Jio ਨੇ ਲਾਂਚ ਕੀਤਾ 3 ਸਾਲ ਦੀ ਵੈਲਿਡਿਟੀ ਵਾਲਾ 5G ਪਲਾਨ
ਨਵੀਂ ਦਿੱਲੀ, 14 ਨਵੰਬਰ – Reliance Jio ਨੇ ਆਪਣੇ ਗਾਹਕਾਂ ਲਈ ਲੌਂਗ ਟਰਮ ਪ੍ਰੀਪੇਡ ਪਲਾਨ ਪੇਸ਼ ਕੀਤਾ ਹੈ। ਜੀਓ ਦਾ ਇਹ ਪ੍ਰੀਪੇਡ ਪਲਾਨ ਤਿੰਨ ਸਾਲ ਦੀ ਵੈਲਿਡਿਟੀ ਨਾਲ ਆਉਂਦਾ ਹੈ। ਇਹ ਪਲਾਨ ਕੰਪਨੀ ਦੇ ਸਾਲਾਨਾ ਪਲਾਨ ਦਾ ਐਕਸਟੈਂਸ਼ਨ ਹੈ। ਇਸ ਤਿੰਨ ਸਾਲ ਵਾਲੇ ਪਲਾਨ ਦੀ ਕੀਮਤ 10,000 ਰੁਪਏ ਹੈ, ਜਿਸ ਨੂੰ ਅਨਲਿਮਟਿਡ ਕਾਲਿੰਗ, ਡੇਟਾ, ਕਲਾਉਡ ਸਟੋਰੇਜ ਅਤੇ ਡਿਜੀਟਲ ਸਬਸਕ੍ਰਿਪਸ਼ਨ ਦੇ ਨਾਲ ਲਿਆਂਦਾ ਗਿਆ ਹੈ।
ਜੀਓ ਦੇ ਤਿੰਨ ਸਾਲ ਵਾਲੇ ਪਲਾਨ ਦੀ ਵੈਲਿਡਿਟੀ ਤਿੰਨ ਸਾਲ ਹੈ। ਯਾਨੀ ਤਿੰਨ ਸਾਲ ਤੱਕ ਯੂਜ਼ਰਸ ਬਿਨਾ ਕਿਸੇ ਰੁਕਾਵਟ ਦੇ ਜੀਓ ਦੀ ਸੇਵਾ ਲੈ ਸਕਣਗੇ। ਉਨ੍ਹਾਂ ਨੂੰ ਵਾਰ-ਵਾਰ ਰੀਚਾਰਜ ਨਹੀਂ ਕਰਵਾਉਣਾ ਪਵੇਗਾ।
ਸਬਸਕ੍ਰਿਪਸ਼ਨ ਬੈਨੇਫਿਟ
ਰਿਲਾਇੰਸ ਜੀਓ ਦੇ ਇਸ ਪਲਾਨ ਵਿੱਚ ਯੂਜ਼ਰਸ ਨੂੰ ਸਿਰਫ਼ ਟੈਲੀਕਾਮਿਊਨੀਕੇਸ਼ਨ ਸਰਵਿਸ ਦਾ ਬੈਨੇਫਿਟ ਨਹੀਂ ਮਿਲਦਾ ਹੈ। ਇਸ ਪਲਾਨ ਦੇ ਨਾਲ ਯੂਜ਼ਰਸ ਨੂੰ ਐਂਟਰਟੇਨਮੈਂਟ, ਡਿਜ਼ਾਈਨ ਸਾਫਟਵੇਅਰ ਅਤੇ ਕਲਾਉਡ ਇਨਫਰਾਸਟਰਕਚਰ ਵਰਗੀਆਂ ਸਰਵਿਸਿਜ਼ ਦਾ ਸਬਸਕ੍ਰਿਪਸ਼ਨ ਵੀ ਮਿਲਦਾ ਹੈ। ਜੀਓ ਯੂਜ਼ਰਸ ਨੂੰ ਇਸ ਪਲਾਨ ਦੇ ਨਾਲ JioHotstar Mobile + Hollywood ਦਾ ਸਬਸਕ੍ਰਿਪਸ਼ਨ ਮਿਲਦਾ ਹੈ। ਜਿਵੇਂ ਕਿ ਨਾਮ ਤੋਂ ਪਤਾ ਚੱਲ ਰਿਹਾ ਹੈ, ਜੀਓ ਹੌਟਸਟਾਰ ਦਾ ਇਹ ਸਬਸਕ੍ਰਿਪਸ਼ਨ ਮੋਬਾਈਲ ਓਨਲੀ ਹੈ, ਜਿਸ ਨੂੰ ਯੂਜ਼ਰਸ ਫੋਨ ਵਿੱਚ ਐਕਸੈਸ ਕਰ ਸਕਣਗੇ। ਇਸ ਦੇ ਨਾਲ ਹੀ ਯੂਜ਼ਰਸ ਹੌਟਸਟਾਰ ਓਰਿਜਨਲ ਅਤੇ ਹਾਲੀਵੁੱਡ ਕੰਟੈਂਟ ਵੀ ਦੇਖ ਸਕਣਗੇ। ਇਸ ਲਈ ਯੂਜ਼ਰਸ ਨੂੰ ਜੀਓ ਦੇ ਰਜਿਸਟਰਡ ਮੋਬਾਈਲ ਨੰਬਰ ਤੋਂ ਹੌਟਸਟਾਰ ਵਿੱਚ ਲੌਗਇਨ ਕਰਨਾ ਹੋਵੇਗਾ। ਇਸ ਪਲਾਨ ਦੇ ਨਾਲ Canva Pro Lite ਦਾ 12 ਮਹੀਨੇ ਦਾ ਸਬਸਕ੍ਰਿਪਸ਼ਨ ਵੀ ਮਿਲਦਾ ਹੈ। ਕੰਪਨੀ ਪਲਾਨ ਦੇ ਨਾਲ JioAICloud ਦੀ 50 GB ਕਲਾਉਡ ਸਟੋਰੇਜ ਵੀ ਆਫਰ ਕਰ ਰਹੀ ਹੈ।
Share this content:
Post Comment