FASTag ਦੀ ਸਟੇਟਮੈਂਟ ਡਾਊਨਲੋਡ ਕਰਨ ਦਾ ਸਭ ਤੋਂ ਆਸਾਨ ਤਰੀਕਾ

ਜੇਕਰ ਤੁਸੀਂ ਵੀ ਆਪਣੇ FASTag ਤੋਂ ਹੋਈ ਕਿਸੇ ਪੁਰਾਣੀ ਕਟੌਤੀ ਬਾਰੇ ਜਾਣਨਾ ਚਾਹੁੰਦੇ ਹੋ ਜਾਂ ਇਹ ਦੇਖਣਾ ਚਾਹੁੰਦੇ ਹੋ ਕਿ ਹਾਲ ਹੀ ਵਿੱਚ ਤੁਹਾਡੇ ਵਾਲੇਟ ‘ਚੋਂ ਕਿੱਥੇ-ਕਿੱਥੇ ਪੈਸੇ ਕੱਟੇ ਹਨ, ਤਾਂ ਇਸਦੇ ਲਈ ਤੁਸੀਂ Transaction History ਚੈੱਕ ਕਰ ਸਕਦੇ ਹੋ। FASTag ਦੀ ਹਿਸਟਰੀ ਚੈੱਕ ਕਰਨ ਲਈ ਤੁਹਾਨੂੰ ਹਰ ਵਾਰ ਕਸਟਮਰ ਕੇਅਰ ਨਾਲ ਸੰਪਰਕ ਕਰਨ ਦੀ ਵੀ ਲੋੜ ਨਹੀਂ ਹੈ।

IHMCL ਪੋਰਟਲ ਤੋਂ NHAI FASTag ਦੀ ਹਿਸਟਰੀ ਕਿਵੇਂ ਦੇਖੀਏ?

ਜੇਕਰ ਤੁਹਾਡਾ FASTag, NHAI ਦੇ FASTag ਸਿਸਟਮ ਨਾਲ ਜੁੜਿਆ ਹੋਇਆ ਹੈ, ਤਾਂ IHMCL ਦਾ ਕਸਟਮਰ ਪੋਰਟਲ ਹਿਸਟਰੀ ਚੈੱਕ ਕਰਨ ਦਾ ਇੱਕ ਵਧੀਆ ਆਪਸ਼ਨ ਹੈ। FASTag ਕਸਟਮਰ ਪੋਰਟਲ ‘ਤੇ ਤੁਸੀਂ ਰਜਿਸਟਰਡ ਮੋਬਾਈਲ ਨੰਬਰ ਅਤੇ OTP ਰਾਹੀਂ ਲੌਗਇਨ ਕਰ ਸਕਦੇ ਹੋ:

ਸਭ ਤੋਂ ਪਹਿਲਾਂ ਫ਼ੋਨ ਜਾਂ ਕੰਪਿਊਟਰ ਦੇ ਬ੍ਰਾਊਜ਼ਰ ‘ਚ IHMCL FASTag customer portal ਓਪਨ ਕਰੋ। ਹੁਣ ਆਪਣੇ ਰਜਿਸਟਰਡ ਮੋਬਾਈਲ ਨੰਬਰ ਨਾਲ ਲੌਗਇਨ ਕਰੋ। ਇਸ ਤੋਂ ਬਾਅਦ OTP ਰਾਹੀਂ ਅਕਾਊਂਟ ਵੈਰੀਫਾਈ ਕਰੋ। ਲੌਗਇਨ ਤੋਂ ਬਾਅਦ FASTag ਨਾਲ ਜੁੜੇ ਟਰਾਂਜ਼ੈਕਸ਼ਨ (Transaction) ਜਾਂ ਸਟੇਟਮੈਂਟ ਸੈਕਸ਼ਨ ‘ਚ ਜਾਓ। ਜਿਸ ਸਮੇਂ (Duration) ਦੀ ਜਾਣਕਾਰੀ ਚਾਹੀਦੀ ਹੈ, ਉਸ ਮੁਤਾਬਕ ਤਾਰੀਖ਼ (Date range) ਸੈੱਟ ਕਰੋ। ਮੌਜੂਦ ਟਰਾਂਜ਼ੈਕਸ਼ਨ ਡਿਟੇਲਜ਼ ਨੂੰ ਡਾਊਨਲੋਡ ਜਾਂ ਸੇਵ ਕਰ ਲਵੋ।

MyFASTag ਐਪ ਤੋਂ ਟਰਾਂਜ਼ੈਕਸ਼ਨ ਕਿਵੇਂ ਚੈੱਕ ਕਰੀਏ?

ਤੁਸੀਂ ਫ਼ੋਨ ਤੋਂ ਵੀ FASTag ਦੀ ਜਾਣਕਾਰੀ ਦੇਖ ਸਕਦੇ ਹੋ। ਇਸਦੇ ਲਈ ਤੁਹਾਨੂੰ MyFASTag ਐਪ ਆਪਣੇ ਫ਼ੋਨ ‘ਚ ਇੰਸਟਾਲ ਕਰਨਾ ਹੋਵੇਗਾ। IHMCL ਮੁਤਾਬਕ MyFASTag ਐਪ ‘ਚ FASTag ਨੂੰ ਰੀਚਾਰਜ ਕਰਨ ਦੇ ਨਾਲ-ਨਾਲ ਟਰਾਂਜ਼ੈਕਸ਼ਨਾਂ ਨੂੰ ਟ੍ਰੈਕ ਕਰਨ ਅਤੇ FASTag ਵਾਲੇਟ ਦਾ ਬੈਲੇਂਸ ਦੇਖਣ ਦੀ ਸੁਵਿਧਾ ਵੀ ਮਿਲ ਜਾਂਦੀ ਹੈ:

ਸਭ ਤੋਂ ਪਹਿਲਾਂ ਆਪਣੇ ਫ਼ੋਨ ‘ਚ MyFASTag ਐਪ ਓਪਨ ਕਰੋ। ਇਸ ਤੋਂ ਬਾਅਦ ਆਪਣੇ FASTag ਨਾਲ ਸਬੰਧਤ ਸੈਕਸ਼ਨ ‘ਚ ਜਾਓ। ਸਬੰਧਤ FASTag ਅਕਾਊਂਟ ਸਿਲੈਕਟ ਕਰੋ। ਇੱਥੇ ਟਰਾਂਜ਼ੈਕਸ਼ਨ ਹਿਸਟਰੀ ਜਾਂ ਇਸੇ ਤਰ੍ਹਾਂ ਦੇ ਉਪਲਬਧ ਆਪਸ਼ਨ ਨੂੰ ਓਪਨ ਕਰੋ। ਇੱਥੇ ਤੁਹਾਨੂੰ ਪੁਰਾਣੀਆਂ ਟਰਾਂਜ਼ੈਕਸ਼ਨਾਂ ਦੀ ਪੂਰੀ ਡਿਟੇਲ ਮਿਲ ਜਾਵੇਗੀ। ਆਪਣੀ ਲੋੜ ਮੁਤਾਬਕ ਕਿਸੇ ਵੀ ਟਰਾਂਜ਼ੈਕਸ਼ਨ ਦੀ ਡਿਟੇਲ ਸੇਵ ਕਰੋ ਜਾਂ ਸਕ੍ਰੀਨਸ਼ਾਟ ਲੈ ਲਵੋ।