ਹੁਣ Windows ਲਈ ਆਇਆ ਅਧਿਕਾਰਤ ਗੂਗਲ Gemini ਐਪ

ਨਵੀਂ ਦਿੱਲੀ, 12 ਸਤੰਬਰ – Google ਨੇ ਬੀਤੇ ਵੀਰਵਾਰ Windows ਲਈ ਇੱਕ ਡੈਡੀਕੇਟਿਡ Gemini ਐਪ ਲਾਂਚ ਕਰ ਦਿੱਤਾ ਹੈ। ਇਹ ਐਪ ਯੂਜ਼ਰਜ਼ ਨੂੰ ਬ੍ਰਾਊਜ਼ਰ ਟੈਬ ਖੁੱਲ੍ਹੀ ਰੱਖੇ ਬਿਨਾਂ ਟੈਕ ਦਿੱਗਜ ਦੇ AI ਅਸਿਸਟੈਂਟ ਦੀ ਵਰਤੋਂ ਕਰਨ ਦੀ ਸਹੂਲਤ ਦਿੰਦਾ ਹੈ। Google ਦਾ ਕਹਿਣਾ ਹੈ ਕਿ Gemini ਐਪ ਨੂੰ ਹੋਰ ਐਪਸ ਨਾਲ ਮਿਲ ਕੇ ਕੰਮ ਕਰਨ ਲਈ ਡਿਜ਼ਾਈਨ ਕੀਤਾ ਗਿਆ ਹੈ, ਜਿਸ ਨਾਲ ਡਾਕੂਮੈਂਟ, ਪ੍ਰੈਜ਼ੈਂਟੇਸ਼ਨ ਜਾਂ ਹੋਰ ਕੰਮ ਕਰਦੇ ਸਮੇਂ ਇਸ ਨੂੰ ਸਕ੍ਰੀਨ ‘ਤੇ ਨਾਲ ਹੀ ਲਿਆਂਦਾ ਜਾ ਸਕਦਾ ਹੈ। ਕੰਪਨੀ ਭਵਿੱਖ ਦੇ ਅਪਡੇਟਸ ਰਾਹੀਂ ਹੋਰ ਨੇਟਿਵ ਡੈਸਕਟਾਪ ਫੀਚਰ ਜੋੜਨ ਦੀ ਵੀ ਯੋਜਨਾ ਬਣਾ ਰਹੀ ਹੈ।

Google ਨੇ ਇੱਕ ਬਲਾਗ ਪੋਸਟ ‘ਚ ਦੱਸਿਆ ਕਿ Windows ਲਈ ਆਇਆ Gemini ਐਪਯੂਜ਼ਰਜ਼ ਨੂੰ ਆਪਣੇ ਮੌਜੂਦਾ ਕੰਮ ‘ਚ ਰੁਕਾਵਟ ਪਾਏ ਬਿਨਾਂ AI ਅਸਿਸਟੈਂਟ ਐਕਸੈੱਸ ਕਰਨ ਦੀ ਸਹੂਲਤ ਦਿੰਦਾ ਹੈ। ਇਸ ਦੇ ਸਭ ਤੋਂ ਵੱਡੇ ਫੀਚਰਜ਼ ‘ਚੋਂ ਇੱਕ ਸਿਸਟਮ-ਵਾਈਡ ਕੀਬੋਰਡ ਸ਼ਾਰਟਕੱਟ ਹੈ। ਕੰਪਨੀ ਮੁਤਾਬਕ ‘Alt + Space’ ਦਬਾਉਂਦੇ ਹੀ ਯੂਜ਼ਰ ਦੇ ਐਕਟਿਵ ਐਪ ਦੇ ਉੱਪਰ ਫਲੋਟਿੰਗ ਵਿੰਡੋ ‘ਚ Gemini ਓਪਨ ਹੋ ਜਾਂਦਾ ਹੈ। ਇਸ ਨਾਲ ਯੂਜ਼ਰ ਬ੍ਰਾਊਜ਼ਰ ‘ਤੇ ਸਵਿੱਚ ਕੀਤੇ ਬਿਨਾਂ ਕੋਈ ਵੀ ਤੁਰੰਤ ਸਵਾਲ ਪੁੱਛ ਸਕਦੇ ਹਨ, ਕਿਸੇ ਡਾਕੂਮੈਂਟ ਦੀ ਜਾਣਕਾਰੀ ਫੈਕਟ-ਚੈੱਕ ਕਰ ਸਕਦੇ ਹਨ ਜਾਂ ਨਵੇਂ ਆਈਡੀਆ ਜਨਰੇਟ ਕਰ ਸਕਦੇ ਹਨ। Google ਨੇ ਕਿਹਾ ਕਿ Windows PC ‘ਤੇ ਕੰਮ ਕਰਦੇ ਸਮੇਂ ਕਿਸੇ ਵੀ ਸਮੇਂ ਇਸ ਸ਼ਾਰਟਕੱਟ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਜਿਵੇਂ ਹੀ ਯੂਜ਼ਰ ਨੂੰ ਆਪਣਾ ਜਵਾਬ ਮਿਲ ਜਾਂਦਾ ਹੈ, ਉਹ ਤੁਰੰਤ ਪਿਛਲੇ ਐਪ ‘ਤੇ ਵਾਪਸ ਜਾ ਕੇ ਆਪਣਾ ਕੰਮ ਜਾਰੀ ਰੱਖ ਸਕਦੇ ਹਨ।

ਡੀਪ ਟਾਸਕ ਲਈ ਮਿਲੇਗਾ ਡੈਡੀਕੇਟਿਡ ਵਰਕਸਪੇਸ

ਜਿਨ੍ਹਾਂ ਯੂਜ਼ਰਜ਼ ਨੂੰ ਵੱਡੇ ਅਤੇ ਡੀਪ ਟਾਸਕਸ ਲਈ Gemini ਦੀ ਲੋੜ ਹੁੰਦੀ ਹੈ, ਉਨ੍ਹਾਂ ਲਈ ਇੱਕ ਡੈਡੀਕੇਟਿਡ ਵਰਕਸਪੇਸ ਵੀ ਦਿੱਤਾ ਗਿਆ ਹੈ। ਦਾਅਵਾ ਕੀਤਾ ਗਿਆ ਹੈ ਕਿ ਇਹ Gemini ਵੈੱਬ ਵਰਗੀਆਂ ਸਾਰੀਆਂ ਕੈਪੇਬਿਲਿਟੀਜ਼ ਦਿੰਦਾ ਹੈ, ਜਿਸ ‘ਚ Gemini Spark ਵੀ ਸ਼ਾਮਲ ਹੈ। ਇਹ ਇੱਕ ਪਰਸਨਲ AI ਏਜੰਟ ਹੈ, ਜੋ ਮਲਟੀ-ਸਟੈਪ ਟਾਸਕਸ ਨੂੰ ਆਸਾਨੀ ਨਾਲ ਸੰਭਾਲ ਸਕਦਾ ਹੈ ਅਤੇ ਇਸ ਨੂੰ ਇਸੇ ਸਾਲ ਪੇਸ਼ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ ਯੂਜ਼ਰ Gemini ਨੂੰ Gmail ਅਤੇ Google Drive ਵਰਗੀਆਂ Google ਸਰਵਿਸਿਜ਼ ਨਾਲ ਸਿੱਧਾ ਕਨੈਕਟ ਕਰ ਸਕਦੇ ਹਨ। ਇਸ ਤੋਂ ਬਾਅਦ AI ਅਸਿਸਟੈਂਟ ਟਾਸਕ ਪੂਰਾ ਕਰਦੇ ਸਮੇਂ ਇਨ੍ਹਾਂ ਸਰਵਿਸਿਜ਼ ਤੋਂ ਲੋੜੀਂਦੀ ਜਾਣਕਾਰੀ ਆਪਣੇ ਆਪ ਕੱਢ ਸਕਦਾ ਹੈ। Google ਨੇ ਉਦਾਹਰਨ ਦਿੰਦਿਆਂ ਦੱਸਿਆ ਕਿ ਯੂਜ਼ਰ ਆਪਣੇ Google ਐਪਸ ‘ਚ ਸੇਵ ਡਾਟਾ ਦੀ ਵਰਤੋਂ ਕਰਕੇ ਸਿੱਧੇ Gemini ਤੋਂ ਪ੍ਰੋਜੈਕਟ ਸਮਰੀ ਤਿਆਰ ਕਰਵਾ ਸਕਦੇ ਹਨ।

ਡੈਸਕਟਾਪ ‘ਤੇ ਹੀ ਮਿਲਣਗੇ AI ਇਮੇਜ-ਵੀਡੀਓ ਟੂਲ

Windows ਐਪ Google ਦੇ ਇਮੇਜ ਅਤੇ ਵੀਡੀਓ ਜਨਰੇਸ਼ਨ ਟੂਲਸ ਨੂੰ ਵੀ ਸਿੱਧਾ ਡੈਸਕਟਾਪ ‘ਤੇ ਲੈ ਕੇ ਆਉਂਦਾ ਹੈ। ਯੂਜ਼ਰ Nano Banana ਦੀ ਵਰਤੋਂ ਕਰਕੇ ਇਮੇਜ ਜਨਰੇਟ ਕਰ ਸਕਦੇ ਹਨ, ਜਦਕਿ ਵੀਡੀਓ ਜਨਰੇਸ਼ਨ ਦਾ ਕੰਮ Gemini Omni ਰਾਹੀਂ ਹੈਂਡਲ ਕੀਤਾ ਜਾਂਦਾ ਹੈ। Google ਦਾ ਕਹਿਣਾ ਹੈ ਕਿ Gemini Windows ਐਪ ਨੂੰ ਕਾਫ਼ੀ ਲਾਈਟਵੇਟ ਬਣਾਇਆ ਗਿਆ ਹੈ, ਤਾਂ ਜੋ ਇਹ PC ਦੀ ਸਪੀਡ ਨੂੰ ਹੌਲੀ ਕੀਤੇ ਬਿਨਾਂ ਬੈਕਗ੍ਰਾਊਂਡ ‘ਚ ਆਸਾਨੀ ਨਾਲ ਚੱਲਦਾ ਰਹੇ। ਕੰਪਨੀ ਮੁਤਾਬਕ Windows ਡੈਸਕਟਾਪ ਐਕਸਪੀਰੀਅੰਸ ਲਈ ਇਹ ਸਿਰਫ਼ ਸ਼ੁਰੂਆਤ ਹੈ ਅਤੇ ਆਉਣ ਵਾਲੇ ਸਮੇਂ ‘ਚ ਇਸ ‘ਚ ਕਈ ਨਵੇਂ ਨੇਟਿਵ ਫੀਚਰ ਜੋੜੇ ਜਾਣਗੇ। Windows ਲਈ Gemini ਐਪ ਗਲੋਬਲੀ ਉਪਲਬਧ ਹੋ ਗਿਆ ਹੈ ਅਤੇ ਇਹ Windows 10 ਅਤੇ Windows 11 ‘ਤੇ ਚੱਲਣ ਵਾਲੇ PCs ਨੂੰ ਸਪੋਰਟ ਕਰਦਾ ਹੈ।