DigiLocker ‘ਚ ਡਰਾਈਵਿੰਗ ਲਾਇਸੈਂਸ ਐਡ ਕਾਰਨ ਦਾ ਤਰੀਕਾ

ਨਵੀਂ ਦਿੱਲੀ, 9 ਨਵੰਬਰ-  ਸੜਕ ‘ਤੇ ਗੱਡੀ ਚਲਾਉਂਦੇ ਸਮੇਂ ਡਰਾਈਵਿੰਗ ਲਾਇਸੈਂਸ ਆਪਣੇ ਨਾਲ ਰੱਖਣਾ ਬੇਹੱਦ ਜ਼ਰੂਰੀ ਹੈ। ਪਰ ਕਈ ਵਾਰ ਜਲਦਬਾਜ਼ੀ ਵਿੱਚ ਘਰੋਂ ਨਿਕਲਦੇ ਸਮੇਂ ਅਸੀਂ ਆਪਣਾ ਬਟੂਆ ਜਾਂ ਜ਼ਰੂਰੀ ਦਸਤਾਵੇਜ਼ ਲਿਜਾਣਾ ਭੁੱਲ ਜਾਂਦੇ ਹਾਂ। ਅਜਿਹੇ ਵਿੱਚ ਟ੍ਰੈਫਿਕ ਪੁਲਿਸ ਦੀ ਚੈਕਿੰਗ ਦੌਰਾਨ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਹਾਲਾਂਕਿ, ਹੁਣ ਇਸ ਸਮੱਸਿਆ ਦਾ ਇਕ ਆਸਾਨ ਹੱਲ ਮੌਜੂਦ ਹੈ। ਤੁਸੀਂ ਆਪਣੇ ਸਮਾਰਟਫੋਨ ਵਿੱਚ ਹੀ DigiLocker ਦੀ ਮਦਦ ਨਾਲ ਡਰਾਈਵਿੰਗ ਲਾਇਸੈਂਸ ਦੀ ਡਿਜੀਟਲ ਕਾਪੀ ਸੁਰੱਖਿਅਤ ਰੱਖ ਸਕਦੇ ਹੋ।

ਖ਼ਾਸ ਗੱਲ ਇਹ ਹੈ ਕਿ ਇਸ ਲਈ ਤੁਹਾਨੂੰ ਲਾਇਸੈਂਸ ਦੀ ਫੋਟੋ ਖਿੱਚ ਕੇ ਅਪਲੋਡ ਕਰਨ ਦੀ ਲੋੜ ਨਹੀਂ ਪੈਂਦੀ, ਸਗੋਂ ਸਰਕਾਰੀ ਰਿਕਾਰਡ ਤੋਂ ਸਿੱਧਾ ਆਪਣਾ ਡਿਜੀਟਲ ਡਰਾਈਵਿੰਗ ਲਾਇਸੈਂਸ ਪ੍ਰਾਪਤ ਕਰ ਸਕਦੇ ਹੋ। ਅਜਿਹੇ ਵਿੱਚ ਆਓ ਜਾਣਦੇ ਹਾਂ ਕਿ DigiLocker ਵਿੱਚ ਡਰਾਈਵਿੰਗ ਲਾਇਸੈਂਸ ਕਿਵੇਂ ਜੋੜਿਆ ਜਾ ਸਕਦਾ ਹੈ, ਇਸ ਦੀ ਪੂਰੀ ਪ੍ਰਕਿਰਿਆ ਕੀ ਹੈ ਅਤੇ ਲੋੜ ਪੈਣ ‘ਤੇ ਇਸ ਨੂੰ ਟ੍ਰੈਫਿਕ ਪੁਲਿਸ ਨੂੰ ਕਿਵੇਂ ਦਿਖਾਇਆ ਜਾ ਸਕਦਾ ਹੈ?

ਡਰਾਈਵਿੰਗ ਲਾਇਸੈਂਸ ਜੋੜਨ ਤੋਂ ਪਹਿਲਾਂ ਜ਼ਰੂਰੀ ਗੱਲਾਂ

ਆਪਣਾ ਡਰਾਈਵਿੰਗ ਲਾਇਸੈਂਸ ਨੰਬਰ ਤਿਆਰ ਰੱਖੋ ਅਤੇ DigiLocker ਅਕਾਊਂਟ ਵਿੱਚ ਲੌਗਇਨ ਕਰੋ। MoRTH ਤੋਂ ਡਰਾਈਵਿੰਗ ਲਾਇਸੈਂਸ ਪ੍ਰਾਪਤ ਕਰਨ ਲਈ ਅਧਿਕਾਰਤ FAQ ਅਨੁਸਾਰ, ਤੁਹਾਡਾ ਅਕਾਊਂਟ ਆਧਾਰ ਕਾਰਡ ਨਾਲ ਲਿੰਕ ਹੋਣਾ ਚਾਹੀਦਾ ਹੈ। ਇਸ ਦੇ ਨਾਲ ਹੀ ਆਧਾਰ ਕਾਰਡ ਅਤੇ ਡਰਾਈਵਿੰਗ ਲਾਇਸੈਂਸ ਦੇ ਰਿਕਾਰਡ ਵਿੱਚ ਨਾਮ ਇਕੋ ਜਿਹਾ ਹੋਣਾ ਜ਼ਰੂਰੀ ਹੈ।

ਮੋਬਾਈਲ ਐਪ ਰਾਹੀਂ ਡਰਾਈਵਿੰਗ ਲਾਇਸੈਂਸ ਕਿਵੇਂ ਜੋੜੀਏ?

1. DigiLocker ਐਪ ਇੰਸਟਾਲ ਕਰੋ ਅਤੇ ਅਕਾਊਂਟ ਬਣਾਓ

ਗੂਗਲ ਪਲੇਅ ਸਟੋਰ (Google Play Store) ਜਾਂ ਐਪ ਸਟੋਰ (App Store) ਤੋਂ ਅਧਿਕਾਰਤ DigiLocker ਐਪ ਇੰਸਟਾਲ ਕਰੋ। ਇਸ ਤੋਂ ਬਾਅਦ Sign In ਕਰੋ। ਜੇਕਰ ਪਹਿਲੀ ਵਾਰ ਐਪ ਦੀ ਵਰਤੋਂ ਕਰ ਰਹੇ ਹੋ ਤਾਂ Sign Up ‘ਤੇ ਟੈਪ ਕਰੋ। ਇਸ ਤੋਂ ਬਾਅਦ ਆਪਣੀ ਜਾਣਕਾਰੀ ਭਰੋ ਅਤੇ ਮੋਬਾਈਲ ‘ਤੇ ਆਏ OTP ਰਾਹੀਂ ਤਸਦੀਕ ਕਰੋ। ਜੇਕਰ ਪਹਿਲਾਂ ਤੋਂ ਅਕਾਊਂਟ ਹੈ ਤਾਂ ਉਸੇ ਵਿੱਚ ਲੌਗਇਨ ਕਰ ਸਕਦੇ ਹੋ।

2. Search Documents ਸੈਕਸ਼ਨ ਖੋਲ੍ਹੋ

ਲੌਗਇਨ ਕਰਨ ਤੋਂ ਬਾਅਦ Search Documents, Browse Documents ਜਾਂ Get More Issued Documents ਵਾਲਾ ਵਿਕਲਪ ਖੋਲ੍ਹੋ। ਐਪ ਦੇ ਵਰਜ਼ਨ ਅਨੁਸਾਰ ਇਸ ਦਾ ਨਾਮ ਜਾਂ ਥਾਂ ਬਦਲ ਸਕਦੀ ਹੈ। ਸਰਚ ਬਾਕਸ ਵਿੱਚ Driving Licence ਲਿਖੋ। ਨਤੀਜਿਆਂ ਵਿੱਚ ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ (MoRTH) ਜਾਂ ਦਿਖਾਈ ਦੇ ਰਹੇ ਆਪਣੇ ਸੂਬੇ ਦੇ ਟਰਾਂਸਪੋਰਟ ਵਿਭਾਗ ਦੀ ਚੋਣ ਕਰੋ।

3. ਡਰਾਈਵਿੰਗ ਲਾਇਸੈਂਸ ਦਾ ਬਦਲ ਚੁਣੋ ਅਤੇ ਜਾਣਕਾਰੀ ਭਰੋ

ਜਾਰੀਕਰਤਾ (Issuer) ਦੀ ਚੋਣ ਕਰਨ ਤੋਂ ਬਾਅਦ ਦਸਤਾਵੇਜ਼ਾਂ ਦੀ ਸੂਚੀ ਵਿੱਚੋਂ Driving Licence ‘ਤੇ ਟੈਪ ਕਰੋ। ਹੁਣ ਆਪਣਾ ਡਰਾਈਵਿੰਗ ਲਾਇਸੈਂਸ ਨੰਬਰ ਦਰਜ ਕਰੋ। ਸਕ੍ਰੀਨ ‘ਤੇ ਆਧਾਰ ਨਾਲ ਜੁੜਿਆ ਨਾਮ ਦਿਖਾਈ ਦੇ ਸਕਦਾ ਹੈ ਅਤੇ ਕੁਝ ਮਾਮਲਿਆਂ ਵਿੱਚ ਜਨਮ ਮਿਤੀ ਜਾਂ ਹੋਰ ਜਾਣਕਾਰੀ ਵੀ ਮੰਗੀ ਜਾ ਸਕਦੀ ਹੈ। ਡਰਾਈਵਿੰਗ ਲਾਇਸੈਂਸ ਨੰਬਰ ਧਿਆਨ ਨਾਲ ਭਰੋ, ਕਿਉਂਕਿ ਗਲਤ ਅੰਕ ਜਾਂ ਅੱਖਰ ਦਰਜ ਕਰਨ ਨਾਲ ਰਿਕਾਰਡ ਨਹੀਂ ਮਿਲੇਗਾ।

4. ਸਹਿਮਤੀ ਦੇ ਕੇ Get Document ‘ਤੇ ਟੈਪ ਕਰੋ

ਜਾਣਕਾਰੀ ਦੀ ਜਾਂਚ ਕਰਨ ਤੋਂ ਬਾਅਦ ਜੇਕਰ ਸਹਿਮਤੀ (Consent) ਵਾਲਾ ਬਾਕਸ ਦਿਖਾਈ ਦਿੰਦਾ ਹੈ ਤਾਂ ਉਸ ਨੂੰ ਪੜ੍ਹ ਕੇ ਟਿਕ ਕਰੋ। ਫਿਰ Get Document ਜਾਂ Fetch Document ‘ਤੇ ਟੈਪ ਕਰੋ। ਇਸ ਤੋਂ ਬਾਅਦ DigiLocker ਸਰਕਾਰੀ ਡਾਟਾਬੇਸ ਵਿੱਚ ਤੁਹਾਡਾ ਰਿਕਾਰਡ ਲੱਭੇਗਾ। ਰਿਕਾਰਡ ਉਪਲਬਧ ਹੋਣ ਅਤੇ ਜਾਣਕਾਰੀ ਦਾ ਮਿਲਾਨ ਹੋਣ ‘ਤੇ ਡਿਜੀਟਲ ਡਰਾਈਵਿੰਗ ਲਾਇਸੈਂਸ ਤੁਹਾਡੇ ਅਕਾਊਂਟ ਵਿੱਚ ਜੁੜ ਜਾਵੇਗਾ।

5. ਜਾਰੀ ਕੀਤੇ ਦਸਤਾਵੇਜ਼ਾਂ ਵਿੱਚੋਂ ਡਰਾਈਵਿੰਗ ਲਾਇਸੈਂਸ ਦੇਖੋ ਅਤੇ ਡਾਊਨਲੋਡ ਕਰੋ

ਲਾਇਸੈਂਸ ਜੁੜਨ ਤੋਂ ਬਾਅਦ Issued Documents ਸੈਕਸ਼ਨ ਖੋਲ੍ਹੋ ਅਤੇ Driving Licence ‘ਤੇ ਟੈਪ ਕਰੋ। ਇੱਥੇ ਆਪਣੀ ਜਾਣਕਾਰੀ ਦੇਖੋ ਅਤੇ ਉਪਲਬਧ ਬਦਲ ਰਾਹੀਂ PDF ਡਾਊਨਲੋਡ ਕਰੋ। ਟ੍ਰੈਫਿਕ ਚੈਕਿੰਗ ਦੌਰਾਨ ਐਪ ਵਿੱਚ Issued Documents ਵਾਲੇ ਸੈਕਸ਼ਨ ਵਿੱਚ ਮੌਜੂਦ ਦਸਤਾਵੇਜ਼ ਦਿਖਾਓ। ਫੋਨ ਵਿੱਚ ਖ਼ੁਦ ਅਪਲੋਡ ਕੀਤੀ ਗਈ ਫੋਟੋ ਜਾਂ PDF ਸਰਕਾਰੀ ਸਰੋਤ ਤੋਂ ਜਾਰੀ ਕੀਤਾ ਗਿਆ ਡਿਜੀਟਲ ਡਰਾਈਵਿੰਗ ਲਾਇਸੈਂਸ ਨਹੀਂ ਹੁੰਦਾ।

ਵੈੱਬਸਾਈਟ ਰਾਹੀਂ ਡਰਾਈਵਿੰਗ ਲਾਇਸੈਂਸ ਕਿਵੇਂ ਜੋੜੀਏ?

ਬ੍ਰਾਊਜ਼ਰ ਵਿੱਚ digilocker.gov.in ਖੋਲ੍ਹੋ ਅਤੇ ਲੌਗਇਨ ਕਰੋ। Search Documents ਜਾਂ Browse Documents ਵਿੱਚ ਜਾ ਕੇ MoRTH ਜਾਂ ਸਬੰਧਤ ਟਰਾਂਸਪੋਰਟ ਵਿਭਾਗ ਦੀ ਚੋਣ ਕਰੋ। ਹੁਣ Driving Licence ਵਾਲਾ ਬਦਲ ਖੋਲ੍ਹੋ। ਆਪਣਾ ਡਰਾਈਵਿੰਗ ਲਾਇਸੈਂਸ ਨੰਬਰ ਅਤੇ ਮੰਗੀ ਗਈ ਜਾਣਕਾਰੀ ਭਰੋ। ਸਹਿਮਤੀ ਦੇਣ ਤੋਂ ਬਾਅਦ Get Document ‘ਤੇ ਕਲਿੱਕ ਕਰੋ। ਪ੍ਰਕਿਰਿਆ ਸਫ਼ਲ ਹੋਣ ‘ਤੇ ਲਾਇਸੈਂਸ Issued Documents ਵਿੱਚ ਦਿਖਾਈ ਦੇਵੇਗਾ। ਵੈੱਬਸਾਈਟ ‘ਤੇ ਮੀਨੂ ਦਾ ਕ੍ਰਮ ਵੱਖਰਾ ਹੋ ਸਕਦਾ ਹੈ।

DigiLocker ਵਿੱਚ ਡਰਾਈਵਿੰਗ ਲਾਇਸੈਂਸ ਨਹੀਂ ਜੁੜ ਰਿਹਾ ਤਾਂ ਕੀ ਕਰੀਏ?

ਜੇਕਰ DigiLocker ਵਿੱਚ ‘No record available in issuer database’ ਦਾ ਸੁਨੇਹਾ ਦਿਖਾਈ ਦਿੰਦਾ ਹੈ ਤਾਂ ਸਭ ਤੋਂ ਪਹਿਲਾਂ ਆਪਣੇ ਡਰਾਈਵਿੰਗ ਲਾਇਸੈਂਸ ਨੰਬਰ ਦੀ ਜਾਂਚ ਕਰੋ। DigiLocker FAQ ਅਨੁਸਾਰ, ਜੇਕਰ ਤੁਹਾਡੇ ਲਾਇਸੈਂਸ ਦਾ ਰਿਕਾਰਡ National Register ਵਿੱਚ ਉਪਲਬਧ ਨਹੀਂ ਹੈ ਤਾਂ ਇਸ ਨੂੰ ਪ੍ਰਾਪਤ ਨਹੀਂ ਕੀਤਾ ਜਾ ਸਕਦਾ।

ਇਸ ਤੋਂ ਇਲਾਵਾ, ਨਾਮ ਜਾਂ ਹੋਰ ਜਾਣਕਾਰੀ ਦਾ ਮਿਲਾਨ ਨਾ ਹੋਣ ਕਾਰਨ ਵੀ ਇਹ ਸਮੱਸਿਆ ਆ ਸਕਦੀ ਹੈ। ਅਜਿਹੇ ਵਿੱਚ ਆਪਣੇ ਡਰਾਈਵਿੰਗ ਲਾਇਸੈਂਸ ਅਤੇ ਆਧਾਰ ਦੀ ਜਾਣਕਾਰੀ ਦੀ ਜਾਂਚ ਕਰੋ। ਇਸ ਤੋਂ ਬਾਅਦ ਟਰਾਂਸਪੋਰਟ ਪੋਰਟਲ ‘ਤੇ ਲਾਇਸੈਂਸ ਦਾ ਸਟੇਟਸ ਦੇਖੋ ਜਾਂ ਸਬੰਧਤ RTO ਨਾਲ ਸੰਪਰਕ ਕਰਕੇ ਆਪਣਾ ਰਿਕਾਰਡ ਅਪਡੇਟ ਕਰਵਾਉਣ ਲਈ ਕਹੋ। ਜੇਕਰ ਤੁਹਾਡਾ ਆਧਾਰ ਪਹਿਲਾਂ ਹੀ ਕਿਸੇ ਹੋਰ DigiLocker ਅਕਾਊਂਟ ਨਾਲ ਲਿੰਕ ਹੈ ਤਾਂ ਪੁਰਾਣੇ ਅਕਾਊਂਟ ਦੀ ਲੌਗਇਨ ਜਾਣਕਾਰੀ ਰਿਕਵਰ ਕਰੋ।

ਕੀ DigiLocker ਦਾ ਡਰਾਈਵਿੰਗ ਲਾਇਸੈਂਸ ਟ੍ਰੈਫਿਕ ਪੁਲਿਸ ਨੂੰ ਦਿਖਾ ਸਕਦੇ ਹਾਂ?

ਹਾਂ, ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਅਨੁਸਾਰ, DigiLocker ਜਾਂ mParivahan ਵਿੱਚ ਇਲੈਕਟ੍ਰਾਨਿਕ ਰੂਪ ਵਿੱਚ ਉਪਲਬਧ ਡਰਾਈਵਿੰਗ ਲਾਇਸੈਂਸ ਅਤੇ RC ਨੂੰ ਅਸਲ ਦਸਤਾਵੇਜ਼ਾਂ ਦੇ ਬਰਾਬਰ ਮਾਨਤਾ ਪ੍ਰਾਪਤ ਹੈ।

ਟ੍ਰੈਫਿਕ ਪੁਲਿਸ ਦੀ ਚੈਕਿੰਗ ਦੌਰਾਨ ਤੁਸੀਂ DigiLocker ਦੇ Issued Documents ਸੈਕਸ਼ਨ ਵਿੱਚ ਮੌਜੂਦ ਆਪਣਾ ਡਿਜੀਟਲ ਡਰਾਈਵਿੰਗ ਲਾਇਸੈਂਸ ਦਿਖਾ ਸਕਦੇ ਹੋ। ਧਿਆਨ ਰੱਖੋ ਕਿ ਖ਼ੁਦ ਅਪਲੋਡ ਕੀਤੀ ਗਈ ਲਾਇਸੈਂਸ ਦੀ ਫੋਟੋ ਜਾਂ PDF ਨੂੰ ਸਰਕਾਰੀ ਡਾਟਾਬੇਸ ਤੋਂ ਜਾਰੀ ਡਿਜੀਟਲ ਦਸਤਾਵੇਜ਼ ਦੇ ਬਰਾਬਰ ਮਾਨਤਾ ਪ੍ਰਾਪਤ ਨਹੀਂ ਹੈ।