ਕਿਸੇ ਦਾ ਵੀ ਆਧਾਰ ਕਾਰਡ ਇਸ ਤਰ੍ਹਾਂ ਕਰੋ ਵੇਰੀਫਾਈ

ਦਰਅਸਲ ਆਧਾਰ ਕਾਰਡ ‘ਤੇ ਇੱਕ ਸੁਰੱਖਿਅਤ QR Code ਮਿਲਦਾ ਹੈ, ਜਿਸ ਵਿੱਚ ਕਾਰਡਧਾਰਕ ਦੀਆਂ ਜ਼ਰੂਰੀ ਡਿਟੇਲਜ਼ ਡਿਜੀਟਲ ਰੂਪ ਵਿੱਚ ਸੁਰੱਖਿਅਤ ਰਹਿੰਦੀਆਂ ਹਨ। ਇਸ QR Code ਨੂੰ ਸਕੈਨ ਕਰके ਆਧਾਰ ਦੀ ਪ੍ਰਮਾਣਿਕਤਾ (ਆਥੈਂਟਿਸਿਟੀ) ਦੀ ਜਾਂਚ ਕੀਤੀ ਜਾ ਸਕਦੀ ਹੈ। ਜੇਕਰ ਕਿਸੇ ਨੇ ਫੋਟੋਸ਼ਾਪ ਜਾਂ ਕਿਸੇ ਹੋਰ ਏ.ਆਈ. (AI) ਪਲੇਟਫਾਰਮ ਰਾਹੀਂ ਆਧਾਰ ਕਾਰਡ ਦੀ ਫੋਟੋ ਜਾਂ ਹੋਰ ਜਾਣਕਾਰੀ ਵਿੱਚ ਛੇੜਛਾੜ ਕੀਤੀ ਹੈ ਤਾਂ ਇਸਦੀ ਵੀ ਪਛਾਣ ਕੀਤੀ ਜਾ ਸਕਦੀ ਹੈ ਕਿਉਂਕਿ QR Code ਵਿੱਚ ਮੌਜੂਦ ਜਾਣਕਾਰੀ UIDAI ਵੱਲੋਂ ਡਿਜੀਟਲ ਦਸਤਖਤ (ਡਿਜੀਟਲ ਸਿਗਨੇਚਰ) ਨਾਲ ਸੁਰੱਖਿਅਤ ਕੀਤੀ ਜਾਂਦੀ ਹੈ। QR Code ਸਕੈਨ ਕਰਨ ਲਈ ਯੂਜ਼ਰਸ ਨੂੰ ਕੁਝ ਕਦਮਾਂ ਨੂੰ ਫਾਲੋ ਕਰਨਾ ਹੋਵੇਗਾ। ਪਹਿਲਾਂ ਆਪਣੇ ਫੋਨ ਵਿੱਚ ਗੂਗਲ ਪਲੇ ਸਟੋਰ ਜਾਂ ਐਪਲ ਐਪ ਸਟੋਰ ਤੋਂ ‘Aadhaar QR Scanner’ ਐਪ ਡਾਊਨਲੋਡ ਕਰੋ। ਐਪ ਦੀ ਮਦਦ ਨਾਲ QR Code ਸਕੈਨ ਕਰਦਿਆਂ ਹੀ ਆਧਾਰ ਕਾਰਡ ਨਾਲ ਜੁੜੀ ਜ਼ਰੂਰੀ ਜਾਣਕਾਰੀ ਸਕ੍ਰੀਨ ‘ਤੇ ਦਿਖਾਈ ਦੇਣ ਲੱਗਦੀ ਹੈ। ਇਸ ਨਾਲ ਇਹ ਪਤਾ ਲੱਗ ਜਾਂਦਾ ਹੈ ਕਿ ਦਸਤਾਵੇਜ਼ ਅਸਲੀ ਹੈ ਜਾਂ ਉਸ ਵਿੱਚ ਕਿਸੇ ਤਰ੍ਹਾਂ ਦੀ ਛੇੜਛਾੜ ਕੀਤੀ ਗਈ ਹੈ।

ਆਨਲਾਈਨ ਆਧਾਰ ਕਾਰਡ ਕਿਵੇਂ ਕਰੋ ਵੇਰੀਫਾਈ

ਇਸ ਤੋਂ ਇਲਾਵਾ, ਆਧਾਰ ਦੀ ਵੈਧਤਾ ਆਨਲਾਈਨ ਵੀ ਚੈੱਕ ਕੀਤੀ ਜਾ ਸਕਦੀ ਹੈ। ਇਸ ਲਈ ਯੂਜ਼ਰਸ UIDAI ਦੀ ਵੈੱਬਸਾਈਟ ‘ਤੇ ਉਪਲਬਧ ‘Check Aadhaar Validity’ ਸੇਵਾ ਦੀ ਵਰਤੋਂ ਕਰ ਸਕਦੇ ਹਨ। ਇੱਥੇ ਆਧਾਰ ਨੰਬਰ ਦਰਜ ਕਰਨ ਤੋਂ ਬਾਅਦ ਇਹ ਪਤਾ ਲੱਗ ਜਾਂਦਾ ਹੈ ਕਿ ਆਧਾਰ ਨੰਬਰ ਵੈਧ ਹੈ ਜਾਂ ਨਹੀਂ। ਨਾਲ ਹੀ ਕਾਰਡਧਾਰਕ ਦੀ ਉਮਰ, ਲਿੰਗ (ਜੈਂਡਰ), ਰਾਜ ਅਤੇ ਮੋਬਾਈਲ ਨੰਬਰ ਦੇ ਆਖਰੀ ਅੰਕ ਵਰਗੀ ਜਾਣਕਾਰੀ ਵੀ ਦਿਖਾਈ ਜਾਂਦੀ ਹੈ। ਇਸ ਲਈ ਜੇਕਰ ਤੁਸੀਂ ਕਿਸੇ ਨਵੇਂ ਕਰਮਚਾਰੀ, ਡਰਾਈਵਰ, ਕਿਰਾਏਦਾਰ ਜਾਂ ਹੋਰ ਸ਼ਖਸ ਦੀ ਵੇਰਿਫਿਕੇਸ਼ਨ ਕਰ ਰਹੇ ਹੋ ਤਾਂ ਆਧਾਰ ਕਾਰਡ ਦੀ ਜਾਂਚ ਲਈ ਹਮੇਸ਼ਾ ਸਿਰਫ਼ UIDAI ਦੇ ਅਧਿਕਾਰਤ ਮਾਧਿਅਮਾਂ ਦੀ ਹੀ ਵਰਤੋਂ ਕਰੋ।