OnePlus 15 ਸਮਾਰਟਫੋਨ ਭਾਰਤ ‘ਚ ਜਲਦੀ ਹੀ ਹੋਵੇਗਾ ਲਾਂਚ

OnePlus 15 ਦੇ ਅਨੁਮਾਨਿਤ ਸਪੈਸੀਫਿਕੇਸ਼ਨ

ਆਉਣ ਵਾਲੇ OnePlus 15 ਸਮਾਰਟਫੋਨ ਲਈ Amazon ‘ਤੇ ਇੱਕ ਲਾਈਵ ਮਾਈਕ੍ਰੋਸਾਈਟ ਨੇ ਇਸਦੇ ਭਾਰਤ ਲਾਂਚ ਦੀ ਪੁਸ਼ਟੀ ਕੀਤੀ ਹੈ। ਮਾਈਕ੍ਰੋਸਾਈਟ ਪੁਸ਼ਟੀ ਕਰਦੀ ਹੈ ਕਿ ਇਹ ਫਲੈਗਸ਼ਿਪ ਸਮਾਰਟਫੋਨ Qualcomm ਦੇ ਫਲੈਗਸ਼ਿਪ Snapdragon 8 Elite Gen 5 ਚਿੱਪਸੈੱਟ ਦੁਆਰਾ ਸੰਚਾਲਿਤ ਹੋਵੇਗਾ ਤੇ Android 16 ‘ਤੇ ਅਧਾਰਤ OxygenOS 16 ‘ਤੇ ਚੱਲੇਗਾ। ਵਨਪਲੱਸ ਨੇ ਅਜੇ ਤੱਕ ਇਸ ਸਮਾਰਟਫੋਨ ਦੀ ਭਾਰਤ ਵਿੱਚ ਲਾਂਚ ਮਿਤੀ ਦੀ ਪੁਸ਼ਟੀ ਨਹੀਂ ਕੀਤੀ ਹੈ। ਹਾਲਾਂਕਿ ਮਾਈਕ੍ਰੋਸਾਈਟ ਪੁਸ਼ਟੀ ਕਰਦੀ ਹੈ ਕਿ ਇਹ ਫੋਨ ਜਲਦੀ ਹੀ ਭਾਰਤ ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ। ਵਨਪਲੱਸ ਨੇ ਇਸ ਸਮਾਰਟਫੋਨ ਲਈ ਲੈਂਡਿੰਗ ਪੇਜ ਨੂੰ ਆਪਣੀ ਭਾਰਤ ਦੀ ਵੈੱਬਸਾਈਟ ‘ਤੇ ਲਾਈਵ ਕੀਤਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਚੀਨ ਵਿੱਚ ਫੋਨ ਦੇ ਲਾਂਚ ਤੋਂ ਦੋ ਦਿਨ ਬਾਅਦ, 29 ਅਕਤੂਬਰ ਨੂੰ ਇੱਕ ਵਿਸ਼ੇਸ਼ ਐਲਾਨ ਕਰੇਗੀ। ਇਹ ਸੰਭਵ ਹੈ ਕਿ ਕੰਪਨੀ 29 ਅਕਤੂਬਰ ਨੂੰ ਵਨਪਲੱਸ 15 ਦੇ ਭਾਰਤ ਵਿੱਚ ਲਾਂਚ ਦਾ ਐਲਾਨ ਕਰ ਸਕਦੀ ਹੈ।

OnePlus 15 ਦੀ ਅਨੁਮਾਨਿਤ ਕੀਮਤ

OnePlus 15 ਦੀ ਕੀਮਤ OnePlus 13 ਨਾਲੋਂ ਘੱਟ ਹੋਣ ਦੀ ਉਮੀਦ ਹੈ। 16GB RAM ਤੇ 512GB ਸਟੋਰੇਜ ਵੇਰੀਐਂਟ ਦੀ ਕੀਮਤ ਯੂਨਾਈਟਿਡ ਕਿੰਗਡਮ ਵਿੱਚ GBP 949 (ਲਗਪਗ 111,000 ਰੁਪਏ) ਹੋਣ ਦੀ ਉਮੀਦ ਹੈ। ਭਾਰਤੀ ਕੀਮਤ ਦੇ ਸੰਬੰਧ ਵਿੱਚ, OnePlus 15 ਦੀ ਕੀਮਤ ਭਾਰਤ ਵਿੱਚ 70,000 ਤੋਂ 75,000 ਰੁਪਏ ਦੇ ਵਿਚਕਾਰ ਹੋ ਸਕਦੀ ਹੈ।

OnePlus 15 ਦੀਆਂ ਵਿਸ਼ੇਸ਼ਤਾਵਾਂ

OnePlus ਨੇ ਆਪਣੇ ਆਉਣ ਵਾਲੇ ਸਮਾਰਟਫੋਨ ਦੇ ਕਈ ਵਿਸ਼ੇਸ਼ਤਾਵਾਂ, ਰੰਗ ਰੂਪਾਂ ਬਾਰੇ ਵੇਰਵੇ ਸਾਂਝੇ ਕੀਤੇ ਹਨ। ਆਉਣ ਵਾਲਾ OnePlus 15 Qualcomm ਦੇ ਫਲੈਗਸ਼ਿਪ Snapdragon 8 Elite Gen 5 ਚਿੱਪਸੈੱਟ ਦੁਆਰਾ ਸੰਚਾਲਿਤ ਹੋਵੇਗਾ। ਇਸ ਵਿੱਚ 120W ਸੁਪਰ ਫਲੈਸ਼ ਚਾਰਜ ਅਤੇ 50W ਵਾਇਰਲੈੱਸ ਚਾਰਜਿੰਗ ਲਈ ਸਮਰਥਨ ਦੇ ਨਾਲ 7,300mAh ਗਲੇਸ਼ੀਅਰ ਬੈਟਰੀ ਵੀ ਹੋਵੇਗੀ। ਇਸ ਤੋਂ ਇਲਾਵਾ OnePlus 15 ਵਿੱਚ ਤੀਜੀ ਪੀੜ੍ਹੀ ਦਾ 1.5K BOE ਫਲੈਕਸੀਬਲ ਓਰੀਐਂਟੇਸ਼ਨ OLED ਡਿਸਪਲੇਅ ਹੋਵੇਗਾ ਜਿਸਦੀ ਰਿਫਰੈਸ਼ ਦਰ 165Hz ਤੱਕ ਹੋਵੇਗੀ।