ਅਕਸ਼ੈ ਕੁਮਾਰ ਦਾ ਸੁਰੱਖਿਆ ਵਾਹਨ ਹਾਦਸਾਗ੍ਰਸਤ, ਇਕ ਜ਼ਖ਼ਮੀ

ਨਵੀਂ ਦਿੱਲੀ, 20 ਜਨਵਰੀ – ਬਾਲੀਵੁੱਡ ਸੁਪਰਸਟਾਰ ਅਕਸ਼ੈ ਕੁਮਾਰ ਦੇ ਨਾਲ ਇੱਕ ਵੱਡਾ ਹਾਦਸਾ ਹੁੰਦੇ-ਹੁੰਦੇ ਟਲ ਗਿਆ। ਬੀਤੇ ਦਿਨੀਂ ਜਦੋਂ ‘ਖਿਲਾੜੀ ਕੁਮਾਰ’ ਆਪਣੀ ਪਤਨੀ ਟਵਿੰਕਲ ਖੰਨਾ ਨਾਲ ਵਿਦੇਸ਼ ਤੋਂ ਛੁੱਟੀਆਂ ਮਨਾ ਕੇ ਭਾਰਤ ਪਰਤੇ, ਤਾਂ ਉਨ੍ਹਾਂ ਦੇ ਕਾਫਲੇ ਦੀ ਇੱਕ ਕਾਰ ਦਾ ਐਕਸੀਡੈਂਟ ਹੋ ਗਿਆ। ਜੁਹੂ ਰੋਡ ‘ਤੇ ਅਕਸ਼ੈ ਕੁਮਾਰ ਦੇ ਘਰ ਦੇ ਕੋਲ ਹੋਏ ਇਸ ਭਿਆਨਕ ਹਾਦਸੇ ਦੀਆਂ ਕਈ ਵੀਡੀਓਜ਼ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਪ੍ਰਸ਼ੰਸਕ ਅਕਸ਼ੈ ਕੁਮਾਰ ਲਈ ਚਿੰਤਤ ਹੋ ਗਏ। ਹਾਲਾਂਕਿ, ਇਸ ਘਟਨਾ ਵਿੱਚ ਦੋ ਲੋਕ ਜ਼ਖਮੀ ਹੋ ਗਏ, ਜਿਨ੍ਹਾਂ ਦੀ ਮਦਦ ਲਈ ਖੁਦ ਅਕਸ਼ੈ ਕੁਮਾਰ ਅੱਗੇ ਆਏ।

ਅਕਸ਼ੈ ਦੀ ਸੁਰੱਖਿਆ ਕਾਰ ਨਾਲ ਟਕਰਾਇਆ ਆਟੋ

ਸਮਾਚਾਰ ਏਜੰਸੀ ANI ਦੀ ਰਿਪੋਰਟ ਮੁਤਾਬਕ, ਜਦੋਂ ਅਕਸ਼ੈ ਕੁਮਾਰ ਏਅਰਪੋਰਟ ਤੋਂ ਆਪਣੇ ਘਰ ਜੁਹੂ ਵੱਲ ਜਾ ਰਹੇ ਸਨ, ਉਸ ਦੌਰਾਨ ਇੱਕ ਮਰਸੀਡੀਜ਼ ਤੇਜ਼ ਰਫ਼ਤਾਰ ਕਾਰਨ ਇੱਕ ਆਟੋ ਰਿਕਸ਼ਾ ਨਾਲ ਜਾ ਟਕਰਾਈ। ਉਹ ਆਟੋ ਚਾਲਕ ਖੁਦ ਨੂੰ ਸੰਭਾਲ ਨਹੀਂ ਸਕਿਆ ਅਤੇ ਅਕਸ਼ੈ ਦੀ ਸੁਰੱਖਿਆ ਵਾਲੀ ਗੱਡੀ ਨਾਲ ਸਿੱਧਾ ਜਾ ਟਕਰਾਇਆ। ਅਕਸ਼ੈ ਕੁਮਾਰ ਅਤੇ ਟਵਿੰਕਲ ਖੰਨਾ ਉਸ ਕਾਫਲੇ ਦਾ ਹਿੱਸਾ ਸਨ, ਪਰ ਉਹ ਉਸ ਕਾਰ ਵਿੱਚ ਮੌਜੂਦ ਨਹੀਂ ਸਨ ਜਿਸ ਦਾ ਐਕਸੀਡੈਂਟ ਹੋਇਆ। ਮੁੰਬਈ ਪੁਲਿਸ ਅਨੁਸਾਰ, ਦੋ ਕਾਰਾਂ ਅਤੇ ਇੱਕ ਆਟੋ ਰਿਕਸ਼ਾ ਵਿਚਕਾਰ ਹੋਈ ਇਸ ਭਿਆਨਕ ਟੱਕਰ ਵਿੱਚ ਦੋ ਲੋਕਾਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਜਦੋਂ ਇਹ ਹਾਦਸਾ ਹੋਇਆ ਤਾਂ ਉੱਥੋਂ ਦੇ ਸਥਾਨਕ ਲੋਕਾਂ ਨੇ ਖੁਦ ਅਕਸ਼ੈ ਕੁਮਾਰ ਨੂੰ ਆਪਣੀ SUV ਵਿੱਚੋਂ ਬਾਹਰ ਆ ਕੇ ਆਟੋ ਚਾਲਕ ਅਤੇ ਸਵਾਰੀ ਦੀ ਮਦਦ ਕਰਦੇ ਹੋਏ ਦੇਖਿਆ। ਇਹ ਐਕਸੀਡੈਂਟ ਮੁੰਬਈ ਜੁਹੂ ਦੇ ‘ਸਿਲਵਰ ਬੀਚ ਕੈਫੇ’ ਦੇ ਕੋਲ ਹੋਇਆ। ਵਾਇਰਲ ਵੀਡੀਓ ਵਿੱਚ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਆਟੋ ਕਿਸ ਤਰ੍ਹਾਂ ਪੂਰੀ ਤਰ੍ਹਾਂ ਚਕਨਾਚੂਰ ਹੋ ਚੁੱਕਾ ਹੈ। ਇਹ ਹਾਦਸਾ 19 ਜਨਵਰੀ ਨੂੰ ਰਾਤ ਕਰੀਬ 8:30 ਵਜੇ ਵਾਪਰਿਆ। ਰਿਕਸ਼ਾ ਚਾਲਕ ਦੇ ਭਰਾ ਮੁਤਾਬਕ ਉਸ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ।

ਮੇਰੇ ਭਰਾ ਦਾ ਰਿਕਸ਼ਾ ਪੂਰੀ ਤਰ੍ਹਾਂ ਟੁੱਟ ਚੁੱਕਾ ਹੈ”

ਰਿਕਸ਼ਾ ਚਾਲਕ ਦੇ ਭਰਾ ਮੁਹੰਮਦ ਸਮੀਰ ਨੇ ਕਿਹਾ, “ਇਹ ਹਾਦਸਾ ਰਾਤ ਨੂੰ ਸਾਢੇ ਅੱਠ ਵਜੇ ਦੇ ਕਰੀਬ ਹੋਇਆ। ਉਨ੍ਹਾਂ ਦਾ ਰਿਕਸ਼ਾ ਪੂਰੀ ਤਰ੍ਹਾਂ ਖ਼ਰਾਬ ਹੋ ਚੁੱਕਾ ਹੈ। ਭਰਾ ਦੀ ਹਾਲਤ ਗੰਭੀਰ ਹੈ, ਸਾਡੀ ਸਿਰਫ਼ ਇਹੀ ਗੁਜ਼ਾਰਿਸ਼ ਹੈ ਕਿ ਮੇਰੇ ਭਰਾ ਨੂੰ ਸਹੀ ਮੈਡੀਕਲ ਇਲਾਜ ਮਿਲੇ ਅਤੇ ਉਨ੍ਹਾਂ ਦੇ ਰਿਕਸ਼ੇ ਦਾ ਜੋ ਨੁਕਸਾਨ ਹੋਇਆ ਹੈ, ਉਸ ਦੀ ਭਰਪਾਈ ਕੀਤੀ ਜਾਵੇ। ਅਕਸ਼ੈ ਕੁਮਾਰ ਦੇ ਕਾਫਲੇ ਦੀ ਕਾਰ ਦੇ ਇਸ ਭਿਆਨਕ ਐਕਸੀਡੈਂਟ ਨੂੰ ਦੇਖਣ ਤੋਂ ਬਾਅਦ ਪ੍ਰਸ਼ੰਸਕ ‘ਖਿਲਾੜੀ ਕੁਮਾਰ’ ਦੀ ਸੁਰੱਖਿਆ ਨੂੰ ਲੈ ਕੇ ਕਾਫ਼ੀ ਚਿੰਤਤ ਹੋ ਗਏ ਸਨ।