ਭਾਰਤ ਦਾ ਪਹਿਲਾ ਸੈਲਫ-ਡਰਾਈਵਿੰਗ ਇਲੈਕਟ੍ਰਿਕ ਆਟੋ ਰਿਕਸ਼ਾ ਲਾਂਚ

ਕੀਮਤ ਤੇ ਵੇਰੀਐਂਟ

ਦੁਨੀਆ ਦਾ ਪਹਿਲਾ ਆਟੋਨੋਮਸ ਇਲੈਕਟ੍ਰਿਕ ਥ੍ਰੀ-ਵ੍ਹੀਲਰ Swayamgati ਦੋ ਵੇਰੀਐਂਟਸ ‘ਚ ਲਾਂਚ ਕੀਤਾ ਗਿਆ ਹੈ ਜੋ ਕਿ ਪੈਸੰਜਰ ਤੇ ਕਾਰਗੋ ਹਨ। ਇਸਦੇ ਪੈਸੇਂਜਰ ਵੇਰੀਐਂਟ ਦੀ ਕੀਮਤ 4.00 ਲੱਖ ਰੁਪਏ ਤੇ ਕਾਰਗੋ ਵੇਰੀਐਂਟ ਦੀ ਕੀਮਤ 4.15 ਲੱਖ ਰੁਪਏ ਹੈ। ਹਾਲਾਂਕਿ ਇਸਦੇ ਕਾਰਗੋ ਵੈਰੀਐਂਟ ਨੂੰ ਅਜੇ ਤਕ ਲਾਂਚ ਨਹੀਂ ਕੀਤਾ ਗਿਆ, ਪਰ ਇਸਨੂੰ ਜਲਦੀ ਹੀ ਲਿਆ ਜਾਵੇਗਾ।

Swayamgati ਦੇ ਫੀਚਰ

ਇਸ ਵਿਚ ਦਿੱਤੀ ਗਈ ਬੈਟਰੀ ਇਕ ਵਾਰੀ ਚਾਰਜ ਹੋਣ ‘ਤੇ 120 ਕਿਮੀ ਤਕ ਦੀ ਡ੍ਰਾਈਵਿੰਗ ਰੇਂਜ ਦੇਵੇਗੀ। ਇਸ ਵਿਚ ਕਈ ਬਿਹਤਰ ਤੇ ਐਡਵਾਂਸ ਫੀਚਰ ਦਿੱਤੇ ਗਏ ਹਨ। ਦੁਨੀਆ ਦੇ ਪਹਿਲੇ ਆਟੋਨੋਮਸ ਇਲੈਕਟ੍ਰਿਕ ਥ੍ਰੀ-ਵ੍ਹੀਲਰ Swayamgati ਵਿਚ ਲਾਈਡਾਰ ਤੇ ਜੀਪੀਐਸ ਸ਼ਾਮਲ ਹਨ। ਇਸਦੇ ਨਾਲ ਹੀ ਏਆਈ-ਬੇਸਡ ਆਬਸਟੈਕਲ ਡਿਟੈਕਸ਼ਨ, ਮਲਟੀ-ਸੈਂਸਰ ਨੈਵੀਗੇਸ਼ਨ ਤੇ ਰਿਮੋਟ ਸੇਫਟੀ ਕੰਟਰੋਲ ਦਿੱਤੇ ਗਏ ਹਨ। ਇਸ ਇਲੈਕਟ੍ਰਿਕ ਆਟੋ ਰਿਕਸ਼ੇ ਨੂੰ ਏਅਰਪੋਰਟ, ਟੈੱਕ ਪਾਰਕਾਂ, ਸਮਾਰਟ ਸ਼ਹਿਰਾਂ, ਕੈਂਪਸ ਤੇ ਉਦਯੋਗਿਕ ਹੱਬਾਂ ਨੂੰ ਧਿਆਨ ‘ਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ।

ਡਿਜ਼ਾਈਨ ਤੇ ਰੀਅਲ-ਵਰਕ ਭਾਰਤ

Swayamgati ਨੂੰ ਭਾਰਤੀ ਸੜਕਾਂ ਤੇ ਸ਼ਹਿਰੀ ਹਾਲਾਤ ਲਈ ਵਿਸ਼ੇਸ਼ ਤੌਰ ‘ਤੇ ਡਿਜ਼ਾਈਨ ਕੀਤਾ ਗਿਆ ਹੈ। ਇਹ 100% ਇਲੈਕਟ੍ਰਿਕ ਵਾਹਨ ਹੈ, ਜੋ ਜ਼ੀਰੋ ਟੇਲਪਾਈਪ ਐਮਿਸ਼ਨ ਦਿੰਦਾ ਹੈ ਤੇ ਆਪਰੇਸ਼ਨਲ ਤੇ ਮੈਨਟੇਨੈਂਸ ਲਾਗਤ ਨੂੰ ਘਟਾਉਂਦਾ ਹੈ। ਇਸਦੀ ਕੰਪੈਕਟ ਡਿਜ਼ਾਈਨ ਤੇ ਇੰਟੈਲੀਜੈਂਟ ਨੇਵੀਗੇਸ਼ਨ ਇਸਨੂੰ ਸਮਾਰਟ ਸ਼ਹਿਰਾਂ, ਗੇਟਿਡ ਕੈਂਪਸ, ਉਦਯੋਗਿਕ ਜ਼ੋਨ ਤੇ ਟ੍ਰਾਂਸਪੋਰਟ ਹੱਬਾਂ ਲਈ ਆਦਰਸ਼ ਬਣਾਉਂਦੀ ਹੈ।

ਕੰਪਨੀ ਦਾ ਟੀਚਾ

ਓਐਸਐਮ ਦਾ ਟੀਚਾ 24 ਮਹੀਨਿਆਂ ‘ਚ 1,500 ਆਟੋਨੋਮਸ ਵਾਹਨਾਂ ਦਾ ਉਤਪਾਦਨ ਕਰਨਾ ਹੈ। ਕੰਪਨੀ ਕੋਲ ਫਰੀਦਾਬਾਦ ਤੇ ਚਾਕਨ (ਪੁਣੇ) ‘ਚ ਆਧੁਨਿਕ ਨਿਰਮਾਣ ਸਹੂਲਤ ਹੈ। ਅੰਤਰਰਾਸ਼ਟਰੀ ਪੱਧਰ ‘ਤੇ OSM ਨੇ ਦੁਬਈ ਦੇ Jafza ‘ਚ ਵਾਹਨ ਅਸੈਂਬਲੀ ਪਲਾਂਟ ਸਥਾਪਿਤ ਕੀਤਾ ਹੈ, ਜੋ ਏਸ਼ੀਆ ਤੇ ਅਫਰੀਕਾ ‘ਚ ਨਵੇਂ ਈਵੀ ਮਾਰਕੀਟਸ ਨੂੰ ਸਹਾਇਤਾ ਪ੍ਰਦਾਨ ਕਰਦਾ ਹੈ। ਓਐਸਐਮ ਦੇ ਫਾਊਂਡਰ ਅਤੇ ਚੇਅਰਮੈਨ ਉਦੈ ਨਾਰੰਗ ਅਨੁਸਾਰ, Swayamgati ਦਾ ਲਾਂਚ ਸਿਰਫ ਇਕ ਉਤਪਾਦ ਨਹੀਂ, ਬਲਕਿ ਭਾਰਤ ਦੇ ਆਵਾਜਾਈ ਦੇ ਭਵਿੱਖ ‘ਚ ਇਕ ਵੱਡਾ ਕਦਮ ਹੈ।