ਜੇਈਈ ਮੇਨ ਸੈਸ਼ਨ-2 ਲਈ ਕਰੈਕਸ਼ਨ ਵਿੰਡੋ ਅੱਜ ਤੋਂ ਐਕਟਿਵ

ਨਵੀਂ ਦਿੱਲੀ, 27 ਫਰਵਰੀ – ਨੈਸ਼ਨਲ ਟੈਸਟਿੰਗ ਏਜੰਸੀ (NTA) ਵੱਲੋਂ ਜੇਈਈ ਮੇਨ 2026 ਸੈਸ਼ਨ-2 ਲਈ ਫਾਰਮ ਵਿੱਚ ਸੁਧਾਰ ਕਰਨ ਵਾਸਤੇ ਕਰੈਕਸ਼ਨ ਵਿੰਡੋ ਨੂੰ ਅੱਜ ਯਾਨੀ 27 ਫਰਵਰੀ ਤੋਂ ਐਕਟਿਵ ਕਰ ਦਿੱਤਾ ਗਿਆ ਹੈ। ਜਿਨ੍ਹਾਂ ਉਮੀਦਵਾਰਾਂ ਨੇ ਸੈਸ਼ਨ-2 ਲਈ ਰਜਿਸਟ੍ਰੇਸ਼ਨ ਕੀਤੀ ਸੀ, ਉਹ ਹੁਣ NTA ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾ ਕੇ ਆਪਣੇ ਬਿਨੈ-ਪੱਤਰ ਵਿੱਚ ਸੁਧਾਰ ਕਰ ਸਕਦੇ ਹਨ। ਦੱਸ ਦੇਈਏ ਕਿ ਉਮੀਦਵਾਰਾਂ ਨੂੰ 27 ਅਤੇ 28 ਫਰਵਰੀ 2026 ਤੱਕ ਫਾਰਮ ਸੁਧਾਰਨ ਦਾ ਮੌਕਾ ਦਿੱਤਾ ਗਿਆ ਹੈ। ਸਾਰੇ ਉਮੀਦਵਾਰਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਨਿਰਧਾਰਤ ਸਮੇਂ ਤੋਂ ਪਹਿਲਾਂ ਇਸ ਪ੍ਰਕਿਰਿਆ ਨੂੰ ਪੂਰਾ ਕਰ ਲੈਣ।

ਕੱਲ੍ਹ ਤੱਕ ਫਾਰਮ ਸੁਧਾਰਨ ਦਾ ਮੌਕਾ

ਜਿਹੜੇ ਉਮੀਦਵਾਰ ਆਪਣੇ ਫਾਰਮ ਵਿੱਚ ਸੋਧ ਕਰਨਾ ਚਾਹੁੰਦੇ ਹਨ, ਉਹ ਅਧਿਕਾਰਤ ਵੈੱਬਸਾਈਟ jeemain.nta.nic.in ‘ਤੇ ਜਾ ਕੇ 28 ਫਰਵਰੀ 2026 ਤੱਕ ਕਰੈਕਸ਼ਨ ਕਰ ਸਕਦੇ ਹਨ।

ਕਿਹੜੀ ਜਾਣਕਾਰੀ ਠੀਕ ਕੀਤੀ ਜਾ ਸਕਦੀ ਹੈ?

NTA ਅਨੁਸਾਰ ਉਮੀਦਵਾਰ ਆਪਣੇ ਫਾਰਮ ਵਿੱਚ ਹੇਠ ਲਿਖੀ ਜਾਣਕਾਰੀ ਸੁਧਾਰ ਸਕਦੇ ਹਨ:

ਕੋਰਸ ਜਾਂ ਪੇਪਰ ਦੀ ਚੋਣ।

ਪ੍ਰਸ਼ਨ-ਪੱਤਰ ਦਾ ਮਾਧਿਅਮ (Medium)।

ਯੋਗਤਾ (Eligibility) ਦਾ ਸਟੇਟ ਕੋਡ।

10ਵੀਂ ਅਤੇ 12ਵੀਂ ਜਮਾਤ ਦੀ ਜਾਣਕਾਰੀ।

ਫੀਸ ਅਤੇ ਪਛਾਣ ਨਾਲ ਸਬੰਧਤ ਵੇਰਵੇ।

ਕਦੋਂ ਹੋਵੇਗੀ ਪ੍ਰੀਖਿਆ?

NTA ਜੇਈਈ ਮੇਨ ਸੈਸ਼ਨ-2 ਦੀ ਪ੍ਰੀਖਿਆ 02 ਅਪ੍ਰੈਲ ਤੋਂ 09 ਅਪ੍ਰੈਲ 2026 ਦੇ ਵਿਚਕਾਰ ਆਯੋਜਿਤ ਕਰਵਾਈ ਜਾਵੇਗੀ। ਇਹ ਪ੍ਰੀਖਿਆ ਦੋ ਸ਼ਿਫਟਾਂ ਵਿੱਚ ਹੋਵੇਗੀ:

ਪਹਿਲੀ ਸ਼ਿਫਟ: ਸਵੇਰੇ 9 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ।

ਦੂਜੀ ਸ਼ਿਫਟ: ਦੁਪਹਿਰ 3 ਵਜੇ ਤੋਂ ਸ਼ਾਮ 6 ਵਜੇ ਤੱਕ।