ਦਿੱਲੀ ਦੇ ਮਸ਼ਹੂਰ ਰੈਸਟੋਰੈਂਟ ‘ਚ ਲੱਗੀ ਭਿਆਨਕ ਅੱਗ, 10 ਵਿਦੇਸ਼ੀਆਂ ਸਮੇਤ 21 ਮੌਤਾਂ

ਨਵੀਂ ਦਿੱਲੀ, 3 ਜੂਨ – ਫਾਇਰ ਵਿਭਾਗ ਦੇ ਅਨੁਸਾਰ ਬੁੱਧਵਾਰ ਸਵੇਰੇ ਦੱਖਣੀ ਦਿੱਲੀ ਦੇ ਮਾਲਵੀਆ ਨਗਰ ਵਿੱਚ ਇੱਕ ਰੈਸਟੋਰੈਂਟ ਵਿੱਚ ਲੱਗੀ ਭਿਆਨਕ ਅੱਗ ਵਿੱਚੋਂ ਬਚਾਏ ਗਏ ਕੁੱਲ 37 ਲੋਕਾਂ ਵਿੱਚੋਂ ਘੱਟੋ-ਘੱਟ 21  ਵਿਅਕਤੀਆਂ ਦੀ ਮੌਤ ਹੋ ਗਈ ਅਤੇ 27 ਜ਼ਖਮੀ ਹੋ ਗਏ ਹਨ। ਅਧਿਕਾਰੀਆਂ ਮੁਤਾਬਕ ਮਾਲਵੀਆ ਨਗਰ ਸਥਿਤ ਰੈਸਟੋਰੈਂਟ ‘ਚ ਸਵੇਰੇ ਕਰੀਬ 8:50 ਵਜੇ ਅੱਗ ਲੱਗਣ ਦੀ ਸੂਚਨਾ ਮਿਲੀ ਸੀ। ਦਿੱਲੀ ਫਾਇਰ ਸਰਵਿਸ ਨੇ ਸ਼ੁਰੂ ਵਿੱਚ ਛੇ ਫਾਇਰ ਟੈਂਡਰ ਅਤੇ ਐਮਰਜੈਂਸੀ ਰਿਸਪਾਂਸ ਵਾਹਨ ਮੌਕੇ ‘ਤੇ ਭੇਜੇ ਸਨ। ਜਿਵੇਂ-ਜਿਵੇਂ ਅੱਗ ਦੀ ਤੀਬਰਤਾ ਸਪੱਸ਼ਟ ਹੋਈ, ਵਾਧੂ ਫਾਇਰਫਾਈਟਿੰਗ ਯੂਨਿਟਾਂ ਨੂੰ ਮੌਕੇ ‘ਤੇ ਭੇਜਿਆ ਗਿਆ। ਸਵੇਰੇ ਕਰੀਬ 9:16 ਵਜੇ ਘਟਨਾ ਨੂੰ “ਮੇਕ-4” ਫਾਇਰ ਸ਼੍ਰੇਣੀ ਵਿੱਚ ਅਪਗ੍ਰੇਡ ਕਰ ਦਿੱਤਾ ਗਿਆ, ਜਿਸ ਨਾਲ ਵਾਟਰ ਟੈਂਡਰ, ਵਾਟਰ ਬੌਸਰ, ਇੱਕ ਕੁਇੱਕ ਰਿਸਪਾਂਸ ਵਾਹਨ, ਇੱਕ ਮਲਟੀਪਰਪਜ਼ ਵਾਹਨ ਅਤੇ ਇੱਕ ਬ੍ਰੀਦਿੰਗ ਐਪਰੇਟਸ ਸਪੋਰਟ ਯੂਨਿਟ ਸਮੇਤ ਕੁੱਲ 10 ਫਾਇਰਫਾਈਟਿੰਗ ਵਾਹਨਾਂ ਨੂੰ ਤਾਇਨਾਤ ਕੀਤਾ ਗਿਆ।

ਸ਼ੁਰੂਆਤੀ ਬਚਾਅ ਕਾਰਜ ਦੌਰਾਨ ਫਾਇਰਫਾਈਟਰਾਂ ਨੇ ਰੈਸਟੋਰੈਂਟ ਦੇ ਧੂੰਏਂ ਨਾਲ ਭਰੇ ਬੇਸਮੈਂਟ ਵਿੱਚ ਦਾਖਲ ਹੋ ਕੇ ਤਿੰਨ ਵਿਅਕਤੀਆਂ ਨੂੰ ਸਫਲਤਾਪੂਰਵਕ ਬਚਾਇਆ, ਜਿਨ੍ਹਾਂ ਨੂੰ ਤੁਰੰਤ CATS ਐਂਬੂਲੈਂਸਾਂ ਰਾਹੀਂ ਹਸਪਤਾਲ ਭੇਜਿਆ ਗਿਆ। ਇਸ ਤੋਂ ਬਾਅਦ ਟੀਮਾਂ ਵੱਲੋਂ ਇਮਾਰਤ ਵਿੱਚ ਹੋਰ ਫਸੇ ਲੋਕਾਂ ਦੀ ਭਾਲ ਲਈ ਮੁਹਿੰਮ ਤੇਜ ਕੀਤੀ ਗਈ। ਸਵੇਰੇ 11:20 ਵਜੇ ਤੱਕ, ਅਧਿਕਾਰੀਆਂ ਨੇ ਦੱਸਿਆ ਕਿ DFS ਕਰਮਚਾਰੀਆਂ, ਪੁਲੀਸ ਟੀਮਾਂ ਅਤੇ ਸਥਾਨਕ ਵਸਨੀਕਾਂ ਦੁਆਰਾ ਇਮਾਰਤ ਵਿੱਚੋਂ 37 ਲੋਕਾਂ ਨੂੰ ਬਚਾਇਆ ਗਿਆ ਸੀ। ਬਚਾਏ ਗਏ ਵਿਅਕਤੀਆਂ ਨੂੰ ਡਾਕਟਰੀ ਜਾਂਚ ਅਤੇ ਇਲਾਜ ਲਈ ਵੱਖ-ਵੱਖ ਹਸਪਤਾਲਾਂ ਵਿੱਚ ਲਿਜਾਇਆ ਗਿਆ। ‘ਆਪ’ ਨੇਤਾ ਸੋਮਨਾਥ ਭਾਰਤੀ ਨੇ ਵੀ ‘ਐਕਸ’ (X) ‘ਤੇ ਇੱਕ ਪੋਸਟ ਵਿੱਚ ਘਟਨਾ ‘ਤੇ ਪ੍ਰਤੀਕਿਰਿਆ ਦਿੱਤੀ।