UPI ਨੇ ਬਣਾਇਆ ਨਵਾਂ ਰਿਕਾਰਡ, ਇੱਕ ਦਿਨ ‘ਚ 70 ਕਰੋੜ ਹੋਇਆ ਲੈਣ-ਦੇਣ

ਨਵੀਂ ਦਿੱਲੀ, 6 ਅਗਸਤ – ਡਿਜੀਟਲ ਵੱਲ ਵਧਦੇ ਭਾਰਤ ਵਿੱਚ UPI ਦੀ ਪ੍ਰਸਿੱਧੀ ਕਿੰਨੀ ਵੱਧ ਗਈ ਹੈ, ਇਸ ਦਾ ਅੰਦਾਜ਼ਾ ਤੁਸੀਂ ਇਸ ਗੱਲ ਤੋਂ ਲਾ ਸਕਦੇ ਹੋ ਕਿ ਇੱਕ ਦਿਨ ਵਿੱਚ ਅਮਰੀਕਾ ਦੀ ਆਬਾਦੀ ਤੋਂ ਦੁੱਗਣਾ ਲੈਣ-ਦੇਣ UPI ਰਾਹੀਂ ਕੀਤਾ ਗਿਆ। ਸਾਲ 2024 ਦੇ ਅੰਕੜਿਆਂ ਅਨੁਸਾਰ, ਅਮਰੀਕਾ ਦੀ ਆਬਾਦੀ ਲਗਭਗ 341.2 ਮਿਲੀਅਨ ਸੀ, ਪਰ ਭਾਰਤ ਵਿੱਚ 2 ਅਗਸਤ, 2025 ਨੂੰ ਇੱਕ ਦਿਨ ਵਿੱਚ UPI ਰਾਹੀਂ ਰਿਕਾਰਡ 707 ਮਿਲੀਅਨ ਲੈਣ-ਦੇਣ ਕੀਤਾ ਗਿਆ।

ਤੇਜ਼ੀ ਨਾਲ ਵਧੀ UPI

ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ਼ ਇੰਡੀਆ (NPCI) ਦੁਆਰਾ ਸਾਂਝੇ ਕੀਤੇ ਗਏ ਇਹ ਅੰਕੜੇ ਦਰਸਾਉਂਦੇ ਹਨ ਕਿ ਇਸ ਪਲੇਟਫਾਰਮ ਦੀ ਵਰਤੋਂ ਕਿਵੇਂ ਤੇਜ਼ੀ ਨਾਲ ਵਧੀ ਹੈ। UPI ਨੇ ਪਿਛਲੇ ਕੁਝ ਸਾਲਾਂ ਵਿੱਚ ਇਹ ਇਤਿਹਾਸਕ ਮੁਕਾਮ ਹਾਸਲ ਕੀਤਾ ਹੈ। 2023 ਵਿੱਚ, ਪ੍ਰਤੀ ਦਿਨ ਲਗਭਗ 350 ਮਿਲੀਅਨ (35 ਕਰੋੜ) UPI ਲੈਣ-ਦੇਣ ਹੁੰਦੇ ਸਨ। ਅਗਸਤ 2024 ਤੱਕ, ਇਹ ਗਿਣਤੀ ਵਧ ਕੇ 500 ਮਿਲੀਅਨ (50 ਕਰੋੜ) ਹੋ ਗਈ। ਹੁਣ ਇਹ ਅੰਕੜਾ 700 ਮਿਲੀਅਨ (70 ਕਰੋੜ) ਤੱਕ ਪਹੁੰਚ ਗਿਆ ਹੈ।

1 ਬਿਲੀਅਨ (100 ਕਰੋੜ) ਲੈਣ-ਦੇਣ ਦਾ ਟੀਚਾ

ਹੁਣ ਸਰਕਾਰ ਦਾ ਟੀਚਾ UPI ਰਾਹੀਂ ਰੋਜ਼ਾਨਾ ਲੈਣ-ਦੇਣ ਨੂੰ 1 ਬਿਲੀਅਨ (100 ਕਰੋੜ) ਤੱਕ ਵਧਾਉਣਾ ਹੈ।