JDU ਨੇ 44 ਉਮੀਦਵਾਰਾਂ ਦੀ ਦੂਜੀ ਸੂਚੀ ਕੀਤੀ ਜਾਰੀ

ਬਿਹਾਰ, 16 ਅਕਤੂਬਰ – ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਦੀ ਪਾਰਟੀ ਨੇ ਬਿਹਾਰ ਵਿਧਾਨ ਸਭਾ ਚੋਣਾਂ ਲਈ ਉਮੀਦਵਾਰਾਂ ਦੀ ਆਪਣੀ ਦੂਜੀ ਸੂਚੀ ਜਾਰੀ ਕੀਤੀ ਹੈ। ਇਸ ਸੂਚੀ ‘ਚ 44 ਉਮੀਦਵਾਰ ਸ਼ਾਮਲ ਹਨ। ਗੋਪਾਲਪੁਰ ਤੋਂ ਮੌਜੂਦਾ ਵਿਧਾਇਕ ਅਤੇ ਮੁੱਖ ਮੰਤਰੀ ਭਵਨ ਦੇ ਸਾਹਮਣੇ ਵਿਰੋਧ ਪ੍ਰਦਰਸ਼ਨ ਕਰਨ ਵਾਲੇ ਜੇਡੀਯੂ ਆਗੂ ਗੋਪਾਲ ਮੰਡਲ ਨੂੰ ਟਿਕਟ ਦੇਣ ਤੋਂ ਇਨਕਾਰ ਕਰ ਦਿੱਤਾ ਗਿਆ ਹੈ।

ਇਸ ਵਾਰ, ਜੇਡੀਯੂ ਨੇ ਉਨ੍ਹਾਂ ਦੀ ਜਗ੍ਹਾ ਬੁਲੋ ਮੰਡਲ ਨੂੰ ਨਾਮਜ਼ਦ ਕੀਤਾ ਹੈ। ਇਸ ਸੂਚੀ ‘ਚ ਪੱਛੜੇ ਵਰਗ ਦੇ 37 ਉਮੀਦਵਾਰ, ਸਭ ਤੋਂ ਪੱਛੜੇ ਵਰਗ ਦੇ 22, ਆਮ ਵਰਗ ਦੇ 22, ਅਨੁਸੂਚਿਤ ਜਾਤੀ ਦੇ 15, ਘੱਟ ਗਿਣਤੀ ਭਾਈਚਾਰੇ ਦੇ ਚਾਰ ਅਤੇ ਅਨੁਸੂਚਿਤ ਜਨਜਾਤੀ ਦਾ ਇੱਕ ਉਮੀਦਵਾਰ ਸ਼ਾਮਲ ਹੈ। ਕੁੱਲ 101 ਉਮੀਦਵਾਰਾਂ ‘ਚੋਂ 13 ਔਰਤਾਂ ਹਨ। ਜੇਡੀਯੂ ਨੇ ਕੁਸ਼ਵਾਹਾ ਭਾਈਚਾਰੇ (13) ਦੇ ਸਭ ਤੋਂ ਵੱਧ ਉਮੀਦਵਾਰਾਂ ਨੂੰ ਟਿਕਟਾਂ ਦਿੱਤੀਆਂ ਹਨ, ਉਸ ਤੋਂ ਬਾਅਦ ਕੁਰਮੀ ਭਾਈਚਾਰੇ ਦੇ 12, ਰਾਜਪੂਤ ਭਾਈਚਾਰੇ ਦੇ 10, ਭੂਮਿਹਾਰ ਭਾਈਚਾਰੇ ਦੇ 9 ਅਤੇ ਯਾਦਵ ਅਤੇ ਧਾਨੁਕ ਭਾਈਚਾਰੇ ਦੇ ਅੱਠ ਉਮੀਦਵਾਰਾਂ ਨੂੰ ਟਿਕਟਾਂ ਦਿੱਤੀਆਂ ਹਨ।