ਬ੍ਰੈੱਡ, ਐਨਰਜੀ ਡਰਿੰਕਸ ਤੇ ਪੈਕਡ ਫੂਡ ਆਏ ਸ਼ੱਕ ਦੇ ਦਾਇਰੇ ‘ਚ, ‘100% ਪਿਓਰ’ ਅਤੇ ‘ਆਰਗੈਨਿਕ’ ਵਰਗੇ ਦਾਅਵਿਆਂ ‘ਤੇ ਲੱਗੀ ਰੋਕ

ਐੱਫਐੱਸਐੱਸਏਆਈ ਨੇ 3 ਅਗਸਤ ਨੂੰ ਡਾਬਰ ਨੂੰ ਕਿਹਾ ਸੀ ਕਿ ਉਹ ਆਪਣੇ ਉਤਪਾਦਾਂ ’ਤੇ 100 ਪ੍ਰਤੀਸ਼ਤ ਸ਼ੁੱਧ ਅਤੇ ਜੈਵਿਕ ਭਾਰਤ ਵਰਗੇ ਲੋਗੋ ਦਾ ਇਸਤੇਮਾਲ ਨਾ ਕਰੇ ਅਤੇ ਉਨ੍ਹਾਂ ਨੂੰ ਆਪਣੇ ਉਤਪਾਦਾਂ ਤੋਂ ਇਨ੍ਹਾਂ ਦਾਅਵਿਆਂ ਨੂੰ ਹਟਾਉਣਾ ਪਵੇਗਾ। ਡਾਬਰ ਸ਼ਹਿਦ, ਨਾਰੀਅਲ ਪਾਣੀ, ਵਿਨੇਗਰ ਵਰਗੇ ਕਈ ਉਤਪਾਦਾਂ ਦੀ ਵਿਕਰੀ ਵਿਚ ਇਸ ਤਰ੍ਹਾਂ ਦੇ ਦਾਅਵੇ ਕਰਦੀ ਹੈ। ਐੱਫਐੱਸਐੱਸਏਆਈ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਦੇ ਦਾਅਵੇ ਉਪਭੋਗਤਾਵਾਂ ਨੂੰ ਗੁਮਰਾਹ ਕਰਦੇ ਹਨ ਅਤੇ ਇਸ ਲਈ ਕੰਪਨੀਆਂ ਨੂੰ ਇਹ ਦਾਅਵਾ ਕਰਨ ਦੀ ਇਜਾਜ਼ਤ ਨਹੀਂ ਹੈ। ਪਿਛਲੇ ਮਹੀਨੇ ਐੱਫਐੱਸਐੱਸਏਆਈ ਨੇ ਬਾਜ਼ਾਰ ਵਿਚ ਐਨਰਜੀ ਡਰਿੰਕਸ ਦੇ ਲੇਬਲ ਤੋਂ ਵਿਕਣ ਵਾਲੇ ਬੇਵਰੇਜ ਨੂੰ ਐਨਰਜੀ ਡਰਿੰਕ ਦਾ ਲੇਬਲ ਹਟਾਉਣ ਦਾ ਫੁਰਮਾਨ ਜਾਰੀ ਕੀਤਾ। ਦਿਲਚਸਪ ਗੱਲ ਇਹ ਹੈ ਕਿ ਐੱਫਐੱਸਐੱਸਏਆਈ ਜਾਂ ਸਰਕਾਰੀ ਏਜੰਸੀ ਵੱਲੋਂ ਐਨਰਜੀ ਡਰਿੰਕਸ ਦੀ ਕੋਈ ਪਰਿਭਾਸ਼ਾ ਜਾਰੀ ਨਹੀਂ ਕੀਤੀ ਗਈ ਹੈ। ਦੋ ਦਿਨ ਪਹਿਲਾਂ ਐੱਫਐੱਸਐੱਸਏਆਈ ਨੇ ਉੱਤਰ ਪ੍ਰਦੇਸ਼ ਦੇ ਵੀਕੇਸੀ ਨਟਸ ਪ੍ਰਾਈਵੇਟ ਲਿਮਟਿਡ ਦਾ ਲਾਇਸੈਂਸ ਰੱਦ ਕਰ ਦਿੱਤਾ ਸੀ ਕਿਉਂਕਿ ਉਨ੍ਹਾਂ ਦੇ ਇੱਥੇ ਡ੍ਰਾਈ ਫਰੂਟ ਪੈਕ ਕਰਨ ਦੌਰਾਨ ਉਸ ਵਿਚ ਕੀੜੇ ਮਿਲੇ ਸਨ। ਫੰਗਸ ਵੀ ਸੀ। ਕਮਰੇ ਵਿਚ ਚੂਹੇ ਦੌੜ ਰਹੇ ਸਨ।