦੇ ਰਹੇ ਹਨ।

ਨਦੀ ਵਿਚ ਵੀ ਹੀਰਿਆਂ ਦੀ ਤਲਾਸ਼

ਪੰਨਾ ਜ਼ਿਲ੍ਹੇ ਵਿਚ ਮੀਂਹ ਤੋਂ ਬਾਅਦ ਨਦੀ ਦੀ ਚਾਲ ਨਾਲ ਹੀਰੇ ਤਲਾਸ਼ੇ ਜਾਂਦੇ ਹਨ। ਬੁੱਧਵਾਰ ਨੂੰ ਵਿਸ਼ਰਾਮਗੰਜ ਰੇਂਜ ਦੇ ਰੁੰਜ ਡੈਮ ਡੂਬ ਖੇਤਰ ਵਿਚ ਛਤਰਪੁਰ, ਟੀਕਮਗੜ੍ਹ ਅਤੇ ਉੱਤਰ ਪ੍ਰਦੇਸ਼ ਦੇ ਬਾਂਦਾ ਅਤੇ ਆਸ-ਪਾਸ ਦੇ ਜ਼ਿਲ੍ਹਿਆਂ ਤੋਂ ਕਰੀਬ ਚਾਰ-ਪੰਜ ਹਜ਼ਾਰ ਲੋਕਾਂ ਦੀ ਭੀੜ ਉਮੜ ਪਈ।