ਓਪਰੇਸ਼ਨ ਸਿੰਦੂਰ ਕਾਰਨ ਦੁਨੀਆ ਭਰ ਵਿੱਚ ਭਾਰਤੀ ਹਥਿਆਰਾਂ ਦੀ ਵਧੀ ਮੰਗ
ਨਵੀਂ ਦਿੱਲੀ, 1 ਜੂਨ – ਆਪਰੇਸ਼ਨ ਸਿੰਦੂਰ ਵਿੱਚ ਬ੍ਰਹਮੋਸ, ਆਕਾਸ਼, ਲੌਇਟਰਿੰਗ ਮਿਊਨੀਸ਼ਨ ਅਤੇ ਨੇਤਰ ਵਰਗੇ ਭਾਰਤੀ ਹਥਿਆਰਾਂ ਦੀ ਵਰਤੋਂ ਤੋਂ ਬਾਅਦ ਦੁਨੀਆ ਵਿੱਚ ਇਨ੍ਹਾਂ ਦੀ ਮੰਗ ਤੇਜ਼ੀ ਨਾਲ ਵਧੀ ਹੈ। ਕਈ ਦੇਸ਼ਾਂ ਨੇ ਇਨ੍ਹਾਂ ਨੂੰ ਖਰੀਦਣ ਵਿੱਚ ਦਿਲਚਸਪੀ ਦਿਖਾਈ ਹੈ, ਜਦੋਂ ਕਿ ਕੁਝ ਦੇਸ਼ਾਂ ਨਾਲ ਹਜ਼ਾਰਾਂ ਕਰੋੜ ਰੁਪਏ ਦੇ ਸੌਦੇ ਵੀ ਹੋ ਚੁੱਕੇ ਹਨ। ਇਨ੍ਹਾਂ ਦੀ ਕੀਮਤ 21,000 ਕਰੋੜ ਰੁਪਏ ਤੋਂ ਵੱਧ ਹੈ। ਰੱਖਿਆ ਮੰਤਰਾਲੇ ਮੁਤਾਬਕ, 2025-26 ਵਿੱਚ ਭਾਰਤ ਦਾ ਰੱਖਿਆ ਨਿਰਯਾਤ ਰਿਕਾਰਡ 38,424 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ, ਜੋ ਪਿਛਲੇ ਸਾਲ ਨਾਲੋਂ 62% ਵੱਧ ਹੈ। ਬ੍ਰਹਮੋਸ ਲਈ ਫਿਲੀਪੀਨਜ਼, ਵੀਅਤਨਾਮ ਅਤੇ ਦੋ ਹੋਰ ਦੇਸ਼ਾਂ ਨਾਲ ਲਗਭਗ 12,500 ਕਰੋੜ ਰੁਪਏ ਦੇ ਸੌਦੇ ਹੋ ਚੁੱਕੇ ਹਨ। ਇੰਡੋਨੇਸ਼ੀਆ ਨਾਲ ਲਗਭਗ 3,600 ਕਰੋੜ ਰੁਪਏ ਦੀ ਡੀਲ ਅੰਤਿਮ ਮਨਜ਼ੂਰੀ ਦੇ ਪੜਾਅ ਵਿੱਚ ਹੈ।
Share this content:
Post Comment