ਇਹ 5 ਲੱਛਣ ਦਰਸਾਉਂਦੇ ਹਨ ਲਿਵਰ ‘ਤੇ ਜਮ੍ਹਾਂ ਹੋ ਰਹੀ ਹੈ ਫੈਟ

ਨਵੀਂ ਦਿੱਲੀ, 17 ਸਤੰਬਰ – ਜੰਕ ਫੂਡ, ਸ਼ੂਗਰੀ ਡ੍ਰਿੰਕਸ, ਤਣਾਅ, ਨੀਂਦ ਤੇ ਐਕਸਰਸਾਈਜ਼ ਦੀ ਘਾਟ ਸਾਡੀ ਆਧੁਨਿਕ ਜੀਵਨਸ਼ੈਲੀ ਦਾ ਹਿੱਸਾ ਬਣ ਚੁੱਕੇ ਹਨ। ਇਸ ਦਾ ਸਿੱਧਾ ਅਸਰ ਸਾਡੇ ਲਿਵਰ ‘ਤੇ ਪੈਂਦਾ ਹੈ। ਇਸੇ ਕਾਰਨ, ਅੱਜਕੱਲ੍ਹ ਲਿਵਰ ਨਾਲ ਜੁੜੀਆਂ ਸਮੱਸਿਆਵਾਂ ਤੇਜ਼ੀ ਨਾਲ ਵਧ ਰਹੀਆਂ ਹਨ। ਇਨ੍ਹਾਂ ਸਮੱਸਿਆਵਾਂ ‘ਚ ਸਭ ਤੋਂ ਆਮ ਫੈਟੀ ਲਿਵਰ (Fatty Liver) ਡਿਜ਼ੀਜ਼ ਹੈ।

ਫੈਟੀ ਲਿਵਰ ਉਸ ਵੇਲੇ ਹੁੰਦਾ ਹੈ, ਜਦੋਂ ਲਿਵਰ ਦੀਆਂ ਕੋਸ਼ਿਕਾਵਾਂ ‘ਚ ਵਾਧੂ ਚਰਬੀ ਇਕੱਠੀ ਹੋ ਜਾਂਦੀ ਹੈ। ਖਤਰਨਾਕ ਗੱਲ ਇਹ ਹੈ ਕਿ ਇਹ ਬਹੁਤ ਹੌਲੀ-ਹੌਲੀ, ਬਿਨਾਂ ਕਿਸੇ ਸਾਫ਼ ਸ਼ੁਰੂਆਤੀ ਲੱਛਣ ਦੇ ਵਧਦਾ ਹੈ। ਇਸ ਲਈ, ਇਸ ਦਾ ਪਤਾ ਉਸ ਵੇਲੇ ਹੀ ਲੱਗਦਾ ਹੈ, ਜਦੋਂ ਬਿਮਾਰੀ ਗੰਭੀਰ ਹੋ ਜਾਂਦੀ ਹੈ। ਹਾਲਾਂਕਿ, ਇਸਦੇ ਸ਼ੁਰੂਆਤੀ ਲੱਛਣ (Early Symptoms of Fatty Liver) ਸਹੀ ਤਰੀਕੇ ਨਾਲ ਸਮਝ ਨਹੀਂ ਆਉਂਦੇ, ਪਰ ਫਿਰ ਵੀ ਸਰੀਰ ਕੁਝ ਸੰਕੇਤਾਂ ਰਾਹੀਂ ਚਿਤਾਵਨੀ ਦਿੰਦਾ ਹੈ। ਜੇਕਰ ਇਨ੍ਹਾਂ ਨੂੰ ਸਮੇਂ ‘ਤੇ ਪਛਾਣ ਲਿਆ ਜਾਵੇ ਤਾਂ ਫੈਟੀ ਲਿਵਰ ਨੂੰ ਵਧਣ ਤੋਂ ਰੋਕਿਆ ਜਾ ਸਕਦਾ ਹੈ। ਆਓ ਜਾਣੀਏ ਕਿ ਕੀ ਹਨ ਉਹ ਲੱਛਣ।

ਜ਼ਿਆਦਾ ਮਿੱਠਾ ਖਾਣ ਦੀ ਤੇਜ਼ ਇੱਛਾ

ਅਚਾਨਕ ਮਿੱਠਾ ਖਾਣ ਦੀ ਇੱਛਾ ਹੋਣਾ ਸਿਰਫ਼ ਸਵਾਦ ਦਾ ਮਾਮਲਾ ਨਹੀਂ, ਬਲਕਿ ਇਹ ਲਿਵਰ ਦੀ ਸਿਹਤ ਦਾ ਸੰਕੇਤ ਵੀ ਹੋ ਸਕਦਾ ਹੈ। ਫੈਟੀ ਲਿਵਰ ਦੀ ਸਥਿਤੀ ‘ਚ ਲਿਵਰ ਸ਼ੂਗਰ ਨੂੰ ਸਹੀ ਤਰੀਕੇ ਨਾਲ ਪ੍ਰੋਸੈਸ ਨਹੀਂ ਕਰ ਪਾਉਂਦਾ, ਜਿਸ ਨਾਲ ਬਲੱਡ ਸ਼ੂਗਰ ਲੈਵਲ ‘ਚ ਉਤਰਾਅ-ਚੜ੍ਹਾਅ ਹੁੰਦਾ ਹੈ। ਇਸੇ ਕਾਰਨ ਸਰੀਰ ਨੂੰ ਤੁਰੰਤ ਊਰਜਾ ਦੀ ਲੋੜ ਹੁੰਦੀ ਹੈ, ਜੋ ਮਿੱਠਾ ਖਾਣ ਨਾਲ ਪੂਰੀ ਹੁੰਦੀ ਹੈ। ਜੇਕਰ ਤੁਹਾਨੂੰ ਬਿਨਾਂ ਕਾਰਨ ਲਗਾਤਾਰ ਮਿੱਠਾ ਖਾਣ ਦਾ ਮਨ ਕਰੇ, ਤਾਂ ਇਹ ਫੈਟੀ ਲਿਵਰ ਦਾ ਲੱਛਣ ਹੋ ਸਕਦਾ ਹੈ।

ਪੇਟ ‘ਚ ਬਲੋਟਿੰਗ ਅਤੇ ਬਦਹਜ਼ਮੀ

ਲਗਾਤਾਰ ਬਲੋਟਿੰਗ, ਗੈਸ ਜਾਂ ਬਦਹਜ਼ਮੀ ਦੀ ਸ਼ਿਕਾਇਤ ਨੂੰ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ। ਫੈਟੀ ਲਿਵਰ ਲਿਵਰ ਦੇ ਫੰਕਸ਼ਨ ਨੂੰ ਹੌਲੀ ਕਰ ਦਿੰਦਾ ਹੈ, ਜਿਸ ਨਾਲ ਬਾਇਲ ਜੂਸ ਦਾ ਸੀਕ੍ਰੇਸ਼ਨ ਪ੍ਰਭਾਵਿਤ ਹੁੰਦਾ ਹੈ। ਬਾਇਲ ਜੂਸ ਫੈਟ ਨੂੰ ਪਚਾਉਣ ‘ਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦਾ ਹੈ। ਇਸਦੀ ਘਾਟ ਨਾਲ ਖਾਣਾ ਠੀਕ ਢੰਗ ਨਾਲ ਨਹੀਂ ਪਚਦਾ ਤੇ ਪੇਟ ‘ਚ ਭਾਰੀਪਣ, ਗੈਸ ਤੇ ਬਲੋਟਿੰਗ ਦੀ ਸਮੱਸਿਆ ਹੋਣ ਲੱਗਦੀ ਹੈ।

ਬ੍ਰੇਨ ਫੌਗ ਜਾਂ ਫੋਕਸ ‘ਚ ਘਾਟ

ਜੇਕਰ ਤੁਹਾਨੂੰ ਲਗਾਤਾਰ ਕਨਫਿਊਜ਼ਨ, ਯਾਦਾਸ਼ਤ ਦੀ ਕਮਜ਼ੋਰੀ ਜਾਂ ਫੋਕਸ ਕਰਨ ‘ਚ ਮੁਸ਼ਕਲ ਹੋ ਰਹੀ ਹੈ, ਤਾਂ ਇਸਨੂੰ ਸਿਰਫ਼ ਤਣਾਅ ਨਾ ਸਮਝੋ। ਲਿਵਰ ਸਰੀਰ ਤੋਂ ਟੌਕਸਿਨਜ਼ ਨੂੰ ਕੱਢਣ ਦਾ ਕੰਮ ਕਰਦਾ ਹੈ। ਪਰ ਫੈਟੀ ਲਿਵਰ ਹੋਣ ‘ਤੇ ਇਹ ਪ੍ਰਕਿਰਿਆ ਰੁਕ ਜਾਂਦੀ ਹੈ ਅਤੇ ਟੌਕਸਿਨਜ਼ ਖੂਨ ‘ਚ ਮਿਲ ਕੇ ਦਿਮਾਗ ਤਕ ਪਹੁੰਚ ਸਕਦੇ ਹਨ। ਇਸ ਦਾ ਸਿੱਧਾ ਪ੍ਰਭਾਵ ਸਾਡੇ ਸੋਚਣ-ਸਮਝਣ ਦੀ ਸ਼ਕਤੀ ‘ਤੇ ਪੈਂਦਾ ਹੈ ਜਿਸਨੂੰ ਬ੍ਰੇਨ ਫੌਗ ਕਿਹਾ ਜਾਂਦਾ ਹੈ।

ਲਗਾਤਾਰ ਥਕਾਵਟ ਤੇ ਕਮਜ਼ੋਰੀ

ਬਿਨਾਂ ਕਿਸੇ ਸਰੀਰਕ ਮਿਹਨਤ ਦੇ ਵੀ ਜੇਕਰ ਤੁਸੀਂ ਪੂਰੇ ਦਿਨ ਥੱਕੇ ਹੋਏ ਤੇ ਸੁਸਤ ਮਹਿਸੂਸ ਕਰਦੇ ਹੋ ਤਾਂ ਇਹ ਫੈਟੀ ਲਿਵਰ ਦਾ ਗੰਭੀਰ ਸੰਕੇਤ ਹੈ। ਲਿਵਰ ਸਰੀਰ ਦੀ ਊਰਜਾ ਨੂੰ ਸਟੋਰ ਤੇ ਮੈਨੇਜ ਕਰਨ ਦਾ ਕੰਮ ਵੀ ਕਰਦਾ ਹੈ। ਜਦੋਂ ਲਿਵਰ ‘ਤੇ ਵਾਧੂ ਚਰਬੀ ਇਕੱਠੀ ਹੋ ਜਾਂਦੀ ਹੈ ਤਾਂ ਇਹ ਠੀਕ ਤਰੀਕੇ ਨਾਲ ਕੰਮ ਨਹੀਂ ਕਰ ਪਾਉਂਦਾ। ਜਿਸ ਕਾਰਨ ਸਰੀਰ ਨੂੰ ਭਰਪੂਰ ਮਾਤਰਾ ‘ਚ ਊਰਜਾ ਨਹੀਂ ਮਿਲਦੀ ਅਤੇ ਵਿਅਕਤੀ ਹਮੇਸ਼ਾ ਥਕਾਵਟ ਮਹਿਸੂਸ ਕਰਦਾ ਹੈ।