Apple Maps ‘ਤੇ ਹੁਣ ਨਹੀਂ ਚੱਲਣਗੇ ਇਨ੍ਹਾਂ ਬਿਜ਼ਨੈਸ ਦੇ Ads

ਨਵੀਂ ਦਿੱਲੀ, 18 ਜੁਲਾਈ – ਐਪਲ ਨੇ Apple Music ਅਤੇ Apple One ਪਲਾਨਸ ਦੀਆਂ ਕੀਮਤਾਂ ਵਧਾ ਦਿੱਤੀਆਂ ਹਨ। ਇਸੇ ਦੌਰਾਨ ਹੁਣ ਤਕਨਾਲੋਜੀ ਖੇਤਰ ਦੀ ਇਸ ਦਿੱਗਜ ਕੰਪਨੀ ਨੇ ਆਪਣੇ ਇਸ਼ਤਿਹਾਰਬਾਜ਼ੀ ਦੇ ਨਿਯਮਾਂ ਵਿੱਚ ਵੀ ਵੱਡਾ ਬਦਲਾਅ ਕਰ ਦਿੱਤਾ ਹੈ। ਜੀ ਹਾਂ, ਕੰਪਨੀ ਨੇ Apple Maps ‘ਤੇ ਕਈ ਤਰ੍ਹਾਂ ਦੇ ਕਾਰੋਬਾਰਾਂ ਦੇ ਇਸ਼ਤਿਹਾਰਾਂ (Ads) ‘ਤੇ ਰੋਕ ਲਗਾ ਦਿੱਤੀ ਹੈ। ਕੰਪਨੀ ਨੇ ਨਵੀਂ ਐਪਲ ਐਡਵਰਟਾਈਜ਼ਿੰਗ ਸਰਵਿਸ ਪਾਲਿਸੀ ਵੀ ਜਾਰੀ ਕਰ ਦਿੱਤੀ ਹੈ, ਜੋ 14 ਜੁਲਾਈ ਤੋਂ ਲਾਗੂ ਹੋ ਗਈ ਹੈ। ਹੁਣ ਇਸ ਨਵੀਂ ਪਾਲਿਸੀ ਦੇ ਤਹਿਤ ਪਲੰਬਰ, ਇਲੈਕਟ੍ਰੀਸ਼ੀਅਨ, ਲਾਕਸਮਿਥ (ਜਿੰਦਰੇ ਠੀਕ ਕਰਨ ਵਾਲੇ), HVAC ਸਰਵਿਸ, ਪੈਸਟ ਕੰਟਰੋਲ (ਕੀੜੇ-ਮਕੌੜੇ ਮਾਰਨ ਵਾਲੇ), ਰੂਫਿੰਗ (ਛੱਤ ਦੀ ਮੁਰੰਮਤ), ਜਨਰਲ ਕੰਟਰੈਕਟਰ, ਕ੍ਰਿਪਟੋਕਰੰਸੀ ATM ਅਤੇ ਬੇਲ ਬਾਂਡ ਵਰਗੀਆਂ ਸੇਵਾਵਾਂ ਨਾਲ ਜੁੜੇ Ads ਐਪਲ ਮੈਪਸ ‘ਤੇ ਨਹੀਂ ਦਿਖਾਏ ਜਾਣਗੇ। ਹਾਲਾਂਕਿ ਇਹ ਬਦਲਾਅ ਅਜਿਹੇ ਸਮੇਂ ਸਾਹਮਣੇ ਆਇਆ ਹੈ, ਜਦੋਂ ਐਪਲ ਅਮਰੀਕਾ ਅਤੇ ਕੈਨੇਡਾ ਵਿੱਚ Apple Maps ‘ਤੇ ਐਡਸ ਦੀ ਸੁਵਿਧਾ ਸ਼ੁਰੂ ਕਰਨ ਦੀ ਤਿਆਰੀ ਵਿੱਚ ਹੈ। ਹਾਲਾਂਕਿ ਕੰਪਨੀ ਨੇ ਅਜੇ ਤੱਕ ਇਸ ਦੀ ਲਾਂਚਿੰਗ ਤਾਰੀਖ਼ ਦਾ ਐਲਾਨ ਨਹੀਂ ਕੀਤਾ ਹੈ।