ਬਿਜਲੀ ਬਿੱਲਾਂ ‘ਚ ਮਿਲੇਗੀ ਵੱਡੀ ਛੋਟ

ਚੰਡੀਗੜ੍ਹ, 22 ਅਗਸਤ – ਜੇ ਤੁਸੀਂ ਬਿਜਲੀ ਦੇ ਬਿੱਲਾਂ ਤੋਂ ਪਰੇਸ਼ਾਨ ਹੋ, ਤਾਂ ਤੁਹਾਡੇ ਲਈ ਚੰਗੀ ਖ਼ਬਰ ਹੈ। ਦਰਅਸਲ, ਗਰਮੀਆਂ ਵਿੱਚ ਹਰ ਕਮਰੇ ਵਿੱਚ ਏ.ਸੀ. ਅਤੇ ਕੂਲਰ ਹੋਣ ਕਰਕੇ ਲੋਕ ਬਿਜਲੀ ਦੀ ਖਪਤ ਨੂੰ ਘਟਾ ਨਹੀਂ ਪਾਉਂਦੇ ਅਤੇ ਫਿਰ ਭਾਰੀ-ਭਰਕਮ ਬਿੱਲ ਭਰਨੇ ਪੈਂਦੇ ਹਨ। ਪਰ ਜੇ ਕੁਝ ਸਮਾਰਟ ਟਿਪਸ ਦੀ ਮਦਦ ਨਾਲ ਬਿਜਲੀ ਦੇ ਬਿੱਲਾਂ ਵਿੱਚ ਵੱਡੀ ਬੱਚਤ ਕੀਤੀ ਜਾ ਸਕਦੀ ਹੈ। ਆਓ, ਇੱਕ ਨਜ਼ਰ ਪਾਈਏ ਇਨ੍ਹਾਂ ਸਮਾਰਟ ਟਿਪਸ ਉੱਪਰ…

ਆਟੋਮੈਟਿਕ ਡਿਵਾਈਸ ਦਾ ਕਰੋ ਇਸਤੇਮਾਲ

ਅਕਸਰ ਲੋਕ ਕਮਰੇ ਜਾਂ ਘਰ ਤੋਂ ਬਾਹਰ ਨਿਕਲਦੇ ਸਮੇਂ ਬੱਤੀ ਬੰਦ ਕਰਨਾ ਭੁੱਲ ਜਾਂਦੇ ਹਨ, ਜਿਸ ਨਾਲ ਬੇਕਾਰ ਬਿਜਲੀ ਖਰਚ ਹੁੰਦੀ ਹੈ। ਇਸ ਤੋਂ ਬੱਚਣ ਲਈ ਇੰਫ੍ਰਾਰੈੱਡ ਸੈਂਸਰ, ਮੋਸ਼ਨ ਸੈਂਸਰ, ਆਟੋਮੈਟਿਕ ਟਾਈਮਰ, ਡਿਮਰ ਅਤੇ ਸੋਲਰ ਸੈਲ ਵਰਗੇ ਉਪਕਰਣ ਲਗਾਉਣ ਦੀ ਸਲਾਹ ਦਿੱਤੀ ਗਈ ਹੈ। ਇਨ੍ਹਾਂ ਦੀ ਮਦਦ ਨਾਲ ਬੱਤੀ ਆਪਣੇ ਆਪ ਚਾਲੂ ਅਤੇ ਬੰਦ ਹੋ ਜਾਵੇਗੀ।

CFL ਅਤੇ ਫਲੋਰੇਸੈਂਟ ਟਿਊਬ ਲਾਈਟ ਵਰਤੋਂ

ਆਮ ਬਲਬ ਅਤੇ ਟਿਊਬ ਲਾਈਟ ਵੱਧ ਬਿਜਲੀ ਖਾਂਦੇ ਹਨ। ਜਦਕਿ CFL ਅਤੇ ਫਲੋਰੇਸੈਂਟ ਟਿਊਬ ਲਾਈਟ 5 ਗੁਣਾ ਜ਼ਿਆਦਾ ਪ੍ਰਭਾਵਸ਼ਾਲੀ ਹੁੰਦੀਆਂ ਹਨ ਅਤੇ ਲਗਭਗ 70 ਫੀਸਦੀ ਤੱਕ ਬਿਜਲੀ ਬਚਾਉਂਦੀਆਂ ਹਨ। ਉਦਾਹਰਨ ਲਈ, 15 ਵਾਟ ਦਾ CFL ਉੱਤਨੀ ਹੀ ਰੋਸ਼ਨੀ ਦਿੰਦਾ ਹੈ ਜਿੰਨੀ 60 ਵਾਟ ਦਾ ਬਲਬ। ਇੱਕ 20 ਵਾਟ ਦਾ CFL ਲਗਾਉਣ ਨਾਲ ਸਾਲਾਨਾ ਕਰੀਬ 700 ਰੁਪਏ ਤੱਕ ਦੀ ਬਚਤ ਹੋ ਸਕਦੀ ਹੈ।

ਫ੍ਰਿਜ ਦਾ ਦਰਵਾਜ਼ਾ ਵਾਰ-ਵਾਰ ਨਾ ਖੋਲ੍ਹੋ

ਘਰ ਵਿੱਚ ਫ੍ਰਿਜ ਲਗਾਤਾਰ ਚੱਲਦਾ ਹੈ ਅਤੇ ਸਭ ਤੋਂ ਵੱਧ ਬਿਜਲੀ ਖਾਂਦਾ ਹੈ। ਇਸਨੂੰ ਹਮੇਸ਼ਾ ਹਵਾਦਾਰ ਥਾਂ ‘ਤੇ ਰੱਖੋ ਅਤੇ ਧੁੱਪ, ਓਵਨ ਜਾਂ ਗਰਮੀ ਦੇ ਸਰੋਤਾਂ ਤੋਂ ਦੂਰ ਰੱਖੋ। ਫ੍ਰਿਜ ਦਾ ਦਰਵਾਜ਼ਾ ਵਾਰ-ਵਾਰ ਖੋਲ੍ਹਣ ਨਾਲ ਅੰਦਰਲੀ ਠੰਡੀ ਹਵਾ ਬਾਹਰ ਨਿਕਲ ਜਾਂਦੀ ਹੈ ਅਤੇ ਦੁਬਾਰਾ ਠੰਡਾ ਕਰਨ ਲਈ ਜ਼ਿਆਦਾ ਬਿਜਲੀ ਲੱਗਦੀ ਹੈ।