ਭਾਜਪਾ ਸੰਸਦ ਦੇ ਬਿਆਨ ‘ਤੇ ਕਾਂਗਰਸ ਬੋਲੀ
ਰਾਏਪੁਰ, 27 ਅਗਸਤ – ਕਾਂਕੇਰ ਤੋਂ ਭਾਜਪਾ ਸੰਸਦ ਮੈਂਬਰ ਭੋਜਰਾਜ ਨਾਗ ਨੇ ਕਿਹਾ, “ਮੌਸਮ ਖਰਾਬ ਸੀ, ਜ਼ੋਰਦਾਰ ਬਾਰਸ਼ ਹੋ ਰਹੀ ਸੀ ਅਤੇ ਮੈਨੂੰ ਪਤਾ ਲੱਗਾ ਕਿ ਮੁੱਖ ਮੰਤਰੀ ਆਉਣ ਵਾਲੇ ਹਨ। ਮੈਂ ਮਹਾਦੇਵ ਨੂੰ ਪ੍ਰਾਰਥਨਾ ਕੀਤੀ, ਇੱਕ ਨਿੰਬੂ ਕੱਟਿਆ ਅਤੇ ਬਾਰਸ਼ ਰੁਕ ਗਈ।”ਨਾਗ ਪਹਿਲਾਂ ਵੀ ਜਨਤਕ ਬਿਆਨਾਂ ’ਚ ਨਿੰਬੂ, ਝਾੜ-ਫੂਕ ਅਤੇ ਭੂਤ ਭਜਾਉਣ ਵਰਗੀਆਂ ਗੱਲਾਂ ਦਾ ਜ਼ਿਕਰ ਕਰਦੇ ਰਹੇ ਹਨ। ਉਨ੍ਹਾਂ ਨੇ ਬਾਲੋਦ ਜ਼ਿਲ੍ਹੇ ’ਚ ਬੁੱਢਾਦੇਵ ਅਤੇ ਮਹਾਦੇਵ ਤੋਂ ਪ੍ਰਾਰਥਨਾ ਕਰਕੇ ਅਤੇ ਨਿੰਬੂ ਕੱਟ ਕੇ ਬਾਰਸ਼ ਰੋਕਣ ਦਾ ਦਾਅਵਾ ਕਰਕੇ ਨਵੀਂ ਬਹਿਸ ਛੇੜ ਦਿੱਤੀ ਹੈ। ਸੰਸਦ ਮੈਂਬਰ ਨੇ ਕਿਹਾ, “ਹੁਣ ਪ੍ਰੋਗਰਾਮ ਸਫਲ ਹੋ ਗਿਆ ਹੈ। ਜੇਕਰ ਬਾਰਸ਼ ਹੋਣੀ ਹੈ ਤਾਂ ਹੋਣ ਦਿਓ।” ਇਸ ਗੱਲ ‘ਤੇ ਮੰਚ ‘ਤੇ ਮੌਜੂਦ ਸਾਈਂ ਅਤੇ ਹੋਰ ਲੋਕ ਮੁਸਕਰਾਉਣ ਅਤੇ ਹੱਸਣ ਲੱਗੇ।
ਅਧਿਕਾਰੀਆਂ ਨੂੰ ਵੀ ਦੇ ਚੁੱਕੇ ਹਨ ਨਿੰਬੂ ਕੱਟਣ ਵਾਲੀ ਧਮਕੀ
ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਉਨ੍ਹਾਂ ਅਧਿਕਾਰੀਆਂ ਲਈ ਨਿੰਬੂ ਕੱਟਣ ਦੀ ਧਮਕੀ ਦਿੱਤੀ ਸੀ ਜੋ ਜਨਤਾ ਦੀਆਂ ਸ਼ਿਕਾਇਤਾਂ ‘ਤੇ ਧਿਆਨ ਨਹੀਂ ਦਿੰਦੇ ਸਨ। ਇਸ ਬਿਆਨ ਦਾ ਮਤਲਬ ਕਿਸੇ ਰੁਕਾਵਟ ਜਾਂ ਬਦਕਿਸਮਤੀ ਨੂੰ ਦੂਰ ਕਰਨ ਲਈ ਕੀਤੇ ਜਾਣ ਵਾਲੇ ਰੀਤੀ-ਰਿਵਾਜ ਤੋਂ ਕੱਢਿਆ ਗਿਆ ਸੀ।ਉਹ ਪਹਿਲਾਂ ਵੀ ਝਾੜ-ਫੂਕ ਅਤੇ ਅਜਿਹੀਆਂ ਹੀ ਪ੍ਰਥਾਵਾਂ ਨਾਲ ਜੁੜੇ ਬਿਆਨਾਂ ਕਾਰਨ ਚਰਚਾ ਵਿੱਚ ਰਹੇ ਹਨ। ਨਾਗ ਨੇ ਇਹ ਗੱਲ ਮੰਗਲਵਾਰ ਨੂੰ ਡੌਂਡੀਲੋਹਾਰਾ ਵਿੱਚ ਇੱਕ ਜਨਸਭਾ ਵਿੱਚ ਕਹੀ, ਜਿੱਥੇ ਮੁੱਖ ਮੰਤਰੀ ਵਿਸ਼ਨੂੰ ਦੇਵ ਸਾਈਂ ਮਹਤਾਰੀ ਵੰਦਨ ਯੋਜਨਾ ਦੇ ਇੱਕ ਪ੍ਰੋਗਰਾਮ ਲਈ ਆਏ ਸਨ।
ਕਾਂਗਰਸ ਨੇ ਉਡਾਇਆ ਮਜ਼ਾਕ
ਇਸ ਬਿਆਨ ਦਾ ਵੀਡੀਓ ਵਾਇਰਲ ਹੋ ਗਿਆ ਹੈ, ਜਿਸ ‘ਤੇ ਕਾਂਗਰਸ ਨੇ ਮਜ਼ਾਕ ਉਡਾਇਆ ਹੈ ਅਤੇ ਅੰਧਵਿਸ਼ਵਾਸ ਵਿਰੋਧੀ ਕਾਰਕੁਨਾਂ ਨੇ ਆਲੋਚਨਾ ਕੀਤੀ ਹੈ। ਛੱਤੀਸਗੜ੍ਹ ਕਾਂਗਰਸ ਮੁਖੀ ਦੀਪਕ ਬੈਜ ਨੇ ਇਸ ਬਿਆਨ ਦਾ ਮਜ਼ਾਕ ਉਡਾਇਆ ਅਤੇ ਨਾਗ ‘ਤੇ ਦਿਖਾਵਾ ਕਰਨ ਅਤੇ ਅੰਧਵਿਸ਼ਵਾਸ ਤੇ ਗਲਤ ਜਾਣਕਾਰੀ ਫੈਲਾਉਣ ਦਾ ਦੋਸ਼ ਲਾਇਆ। ਨਾਗ ਦੇ ਦਾਅਵੇ ‘ਤੇ ਤੰਜ ਕਸਦਿਆਂ ਬੈਜ ਨੇ ਕਿਹਾ, “ਜੇਕਰ ਨਿੰਬੂ ਕੱਟਣ ਨਾਲ ਬਾਰਸ਼ ਰੁਕ ਸਕਦੀ ਹੈ ਤਾਂ ਉਨ੍ਹਾਂ ਨੂੰ ਚੀਨੀ ਦੀਆਂ ਕੀਮਤਾਂ ਅਤੇ ਮਹਿੰਗਾਈ ਘਟਾਉਣ ਲਈ ਵੀ ਇੱਕ ਨਿੰਬੂ ਕੱਟਣਾ ਚਾਹੀਦਾ ਹੈ।
Share this content:
Post Comment