Google ਦਾ ਤੋਹਫ਼ਾ! ਪੇਸ਼ ਕੀਤਾ ਸਸਤਾ AI ਪਲੱਸ ਪਲਾਨ

ਨਵੀਂ ਦਿੱਲੀ, 10 ਦਸੰਬਰ – ਗੂਗਲ ਨੇ ਇੱਕ ਵਾਰ ਫਿਰ ਆਪਣੇ ਕਰੋੜਾਂ ਯੂਜ਼ਰਸ ਨੂੰ ਵੱਡਾ ਤੋਹਫ਼ਾ ਦਿੱਤਾ ਹੈ। ਟੈਕ ਦਿੱਗਜ ਨੇ ਬੁੱਧਵਾਰ ਨੂੰ Google AI Plus ਨੂੰ ਭਾਰਤ ਵਿੱਚ ਆਪਣੇ ਨਵੀਨਤਮ ਅਤੇ ਸਭ ਤੋਂ ਸਸਤੇ ਸਬਸਕ੍ਰਿਪਸ਼ਨ ਪਲਾਨ ਵਜੋਂ ਪੇਸ਼ ਕਰ ਦਿੱਤਾ ਹੈ। ਜੀ ਹਾਂ, ਜੇ ਤੁਸੀਂ ਵੀ ਸਸਤੇ ਵਿੱਚ ਗੂਗਲ ਦੇ AI ਚੈਟਬੋਟ ਨੂੰ ਪ੍ਰੋ ਫੀਚਰਜ਼ ਨਾਲ ਵਰਤਣਾ ਚਾਹੁੰਦੇ ਹੋ ਤਾਂ ਇੱਕ ਵਾਰ ਇਸ AI ਪਲੱਸ ਪਲਾਨ ਨੂੰ ਜ਼ਰੂਰ ਚੈੱਕ ਕਰੋ।

ਹੁਣ ਤੱਕ ਕੰਪਨੀ ਮੁਫਤ ਟੀਅਰ ਪਲਾਨ ਤੋਂ ਇਲਾਵਾ ਵੱਖ-ਵੱਖ ਯੂਜ਼ਰਸ ਨੂੰ ਸਿਰਫ਼ ਦੋ ਸਬਸਕ੍ਰਿਪਸ਼ਨ ਪਲਾਨ ਆਫਰ ਕਰ ਰਹੀ ਸੀ, ਯਾਨੀ ਹੁਣ ਤੱਕ ਤੁਹਾਨੂੰ Google AI Pro ਅਤੇ Google AI ਅਲਟ੍ਰਾ ਪਲਾਨ ਦੇਖਣ ਨੂੰ ਮਿਲਦਾ ਸੀ। ਹਾਲਾਂਕਿ ਹੁਣ ਦੂਜੇ ਬੈਨੀਫਿਟਸ ਨਾਲ ਲੈਸ ਇਹ ਨਵਾਂ ਵਾਲਾ Google AI Plus ਪਲਾਨ ਵੀ ਇਸ ਸੂਚੀ ਵਿੱਚ ਜੁੜ ਗਿਆ ਹੈ ਜੋ Nano Banana Pro ਦਾ ਐਕਸੈਸ ਵੀ ਦੇ ਰਿਹਾ ਹੈ। ਇਸ ਤੋਂ ਇਲਾਵਾ, ਇਹ ਸਬਸਕ੍ਰਾਈਬਰਾਂ ਨੂੰ Flow ਅਤੇ Whisk ਐਪ ‘ਤੇ ਵੀਡੀਓ ਅਤੇ ਕੰਟੈਂਟ ਬਣਾਉਣ ਲਈ ਹਰ ਮਹੀਨੇ 200 AI ਕ੍ਰੈਡਿਟ ਵੀ ਆਫਰ ਕਰ ਰਿਹਾ ਹੈ। ਚਲੋ ਪਹਿਲਾਂ ਇਸ ਨਵੇਂ ਪਲਾਨ ਬਾਰੇ ਜਾਣੀਏ…

Google AI Plus ਪਲਾਨ ਦੀ ਕੀਮਤ ਤੇ ਬੈਨੀਫਿਟਸ

ਗੂਗਲ ਦਾ ਨਵਾਂ AI Plus ਪਲਾਨ ਤੁਹਾਨੂੰ Gemini ਐਪ ਵਿੱਚ ਕੰਪਨੀ ਦੇ ਸਭ ਤੋਂ ਬਿਹਤਰੀਨ Gemini 3 Pro ਮਾਡਲ ਦਾ ਐਕਸੈਸ ਦੇ ਰਿਹਾ ਹੈ।

ਕੀਮਤ: ਅਜੇ ਦੇ ਲਈ ਇਸਦੀ ਕੀਮਤ 6 ਮਹੀਨੇ ਲਈ ਸਿਰਫ ₹199 ਪ੍ਰਤੀ ਮਹੀਨਾ ਰੱਖੀ ਗਈ ਹੈ ਹਾਲਾਂਕਿ ਬਾਅਦ ਵਿੱਚ ਇਸਦੀ ਕੀਮਤ ₹399 ਪ੍ਰਤੀ ਮਹੀਨਾ ਹੋ ਜਾਵੇਗੀ।

ਫਾਇਦੇ: ਇਸ ਪਲਾਨ ਵਿੱਚ ਤੁਸੀਂ Deep Research ਵਰਗੇ ਦੂਜੇ AI ਟੂਲਸ ਦਾ ਜ਼ਿਆਦਾ ਇਸਤੇਮਾਲ ਕਰ ਪਾਓਗੇ।

200GB ਕਲਾਊਡ ਸਟੋਰੇਜ਼ ਵੀ ਮੁਫ਼ਤ

ਇਸ ਪਲਾਨ ਵਿੱਚ ਤੁਹਾਨੂੰ ਕੰਪਨੀ ਦੇ Gemini 3 Pro-ਪਾਵਰਡ Nano Banana Pro ਦਾ ਵੀ ਐਕਸੈਸ ਮਿਲੇਗਾ ਜਿਸ ਨਾਲ ਤੁਸੀਂ ਟੈਕਸਟ-ਬੇਸਡ ਇਮੇਜ ਜਨਰੇਸ਼ਨ ਅਤੇ ਐਡਿਟਿੰਗ ਕਰ ਸਕੋਗੇ। ਇਸ ਤੋਂ ਇਲਾਵਾ ਇਹ ਪਲਾਨ Whisk ਅਤੇ Flow ਐਪਸ ਲਈ 200 ਮਾਸਿਕ AI ਕ੍ਰੈਡਿਟ ਵੀ ਦੇਵੇਗਾ, ਜੋ ਵੀਡੀਓ ਅਤੇ ਕੰਟੈਂਟ ਜਨਰੇਸ਼ਨ ਲਈ Veo 3.1 Fast AI ਮਾਡਲ ਦੀ ਵਰਤੋਂ ਕਰਦਾ ਹੈ।