27 ਸਾਲਾਂ ਦਾ ਹੋਇਆ Google!, ਕਿਵੇਂ ਇੱਕ ਛੋਟੇ ਗੈਰਾਜ ਤੋਂ ਨਿਕਲੀ ਕੰਪਨੀ ਬਣੀ ਦੁਨੀਆ ਦੀ ‘ਟੈਕ ਮਹਾਸ਼ਕਤੀ’

ਨਵੀਂ ਦਿੱਲੀ, 27 ਸਤੰਬਰ – ਦੁਨੀਆ ਦੀਆਂ ਦਿੱਗਜ ਟੈਕ ਕੰਪਨੀਆਂ ਵਿੱਚ ਸ਼ਾਮਲ ਗੂਗਲ (Google) ਅੱਜ ਆਪਣਾ 27ਵਾਂ ਜਨਮਦਿਨ ਮਨਾ ਰਿਹਾ ਹੈ। ਇਸ ਮੌਕੇ ’ਤੇ ਕੰਪਨੀ ਨੇ ਖਾਸ ਡੁਡਲ (Doodle) ਜਾਰੀ ਕੀਤਾ ਹੈ, ਜਿਸ ਵਿੱਚ 1998 ਦੇ ਸ਼ੁਰੂਆਤੀ ਦੌਰ ਦੀ ਝਲਕ ਦਿਖਾਈ ਗਈ ਹੈ। ਗੂਗਲ ਨੇ 27 ਸਾਲ ਪਹਿਲਾਂ ਇੱਕ ਸਰਚ ਇੰਜਨ (Search Engine) ਵਜੋਂ ਸ਼ੁਰੂਆਤ ਕੀਤੀ ਸੀ ਅਤੇ ਅੱਜ ਇਹ ਦੁਨੀਆ ਦੀ ਸਭ ਤੋਂ ਵੱਡੀ ਟੈਕ ਕੰਪਨੀ ਵਜੋਂ ਉਭਰ ਚੁੱਕੀ ਹੈ। ਸਿਰਫ ਦੋ ਵਿਦਿਆਰਥੀਆਂ ਦੇ ਇੱਕ ਸਟਾਰਟ-ਅਪ (Start-up) ਤੋਂ ਸ਼ੁਰੂ ਹੋ ਕੇ ਗੂਗਲ ਨੇ ਤਕਨਾਲੋਜੀ ਦੀ ਦੁਨੀਆ ਵਿੱਚ ਵੱਡਾ ਬਦਲਾਅ ਲਿਆ। ਅੱਜ ਇਹ ਸਿਰਫ ਇੱਕ ਸਰਚ ਇੰਜਨ ਨਹੀਂ, ਸਗੋਂ ਮੋਬਾਈਲ ਤਕਨਾਲੋਜੀ, ਡਿਜ਼ੀਟਲ ਸੇਵਾਵਾਂ ਅਤੇ ਆਰਟੀਫੀਸ਼ਲ ਇੰਟੈਲੀਜੈਂਸ (Artificial Intelligence – AI) ਵਰਗੇ ਖੇਤਰਾਂ ਵਿੱਚ ਵੀ ਅਗੂ ਨਾਮ ਹੈ।

ਗੂਗਲ ਦਾ ਖਾਸ ਡੁਡਲ

1. ਗੂਗਲ ਦੀ ਪਰੰਪਰਾ ਰਹੀ ਹੈ ਕਿ ਉਹ ਹਰ ਖਾਸ ਮੌਕੇ ਨੂੰ ਡੁਡਲ (Doodle) ਰਾਹੀਂ ਸੈਲੀਬ੍ਰੇਟ ਕਰਦਾ ਹੈ।

2. ਆਪਣੇ 27ਵੇਂ ਜਨਮਦਿਨ ’ਤੇ ਜਾਰੀ ਇਸ ਡੁਡਲ ਵਿੱਚ ਗੂਗਲ ਦਾ ਸ਼ੁਰੂਆਤੀ ਲੋਗੋ (Logo) ਅਤੇ ਸਰਚ ਇੰਜਨ ਦਾ ਪੁਰਾਣਾ ਇੰਟਰਫੇਸ ਵੇਖਣ ਨੂੰ ਮਿਲਦਾ ਹੈ।

3. ਲੋਗੋ ਵਿੱਚ ਬਲੂ (Blue), ਰੈੱਡ (Red), ਯੈਲੋ (Yellow) ਅਤੇ ਗ੍ਰੀਨ (Green) ਰੰਗਾਂ ਦਾ ਉਹੀ ਕਲਾਸਿਕ ਕੌਮਬੀਨੇਸ਼ਨ ਹੈ ਜਿਸ ਨੇ ਗੂਗਲ ਦੀ ਪਛਾਣ ਬਣਾਈ।

ਗੈਰਾਜ ਤੋਂ ਸ਼ੁਰੂ ਹੋਈ ਸੀ ਕਹਾਣੀ

1. ਗੂਗਲ ਦੀ ਸ਼ੁਰੂਆਤ 27 ਸਤੰਬਰ 1998 ਨੂੰ ਸਟੈਨਫੋਰਡ ਯੂਨੀਵਰਸਿਟੀ (Stanford University) ਦੇ ਵਿਦਿਆਰਥੀ ਲੈਰੀ ਪੇਜ (Larry Page) ਅਤੇ ਸਰਗੇਈ ਬ੍ਰਿਨ (Sergey Brin) ਨੇ ਕੀਤੀ ਸੀ।

2 ਸ਼ੁਰੂਆਤ ਵਿੱਚ ਇਹ ਸਿਰਫ ਇੱਕ ਛੋਟੇ ਗੈਰਾਜ (Garage) ਤੋਂ ਚਲਾਇਆ ਜਾਣ ਵਾਲਾ ਸਰਚ ਇੰਜਨ ਸੀ।

3. ਕੁਝ ਸਾਲਾਂ ਵਿੱਚ ਹੀ ਇਸ ਨੇ ਉਸ ਸਮੇਂ ਦੀਆਂ ਵੱਡੀਆਂ ਕੰਪਨੀਆਂ ਜਿਵੇਂ ਯਾਹੂ (Yahoo), ਰੈਡਿਫ (Rediff) ਅਤੇ ਮਾਈਕਰੋਸਾਫਟ (Microsoft) ਨੂੰ ਕੜੀ ਟੱਕਰ ਦਿੱਤੀ।

ਕਿਵੇਂ ਬਣਿਆ ਟੈਕ ਵਰਲਡ ਦਾ ਬਾਦਸ਼ਾਹ

1. ਗੂਗਲ ਦੁਨੀਆ ਦਾ ਸਭ ਤੋਂ ਵੱਡਾ ਸਰਚ ਇੰਜਨ ਹੋਣ ਦੇ ਨਾਲ-ਨਾਲ ਕਰੋੜਾਂ ਸਮਾਰਟਫੋਨ ਦੀ ਲਾਈਫਲਾਈਨ ਬਣ ਚੁੱਕਾ ਹੈ।

2. ਕੰਪਨੀ ਨੇ ਜੀਮੇਲ (Gmail), ਯੂਟਿਊਬ (YouTube), ਗੂਗਲ ਮੈਪਸ (Google Maps), ਐਂਡਰਾਇਡ ਓਐਸ (Android OS), ਸ਼ੀਟਸ (Sheets), ਪਿਕਸਲ (Pixel) ਅਤੇ ਹੁਣ ਜੈਮੀਨੀ ਏਆਈ (Gemini AI) ਵਰਗੀਆਂ ਸੇਵਾਵਾਂ ਦੇ ਕੇ ਡਿਜ਼ੀਟਲ ਯੁੱਗ ਦੀ ਦਿਸ਼ਾ ਬਦਲ ਦਿੱਤੀ।

3. ਗੂਗਲ ਦੇ ਆਪਰੇਟਿੰਗ ਸਿਸਟਮ (Operating System) ਐਂਡਰਾਇਡ (Android) ਨੇ ਮੋਬਾਈਲ ਬਜ਼ਾਰ ਵਿੱਚ ਐਸੀ ਕ੍ਰਾਂਤੀ ਲਿਆਈ ਕਿ ਨੋਕੀਆ (Nokia) ਅਤੇ ਬਲੈਕਬੇਰੀ (BlackBerry) ਵਰਗੇ ਦਿਗਗਜ ਫ਼ੋਨ ਬ੍ਰੈਂਡ ਲੱਗਭਗ ਗਾਇਬ ਹੋ ਗਏ।

4. ਉੱਥੇ ਹੀ, ਗੂਗਲ ਕ੍ਰੋਮ (Google Chrome) ਨੇ ਇੰਟਰਨੈੱਟ ਏਕਸਪਲੋਰਰ (Internet Explorer) ਅਤੇ ਯਾਹੂ ਸਰਚ (Yahoo Search) ਨੂੰ ਪੂਰੀ ਤਰ੍ਹਾਂ ਪਿੱਛੇ ਛੱਡ ਦਿੱਤਾ।

ਗੂਗਲ ਨੇ ਬਦਲੀ ਟੈਕ ਦੀ ਤਸਵੀਰ

1. ਇੰਟਰਨੈੱਟ ਦੀ ਦੁਨੀਆ ਵਿੱਚ ਗੂਗਲ ਦਾ ਪ੍ਰਭਾਵ ਇੰਨਾ ਵੱਧ ਗਿਆ ਕਿ ਇਸ ਦੀ ਈ-ਮੇਲ ਸੇਵਾ ਜੀਮੇਲ (Gmail) ਨੇ ਯਾਹੂ ਮੇਲ (Yahoo Mail) ਅਤੇ ਰੈਡਿਫ ਮੇਲ (Rediff Mail) ਨੂੰ ਲੱਗਭਗ ਖਤਮ ਕਰ ਦਿੱਤਾ।

2. ਸਰਚ ਇੰਜਨ ਦੀ ਦੁਨੀਆ ਵਿੱਚ ਗੂਗਲ ਦੀ ਪਕੜ ਇੰਨੀ ਮਜ਼ਬੂਤ ਹੈ ਕਿ ਇਸ ਤੋਂ ਬਿਨਾਂ ਇੰਟਰਨੈੱਟ ਸਰਚ ਦੀ ਕਲਪਨਾ ਵੀ ਅਸੰਭਵ ਹੋ ਗਈ ਹੈ।

3. ਸਮਾਰਟਫੋਨ ਦੀ ਵੱਧ ਰਹੀ ਗਿਣਤੀ ਅਤੇ ਐਂਡਰਾਇਡ (Android) ਦੇ ਫੈਲਾਅ ਨੇ ਫੀਚਰ ਫੋਨ ਦਾ ਬਜ਼ਾਰ ਲੱਗਭਗ ਖਤਮ ਕਰ ਦਿੱਤਾ।

27 ਸਾਲਾਂ ਦੇ ਸਫ਼ਰ ਵਿੱਚ ਗੂਗਲ ਨੇ ਇਹ ਸਾਬਤ ਕੀਤਾ ਹੈ ਕਿ ਕੇਵਲ ਇੱਕ ਸਰਚ ਇੰਜਨ ਤੋਂ ਸ਼ੁਰੂ ਹੋ ਕੇ ਕਿਸ ਤਰ੍ਹਾਂ ਇੱਕ ਕੰਪਨੀ ਪੂਰੀ ਡਿਜ਼ੀਟਲ ਦੁਨੀਆ ਦੀ ਰੀੜ੍ਹ (Backbone) ਬਣ ਸਕਦੀ ਹੈ।