ਫਲਿਪਕਾਰਟ ਨੇ ਮੁਲਾਜ਼ਮਾਂ ਲਈ 105 ਫ਼ੀ ਸਦੀ ਬੋਨਸ ਦਾ ਕੀਤਾ ਐਲਾਨ

ਨਵੀਂ ਦਿੱਲੀ, 21 ਮਾਰਚ – ਈ-ਕਾਮਰਸ ਖੇਤਰ ਦੀ ਵੱਡੀ ਕੰਪਨੀ ਫਲਿਪਕਾਰਟ ਨੇ ਅਪਣੇ  ਕਾਰੋਬਾਰ ਵਿਚ ਆਈ ਮਜ਼ਬੂਤੀ ਨੂੰ ਵੇਖਦੇ  ਹੋਏ ਮੁਲਾਜ਼ਮਾਂ ਨੂੰ ਸਾਲ 2025 ਲਈ 105 ਫ਼ੀ ਸਦੀ  ਬੋਨਸ ਦੇਣ ਦਾ ਐਲਾਨ ਕੀਤਾ ਹੈ। ਕੰਪਨੀ ਦੇ ਇਕ  ਅੰਦਰੂਨੀ ਈਮੇਲ ਅਨੁਸਾਰ, ਸੀਨੀਅਰ ਡਾਇਰੈਕਟਰ ਅਤੇ ਉਸ ਤੋਂ ਹੇਠਾਂ ਦੇ ਅਹੁਦਿਆਂ ਉਤੇ  ਕੰਮ ਕਰ ਰਹੇ ਯੋਗ ਮੁਲਾਜ਼ਮਾਂ ਨੂੰ ਇਹ ਬੋਨਸ ਮਾਰਚ ਮਹੀਨੇ ਵਿਚ ਹੀ ਜਾਰੀ ਕਰ ਦਿਤਾ ਜਾਵੇਗਾ।

ਹਾਲਾਂਕਿ, ਉਪ-ਪ੍ਰਧਾਨ ਅਤੇ ਸੀਨੀਅਰ ਉਪ-ਪ੍ਰਧਾਨ ਪੱਧਰ ਦੇ ਅਧਿਕਾਰੀਆਂ ਨੂੰ ਇਹ ਭੁਗਤਾਨ ਉਨ੍ਹਾਂ ਦੀ ਪ੍ਰਦਰਸ਼ਨ ਸਮੀਖਿਆ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ ਕੀਤਾ ਜਾਵੇਗਾ। ਕੰਪਨੀ ਨੇ ਕਿਹਾ, “ਬੋਨਸ ਦੇਣ ਦਾ ਸਾਡਾ ਇਹ ਸਾਲਾਨਾ ਪੈਮਾਨਾ ਦਰਸਾਉਂਦਾ ਹੈ ਕਿ ਅਸੀਂ ਕਾਰੋਬਾਰ ਅਤੇ ਮੁਨਾਫ਼ੇ ਦੀ ਦਿਸ਼ਾ ਵਿਚ ਕਿੰਨੀ ਤਰੱਕੀ ਕੀਤੀ ਹੈ। ਅਸੀਂ ਵਿਕਾਸ ਦੀ ਰਫ਼ਤਾਰ ਨੂੰ ਕਾਇਮ ਰਖਦੇ  ਹੋਏ ਮੁਨਾਫ਼ੇ ਵਲ  ਵਧਣ ਵਿਚ ਵੱਡੀ ਸਫ਼ਲਤਾ ਹਾਸਲ ਕੀਤੀ ਹੈ।