Portronics ਨੇ ਲਾਂਚ ਕੀਤਾ Zeno L Mini ਕੋਰਡਲੈੱਸ ਮਸਾਜਰ

ਇਹ ਮਸਾਜਰ ਪੂਰੀ ਲੱਤ ਨੂੰ ਢੱਕਣ ਵਾਲੇ ਕੰਪਰੈਸ਼ਨ ਬੂਟਾਂ ਵਰਗਾ ਨਹੀਂ ਹੈ। ਆਮ ਤੌਰ ’ਤੇ ਇਸ ਤਰ੍ਹਾਂ ਦੇ ਮਸਾਜਰ ਮਹਿੰਗੇ ਹੁੰਦੇ ਹਨ ਤੇ ਇਨ੍ਹਾਂ ਨੂੰ ਚਲਾਉਣ ਲਈ ਪਾਵਰ ਸੋਰਸ ਦੀ ਲੋੜ ਪੈਂਦੀ ਹੈ। Zeno L Mini ਸਿੰਗਲ ਤੇ ਕੰਪੈਕਟ ਡਿਜ਼ਾਈਨ ਨਾਲ ਆਉਂਦਾ ਹੈ। ਇਸ ’ਚ ਸਟੈਂਡਰਡ ਵੈਲਕਰੋ ਦਿੱਤਾ ਗਿਆ ਹੈ, ਜਿਸ ਦੀ ਮਦਦ ਨਾਲ ਇਸ ਨੂੰ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ’ਤੇ ਲਪੇਟਿਆ ਜਾ ਸਕਦਾ ਹੈ। ਇਸ ਲੈੱਗ ਮਸਾਜਰ ਨੂੰ ਪਿੰਡਲੀਆਂ, ਪੱਟਾਂ, ਬਾਂਹ ਦੇ ਉੱਪਰਲੇ ਹਿੱਸੇ ਤੇ ਅਗਲੇ ਹਿੱਸੇ ਦੀਆਂ ਮਾਸਪੇਸ਼ੀਆਂ ਨੂੰ ਰਾਹਤ ਦੇਣ ਲਈ ਡਿਜ਼ਾਈਨ ਕੀਤਾ ਗਿਆ ਹੈ। ਇਸ ’ਚ ਵੱਖ-ਵੱਖ ਸੈਟਿੰਗਾਂ ਵੀ ਦਿੱਤੀਆਂ ਗਈਆਂ ਹਨ। ਇਸ ਦੀ ਅੰਦਰੂਨੀ ਕਾਰਜਪ੍ਰਣਾਲੀ ਸਧਾਰਨ ਹੈ। ਕੰਪਨੀ ਨੇ ਇਸ ’ਚ ਨਿਊਮੈਟਿਕ ਏਅਰ ਕੰਪਰੈਸ਼ਨ ਸਿਸਟਮ ਵਾਲੀ ਫੁੱਲਣਯੋਗ ਸਲੀਵ ਦਿੱਤੀ ਹੈ, ਜੋ ਮਾਸਪੇਸ਼ੀਆਂ ’ਤੇ ਦਬਾਅ ਪਾਉਂਦੀ ਹੈ। ਇਸ ਦਾ ਕੰਮ ਕਰਨ ਦਾ ਤਰੀਕਾ ਕੁਝ ਹੱਦ ਤੱਕ ਬਲੱਡ ਪ੍ਰੈਸ਼ਰ ਮਾਪਣ ਵਾਲੀ ਮਸ਼ੀਨ ਵਰਗਾ ਹੈ। ਮਸਾਜਰ ’ਚ ਇੱਕ ਛੋਟਾ ਜਿਹਾ ਵੱਖ ਕੀਤਾ ਜਾ ਸਕਣ ਵਾਲਾ ਕੰਟਰੋਲਰ ਵੀ ਦਿੱਤਾ ਗਿਆ ਹੈ, ਜਿਸ ਰਾਹੀਂ ਇਸ ਦੀਆਂ ਸੈਟਿੰਗਾਂ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਇਸ ਕੰਟਰੋਲਰ ’ਚ ਪਾਵਰ, ਮੋਡ ਚੋਣ, ਟਾਈਮਰ ਐਡਜਸਟਮੈਂਟ ਤੇ ਪ੍ਰੈਸ਼ਰ ਕੰਟਰੋਲ ਲਈ ਫਿਜ਼ੀਕਲ ਬਟਨ ਦਿੱਤੇ ਗਏ ਹਨ। ਮਸਾਜਰ ’ਚ ਕੰਪਨੀ ਨੇ ਦਬਾਅ ਦੇ ਦੋ ਪੱਧਰ—ਹਾਈ ਤੇ ਲੋਅ—ਦਿੱਤੇ ਹਨ। ਇਸ ਡਿਵਾਈਸ ਨੂੰ ਮਹਿੰਗੇ ਐਥਲੈਟਿਕਸ ਰਿਕਵਰੀ ਗੀਅਰ ਦੇ ਵਿਕਲਪ ਵਜੋਂ ਪੇਸ਼ ਕੀਤਾ ਗਿਆ ਹੈ। ਇਹ ਮਸਾਜਰ ਕੋਰਡਲੈੱਸ ਹੈ। ਇਸ ਨੂੰ ਪਾਵਰ ਦੇਣ ਲਈ 2,000mAh ਦੀ ਬੈਟਰੀ ਦਿੱਤੀ ਗਈ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇੱਕ ਵਾਰ ਚਾਰਜ ਕਰਨ ’ਤੇ ਇਹ 75 ਮਿੰਟ ਤੱਕ ਚੱਲ ਸਕਦਾ ਹੈ। ਚਾਰਜਿੰਗ ਲਈ ਇਸ ’ਚ ਸਟੈਂਡਰਡ USB-C ਪੋਰਟ ਦਿੱਤਾ ਗਿਆ ਹੈ।

ਕੀਮਤ ਤੇ ਉਪਲਬਧਤਾ