Samsung Galaxy Z Flip7 FE ਸਮਾਰਟਫੋਨ ਦੀ ਭਾਰਤ ‘ਚ ਐਂਟਰੀ

ਹੈਦਰਾਬਾਦ, 10 ਜੁਲਾਈ – ਸੈਮਸੰਗ ਨੇ ਸਾਲਾਨਾ ਗਲੈਕਸੀ ਅਨਪੈਕਡ ਈਵੈਂਟ 2025 ਆਯੋਜਿਤ ਕੀਤਾ ਸੀ। ਇਸ ਵਾਰ ਇਹ ਈਵੈਂਟ ਅਮਰੀਕਾ ਦੇ ਸ਼ਹਿਰ ਨਿਊਯਾਰਕ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਸੈਮਸੰਗ ਨੇ ਇਸ ਈਵੈਂਟ ਵਿੱਚ ਆਪਣੀ ਨਵੀਂ ਫੋਲਡੇਬਲ ਲਾਈਨਅੱਪ ਲਾਂਚ ਕੀਤੀ। ਇਸ ਲਾਈਨਅੱਪ ਦੀ ਨਵੀਂ ਸੀਰੀਜ਼ ਵਿੱਚ ਕੰਪਨੀ ਨੇ ਸੈਮਸੰਗ ਦੇ ਦੋ ਨਵੇਂ ਫਲਿੱਪ ਫੋਨ ਯਾਨੀ Galaxy Z Flip7 ਅਤੇ Galaxy Z Flip7 FE ਦੇ ਨਾਲ Galaxy Z Fold 7 ਸਮਾਰਟਫੋਨਾਂ ਨੂੰ ਸ਼ਾਮਲ ਕੀਤਾ ਹੈ। ਕੰਪਨੀ ਨੇ ਇਹ ਸਾਰੇ ਫੋਨ ਵਿਸ਼ਵ ਪੱਧਰ ‘ਤੇ ਲਾਂਚ ਕੀਤੇ ਹਨ।

Samsung Galaxy Z Flip 7 FE ਸਮਾਰਟਫੋਨ ਦੇ ਫੀਚਰਸ

ਫੀਚਰਸ ਬਾਰੇ ਗੱਲ ਕਰੀਏ, ਤਾਂ ਇਸ ਸਮਾਰਟਫੋਨ ਦੀ ਮੁੱਖ ਸਕਰੀਨ 6.7-ਇੰਚ FHD+ ਡਾਇਨਾਮਿਕ AMOLED 2X ਪੈਨਲ ਦੇ ਨਾਲ ਆਉਂਦੀ ਹੈ, ਜਿਸਦਾ ਰਿਫਰੈਸ਼ ਰੇਟ 120Hz ਹੈ। ਇਸ ਫੋਨ ਦਾ ਕਵਰ ਡਿਸਪਲੇਅ 3.4-ਇੰਚ ਸੁਪਰ AMOLED ਪੈਨਲ ਦੇ ਨਾਲ ਆਉਂਦਾ ਹੈ। ਇਸਦੀ ਪੀਕ ਬ੍ਰਾਈਟਨੈੱਸ 1600 nits ਹੈ। ਫੋਟੋਗ੍ਰਾਫ਼ੀ ਲਈ ਇਸ ਫੋਨ ਵਿੱਚ ਬੈਕ ਕੈਮਰਾ 50MP ਵਾਈਡ + 12MP ਅਲਟਰਾ-ਵਾਈਡ ਕੈਮਰਾ ਸੈੱਟਅਪ ਦਿੱਤਾ ਗਿਆ ਹੈ। ਵੀਡੀਓ ਕਾਲਿੰਗ ਅਤੇ ਸੈਲਫੀ ਲਈ 10MP ਦਾ ਫਰੰਟ ਕੈਮਰਾ ਮਿਲਦਾ ਹੈ। ਇਸ ਫੋਨ ਵਿੱਚ 512GB ਤੱਕ ਦੀ ਸਟੋਰੇਜ ਸਪੇਸ ਵੀ ਦਿੱਤੀ ਗਈ ਹੈ।

Samsung Galaxy Z Flip 7 FE ਸਮਾਰਟਫੋਨ ਦੀ ਕੀਮਤ

ਕੀਮਤ ਬਾਰੇ ਗੱਲ ਕਰੀਏ ਤਾਂ Galaxy Z Flip 7 FE ਸਮਾਰਟਫੋਨ ਦੇ 8GB ਰੈਮ + 128GB ਸਟੋਰੇਜ ਦੀ ਕੀਮਤ 89,999 ਰੁਪਏ ਅਤੇ 8GB ਰੈਮ + 256GB ਸਟੋਰੇਜ ਦੀ ਕੀਮਤ 95,999 ਰੁਪਏ ਰੱਖੀ ਗਈ ਹੈ। ਇਸ ਡਿਵਾਈਸ ਦਾ ਪ੍ਰੀ-ਆਰਡਰ ਕਰਨ ਵਾਲੇ ਗ੍ਰਾਹਕ 128GB ਮਾਡਲ ਦੀ ਕੀਮਤ ‘ਤੇ 256GB ਦਾ ਮਾਡਲ ਖਰੀਦ ਸਕਣਗੇ।