ਰੌਕਿੰਗ ਸਟਾਰ ਯਸ਼ ਦੀ ਨਵੀਂ ਫ਼ਿਲਮ ‘Toxic’ ਦਾ ਟ੍ਰੈਲਰ ਹੋਇਆ ਰਿਲੀਜ਼
ਨਵੀਂ ਦਿੱਲੀ, 10 ਅਗਸਤ – ਰੌਕਿੰਗ ਸਟਾਰ ਯਸ਼ ਦੀ ਫ਼ਿਲਮ ‘Toxic’ ਦਾ ਫੈਨਜ਼ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਸਨ। ਫ਼ਿਲਮ ਦੇ ਵਾਰ-ਵਾਰ ਪੋਸਟਪੋਨ ਹੋਣ ਕਾਰਨ ਸਾਊਥ ਸੁਪਰਸਟਾਰ ਦੇ ਪ੍ਰਸ਼ੰਸਕ ਕਾਫ਼ੀ ਨਿਰਾਸ਼ ਸਨ, ਪਰ ਹੁਣ ਉਨ੍ਹਾਂ ਦੀ ਇਹ ਉਦਾਸੀ ਖੁਸ਼ੀ ਵਿੱਚ ਬਦਲਣ ਵਾਲੀ ਹੈ। ਆਖ਼ਿਰਕਾਰ ਮੋਸਟ ਅਵੇਟਿਡ ਗੈਂਗਸਟਰ ਡਰਾਮਾ ਫ਼ਿਲਮ ‘Toxic’ ਦਾ ਧਮਾਕੇਦਾਰ ਟ੍ਰੇਲਰ ਸਾਹਮਣੇ ਆ ਗਿਆ ਹੈ। ਟ੍ਰੇਲਰ ਦਾ ਇੱਕ-ਇੱਕ ਸੀਨ ਇੰਨਾ ਪਾਵਰਫੁਲ ਹੈ ਕਿ ਦਰਸ਼ਕ ਲਗਭਗ ਸਾਢੇ ਚਾਰ ਮਿੰਟ ਤੱਕ ਆਪਣੀ ਕੁਰਸੀ ਨਾਲ ਚਿਪਕੇ ਰਹਿਣ ਲਈ ਮਜਬੂਰ ਹੋ ਜਾਣਗੇ।
ਟ੍ਰੇਲਰ ਵਿੱਚ ਦਮਦਾਰ ਡਾਇਲਾਗ ਅਤੇ ਖੌਫ਼ਨਾਕ ਸੀਨ
4 ਮਿੰਟ 38 ਸਕਿੰਟ ਦੇ ਟ੍ਰੇਲਰ ਦੀ ਸ਼ੁਰੂਆਤ ਯਸ਼ ਅਤੇ ਉਸ ਦੇ ਕੋਲ ਬੈਠੇ ਇੱਕ ਬੱਚੇ ਨਾਲ ਹੁੰਦੀ ਹੈ। ਮੀਂਹ ਵਿੱਚ ਭਿੱਜਦਾ ਬੱਚਾ ਆਪਣੇ ਪਿਤਾ ਨੂੰ ਕਹਿੰਦਾ ਹੈ ਕਿ ਉਹ ਉਨ੍ਹਾਂ ਦੀ ਹਰ ਗੱਲ ਮੰਨੇਗਾ, ਬਸ ਉਹ ਗੁੱਸਾ ਨਾ ਕਰਨ। ਇਸ ਤੋਂ ਬਾਅਦ ਜੋ ਤਬਾਹੀ ਸ਼ੁਰੂ ਹੁੰਦੀ ਹੈ, ਉਹ ਦੇਖਣ ਵਾਲੀ ਹੈ। ਕਿਆਰਾ ਅਡਵਾਣੀ ਦਾ ਪਹਿਲਾ ਡਾਇਲਾਗ ਹੀ ਰੌਂਗਟੇ ਖੜ੍ਹੇ ਕਰਨ ਵਾਲਾ ਹੈ। ਇਸ ਤੋਂ ਬਾਅਦ ਯਸ਼ ਦਾ ਕਿਰਦਾਰ ਆਪਣੀ ਭੈਣ ਦੀ ਖ਼ਾਹਿਸ਼ ਪੂਰੀ ਕਰਨ ਲਈ ਨਾ ਸਿਰਫ਼ ਸ਼ਹਿਰ ’ਤੇ ਰਾਜ ਕਰਦਾ ਹੈ, ਸਗੋਂ ਅਜਿਹੀ ਖੂਨ ਦੀ ਹੋਲੀ ਖੇਡਦਾ ਨਜ਼ਰ ਆਉਂਦਾ ਹੈ, ਜੋ ਦਰਸ਼ਕਾਂ ਨੂੰ ਹੈਰਾਨ ਕਰ ਦਿੰਦੀ ਹੈ।ਟ੍ਰੇਲਰ ਵਿੱਚ ਹਾਈ-ਆਕਟੇਨ ਐਕਸ਼ਨ ਦੇ ਨਾਲ ਇਮੋਸ਼ਨ ਨਾਲ ਭਰੀ ਕਹਾਣੀ ਵੀ ਨਜ਼ਰ ਆਉਂਦੀ ਹੈ, ਜੋ ਪਿਆਰ, ਤਾਕਤ ਦੀ ਭੁੱਖ, ਧੋਖੇ ਅਤੇ ਰਿਡੈਂਪਸ਼ਨ ’ਤੇ ਆਧਾਰਿਤ ਹੈ।
Share this content:
Post Comment