ਸਰਕਾਰ ਨੇ LPG ਸਪਲਾਈ ‘ਤੇ ਲੱਗੀਆਂ ਸਾਰੀਆਂ ਪਾਬੰਦੀਆਂ ਹਟਾਈਆਂ

ਨਵੀਂ ਦਿੱਲੀ, 27 ਜੂਨ – ਕੇਂਦਰ ਸਰਕਾਰ ਨੇ ਐਲਪੀਜੀ (LPG) ਦੀ ਸਪਲਾਈ ‘ਤੇ ਲੱਗੀਆਂ ਸਾਰੀਆਂ ਪਾਬੰਦੀਆਂ ਹਟਾ ਦਿੱਤੀਆਂ ਹਨ। ਸਰਕਾਰ ਨੇ ਨਾਨ-ਡੋਮੈਸਟਿਕ ਪੈਕਡ LPG ਦੀ ਸਪਲਾਈ ‘ਤੇ ਲੱਗੀਆਂ ਸੈਕਟੋਰਲ ਪਾਬੰਦੀਆਂ ਵੀ ਖਤਮ ਕਰ ਦਿੱਤੀਆਂ ਹਨ। ਹੁਣ ਇਸ ਦੀ ਸਪਲਾਈ ਨੂੰ ਉਸੇ ਪੱਧਰ ‘ਤੇ ਬਹਾਲ ਕਰ ਦਿੱਤਾ ਗਿਆ ਹੈ, ਜੋ ਈਰਾਨ-ਅਮਰੀਕਾ ਜੰਗ ਕਾਰਨ ਪੈਦਾ ਹੋਏ ਸੰਕਟ ਤੋਂ ਪਹਿਲਾਂ ਸੀ। ਸਰਕਾਰ ਦੇ ਇਸ ਫੈਸਲੇ ਤੋਂ ਬਾਅਦ ਬਲਕ LPG ਦੀ ਸਪਲਾਈ ਵੀ ਮੁੜ ਸ਼ੁਰੂ ਕਰ ਦਿੱਤੀ ਗਈ ਹੈ, ਜਿਸ ਨੂੰ ਸੰਕਟ ਦੀ ਸ਼ੁਰੂਆਤ ਵਿੱਚ ਰੋਕ ਦਿੱਤਾ ਗਿਆ ਸੀ। ਇਸ ਨੂੰ ਹੁਣ ਸੰਕਟ ਤੋਂ ਪਹਿਲਾਂ ਦੀ ਖਪਤ ਦੇ 50 ਫੀਸਦੀ ਤੱਕ ਬਹਾਲ ਕੀਤਾ ਗਿਆ ਹੈ। ਇਸ ਫੈਸਲੇ ਨਾਲ ਕਮਰਸ਼ੀਅਲ ਅਤੇ ਉਦਯੋਗਿਕ ਖਪਤਕਾਰਾਂ ਨੂੰ ਵੱਡੀ ਰਾਹਤ ਮਿਲੇਗੀ।

ਪਹਿਲਾਂ ਸਰਕਾਰ ਨੇ ਕੀ ਹੁਕਮ ਜਾਰੀ ਕੀਤਾ ਸੀ?

ਸੰਕਟ ਦੇ ਸਮੇਂ ਘਰੇਲੂ LPG ਉਤਪਾਦਨ ਵਧਾਉਣ ਲਈ ਸਰਕਾਰ ਨੇ ਜ਼ਰੂਰੀ ਵਸਤੂਆਂ ਕਾਨੂੰਨ (Essential Commodities Act) ਤਹਿਤ ਹੁਕਮ ਜਾਰੀ ਕੀਤਾ ਸੀ। ਇਸ ਵਿੱਚ ਕਿਹਾ ਗਿਆ ਸੀ ਕਿ C3-C4 ਸਟ੍ਰੀਮਜ਼ ਦੀ ਵਰਤੋਂ ਸਿਰਫ਼ LPG ਬਣਾਉਣ ਲਈ ਕੀਤੀ ਜਾਵੇਗੀ। ਇਨ੍ਹਾਂ ਨੂੰ ਪੈਟਰੋਕੈਮੀਕਲ ਅਤੇ ਹੋਰ ਉਦਯੋਗਿਕ ਵਰਤੋਂ ਤੋਂ ਹਟਾ ਕੇ LPG ਉਤਪਾਦਨ ਵੱਲ ਮੋੜ ਦਿੱਤਾ ਗਿਆ ਸੀ।

ਘਰੇਲੂ LPG ਉਤਪਾਦਨ ਪਹਿਲਾਂ ਨਾਲੋਂ ਹੋਇਆ ਬਿਹਤਰ

ਹੁਣ ਜਦੋਂ ਦੇਸ਼ ਵਿੱਚ ਘਰੇਲੂ LPG ਉਤਪਾਦਨ ਵਿੱਚ ਸੁਧਾਰ ਆ ਗਿਆ ਹੈ ਅਤੇ ਆਯਾਤ ਕੀਤੀ LPG ਦੀਆਂ ਖੇਪਾਂ ਵੀ ਆਉਣ ਲੱਗੀਆਂ ਹਨ, ਤਾਂ ਸਰਕਾਰ ਨੇ LPG ਪੂਲ ਵਿੱਚ C3-C4 ਸਟ੍ਰੀਮਜ਼ ਦੀ ਵਰਤੋਂ ਘਟਾਉਣ ਦਾ ਫੈਸਲਾ ਕੀਤਾ ਹੈ। ਹੁਣ ਇਹ ਸਟ੍ਰੀਮਜ਼ ਪੈਟਰੋਕੈਮੀਕਲ ਅਤੇ ਹੋਰ ਜ਼ਰੂਰੀ ਉਦਯੋਗਾਂ ਨੂੰ ਵੱਧ ਮਾਤਰਾ ਵਿੱਚ ਦਿੱਤੀਆਂ ਜਾਣਗੀਆਂ।

ਆਮ ਲੋਕਾਂ ‘ਤੇ ਕੀ ਪਵੇਗਾ ਅਸਰ?

ਸਰਕਾਰ ਨੇ ਇਹ ਫੈਸਲਾ ਮੁੱਖ ਤੌਰ ‘ਤੇ ਕਮਰਸ਼ੀਅਲ, ਉਦਯੋਗਿਕ LPG ਅਤੇ ਪੈਟਰੋਕੈਮੀਕਲ ਸੈਕਟਰ ਨੂੰ ਧਿਆਨ ਵਿੱਚ ਰੱਖ ਕੇ ਲਿਆ ਹੈ।