ਕ੍ਰਿਕਟ ਰਣਭੂਮੀ : ਭਾਰਤ ਅਤੇ ਨਿਊਜ਼ੀਲੈਂਡ ਮਹਾਂ-ਸੰਗਰਾਮ ਦੇਸ਼ ਦੀ ਰਾਜਧਾਨੀ ਵੈਲਿੰਗਟਨ ਵਿਖੇ ਕੱਲ੍ਹ ਖੇਡਿਆ ਜਾਵੇਗਾ ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਕਾਰ ਦੂਜਾ ਰੋਮਾਂਚਕ ਵਨਡੇ ਮੈਚ

*ਤੀਜਾ ਇੱਕ ਦਿਨਾ 10 ਨਵੰਬਰ ਨੂੰ ਹੈਮਿਲਟਨ ਵਿਖੇ, ਚੌਥਾ 13 ਨਵੰਬਰ ਅਤੇ ਪੰਜਵਾਂ 15 ਨਵੰਬਰ ਨੂੰ ਦੋਵੇਂ ਮਾਉਂਟ ਮੂੰਗਾਨੁਈ ਵਿਖੇ

• ਦੂਜਾ ਵਨਡੇ: 7 ਨਵੰਬਰ 2026 (ਸ਼ਨੀਵਾਰ)-ਵੈਲਿੰਗਟਨ (ਦੁਪਹਿਰ 3:00 ਵਜੇ NZST / ਸਵੇਰੇ 7:30 ਵਜੇ IST)
• ਤੀਜਾ ਵਨਡੇ: 10 ਨਵੰਬਰ 2026 (ਮੰਗਲਵਾਰ)-ਹੈਮਿਲਟਨ (ਦੁਪਹਿਰ 3:00 ਵਜੇ NZST / ਸਵੇਰੇ 7:30 ਵਜੇ IST)
• ਚੌਥਾ ਵਨਡੇ: 13 ਨਵੰਬਰ 2026 (ਸ਼ੁੱਕਰਵਾਰ)-ਮਾਉਂਟ ਮੂੰਗਾਨੁਈ, ਬੇ ਓਵਲ (ਦੁਪਹਿਰ 3:00 ਵਜੇ NZST / ਸਵੇਰੇ 7:30 ਵਜੇ IST)
• ਪੰਜਵਾਂ ਵਨਡੇ: 15 ਨਵੰਬਰ 2026 (ਐਤਵਾਰ) – ਮਾਉਂਟ ਮੂੰਗਾਨੁਈ, ਬੇ ਓਵਲ (ਦੁਪਹਿਰ 3:00 ਵਜੇ NZST / ਸਵੇਰੇ 7:30 ਵਜੇ IST)

ਇਕ ਦਿਨਾਂ ਸੀਰੀਜ਼ ਦੇ ਸਮਾਪਤ ਹੋਣ ਤੋਂ ਬਾਅਦ ਦੋਵਾਂ ਦੇਸ਼ਾਂ ਵਿਚਕਾਰ ਦੋ ਮੈਚਾਂ ਦੀ ਅਹਿਮ ਆਈਸੀਸੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (WTC) ਟੈਸਟ ਸੀਰੀਜ਼ ਖੇਡੀ ਜਾਵੇਗੀ। ਆਉਣ ਵਾਲੇ ਦੋਵੇਂ ਟੈਸਟ ਮੈਚਾਂ ਦਾ ਸ਼ਡਿਊਲ ਇਸ ਪ੍ਰਕਾਰ ਹੈ:

• ਪਹਿਲਾ ਟੈਸਟ ਮੈਚ: 19 ਨਵੰਬਰ ਤੋਂ 23 ਨਵੰਬਰ 2026 – ਵੈਲਿੰਗਟਨ (ਬੇਸਿਨ ਰਿਜ਼ਰਵ), ਨਿਊਜ਼ੀਲੈਂਡ ਸਮੇਂ ਮੁਤਾਬਕ ਸਵੇਰੇ 11:00 ਵਜੇ (3:30 AM IST) ਸ਼ੁਰੂ ਹੋਵੇਗਾ।
• ਦੂਜਾ ਟੈਸਟ ਮੈਚ: 27 ਨਵੰਬਰ ਤੋਂ 1 ਦਸੰਬਰ 2026 – ਕ੍ਰਾਈਸਟਚਰਚ (ਹੈਗਲੇ ਓਵਲ), ਨਿਊਜ਼ੀਲੈਂਡ ਸਮੇਂ ਮੁਤਾਬਕ ਸਵੇਰੇ 11:00 ਵਜੇ (3:30 AM IST) ਖੇਡਿਆ ਜਾਵੇਗਾ।

ਸਮਾਪਤ ਹੋਈ ਪੰਜ ਟੀ-20 ਮੈਚਾਂ ਦੀ ਰਿਪੋਰਟ: ਜੇਕਰ ਹਾਲ ਹੀ ਵਿੱਚ ਨਿਊਜ਼ੀਲੈਂਡ ਦੀ ਧਰਤੀ ਉੱਤੇ ਸਮਾਪਤ ਹੋਈ ਪੰਜ ਮੈਚਾਂ ਦੀ ਟੀ-20 ਸੀਰੀਜ਼ ਦੀ ਗੱਲ ਕਰੀਏ ਤਾਂ ਭਾਰਤੀ ਟੀਮ ਨੇ ਸ਼ੁਰੂਆਤੀ ਤਿੰਨੋਂ ਮੈਚ ਜਿੱਤ ਕੇ 3-2 ਨਾਲ ਸੀਰੀਜ਼ ਆਪਣੇ ਨਾਂ ਕੀਤੀ ਸੀ। ਇਸ ਰੋਮਾਂਚਕ ਟੀ-20 ਸੀਰੀਜ਼ ਦੇ ਸਾਰੇ ਨਤੀਜੇ ਇਸ ਤਰ੍ਹਾਂ ਰਹੇ:

• ਪਹਿਲਾ ਟੀ-20 ਮੈਚ: ਭਾਰਤ ਨੇ ਨਿਊਜ਼ੀਲੈਂਡ ਨੂੰ ਕ੍ਰਾਈਸਟਚਰਚ ਵਿੱਚ 4 ਵਿਕਟਾਂ ਨਾਲ ਹਰਾਇਆ।
• ਦੂਜਾ ਟੀ-20 ਮੈਚ: ਕ੍ਰਾਈਸਟਚਰਚ ਦੇ ਮੈਦਾਨ ਉੱਤੇ ਭਾਰਤ ਨੇ ਫਿਰ ਤੋਂ 4 ਵਿਕਟਾਂ ਨਾਲ ਬਾਜ਼ੀ ਮਾਰੀ।
• ਤੀਜਾ ਟੀ-20 ਮੈਚ: ਵੈਲਿੰਗਟਨ ਵਿੱਚ ਖੇਡੇ ਗਏ ਮੁਕਾਬਲੇ ਵਿੱਚ ਭਾਰਤ ਨੇ ਸ਼ਾਨਦਾਰ ਖੇਡਦਿਆਂ 6 ਵਿਕਟਾਂ ਨਾਲ ਵੱਡੀ ਜਿੱਤ ਦਰਜ ਕੀਤੀ।
• ਚੌਥਾ ਟੀ-20 ਮੈਚ: ਆਕਲੈਂਡ ਦੇ ਈਡਨ ਪਾਰਕ ਵਿਖੇ ਨਿਊਜ਼ੀਲੈਂਡ ਨੇ ਜ਼ਬਰਦਸਤ ਵਾਪਸੀ ਕਰਦਿਆਂ ਭਾਰਤ ਨੂੰ 87 ਦੌੜਾਂ ਨਾਲ ਹਰਾਇਆ।
• ਪੰਜਵਾਂ ਟੀ-20 ਮੈਚ: ਹੈਮਿਲਟਨ ਵਿੱਚ ਖੇਡੇ ਗਏ ਆਖਰੀ ਟੀ-20 ਮੁਕਾਬਲੇ ਵਿੱਚ ਨਿਊਜ਼ੀਲੈਂਡ ਨੇ 7 ਵਿਕਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ।

ਦੋਵਾਂ ਦੇਸ਼ਾਂ ਦੀਆਂ ਟੀਮਾਂ ਦੇ ਕਪਤਾਨਾਂ ਦੀ ਗੱਲ ਕਰੀਏ ਤਾਂ ਭਾਰਤ ਵੱਲੋਂ ਵਨਡੇ ਸੀਰੀਜ਼ ਦੇ ਸ਼ੁਰੂਆਤੀ ਮੈਚਾਂ ਅਤੇ ਟੈਸਟ ਸੀਰੀਜ਼ ਵਿੱਚ ਸ਼ੁਭਮਨ ਗਿੱਲ ਟੀਮ ਦੀ ਕਮਾਨ ਸੰਭਾਲ ਰਹੇ ਹਨ, ਜਦਕਿ ਵਨਡੇ ਸੀਰੀਜ਼ ਦੇ ਆਖਰੀ ਦੋ ਮੈਚਾਂ ਵਿੱਚ ਸ਼੍ਰੇਅਸ ਅੱਈਅਰ ਕਪਤਾਨੀ ਦੀ ਜ਼ਿੰਮੇਵਾਰੀ ਸੰਭਾਲਣਗੇ। ਦੂਜੇ ਪਾਸੇ ਨਿਊਜ਼ੀਲੈਂਡ ਦੀ ਵਨਡੇ ਟੀਮ ਦੀ ਅਗਵਾਈ ਤਜ਼ਰਬੇਕਾਰ ਆਲਰਾਊਂਡਰ ਮਿਸ਼ੇਲ ਸੈਂਟਨਰ ਕਰ ਰਹੇ ਹਨ। ਆਈਸੀਸੀ (ICC) ਦੀਆਂ ਮੌਜੂਦਾ ਅੰਤਰਰਾਸ਼ਟਰੀ ਰੈਂਕਿੰਗਾਂ ਵਿੱਚ ਭਾਰਤ ਅਤੇ ਨਿਊਜ਼ੀਲੈਂਡ ਵਿਸ਼ਵ ਕ੍ਰਿਕਟ ਦੇ ਤਿੰਨਾਂ ਫਾਰਮੈਟਾਂ ਵਿੱਚ ਚੋਟੀ ਦੀਆਂ ਟੀਮਾਂ ਵਿੱਚ ਸ਼ਾਮਲ ਹਨ, ਜਿੱਥੇ ਭਾਰਤ ਟੀ-20 ਅਤੇ ਵਨਡੇ ਵਿੱਚ ਨੰਬਰ 1 ਰੈਂਕਿੰਗ ’ਤੇ ਕਾਬਜ਼ ਹੈ, ਜਦਕਿ ਨਿਊਜ਼ੀਲੈਂਡ ਵੀ ਚੋਟੀ ਦੇ 5 ਸਥਾਨਾਂ ਵਿੱਚ ਮਜ਼ਬੂਤੀ ਨਾਲ ਡਟਿਆ ਹੋਇਆ ਹੈ।