ਸੱਟ ਲੱਗਣ ਤੋਂ ਬਾਅਦ ਲਗਾਤਾਰ ਖੂਨ ਵੱਗ ਰਿਹਾ ਤਾਂ ਤੁਰੰਤ ਕਰੋ ਆਹ ਕੰਮ

ਨਵੀਂ ਦਿੱਲੀ, 12 ਜੂਨ – ਜੇਕਰ ਤੁਸੀਂ ਕਿਤੇ ਜਾ ਰਹੇ ਹੋ ਅਤੇ ਤੁਹਾਡਾ ਰਸਤੇ ਵਿੱਚ ਕਿਤੇ ਐਕਸੀਡੈਂਟ ਹੋ ਜਾਂਦਾ ਹੈ, ਅਕਸਰ ਲੋਕ ਘਬਰਾ ਜਾਂਦੇ ਹਨ ਅਤੇ ਸੋਚਦੇ ਹਨ ਕੋਈ ਸਾਡੀ ਆ ਕੇ ਮਦਦ ਕਰੇਗਾ। ਪਰ ਹੁਣ ਜਿਸ ਤਰ੍ਹਾਂ ਦਾ ਜਮਾਨਾ ਚੱਲ ਰਿਹਾ ਹੈ ਤਾਂ ਕਿਸੇ ਤੋਂ ਮਦਦ ਦੀ ਉੱਮੀਦ ਬਿਲਕੁਲ ਵੀ ਨਾ ਕਰੋ ਅਤੇ ਖੜ੍ਹੇ ਹੋਵੋ ਅਤੇ ਖੁਦ ਆਪਣੇ ਆਪ ਨੂੰ ਫਰਸਟ ਏਡ ਦਿਓ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਜੇਕਰ ਤੁਸੀਂ ਜ਼ਿਆਦਾ ਜ਼ਖ਼ਮੀ ਹੋ ਗਏ ਹੋ ਅਤੇ ਐਂਬੂਲੈਂਸ ਨਹੀਂ ਪਹੁੰਚ ਪਾ ਰਹੀ ਹੈ ਅਤੇ ਖੂਨ ਨਿਕਲੀ ਜਾ ਰਿਹਾ ਹੈ ਤਾਂ ਤੁਸੀਂ ਆਪਣਾ ਬਚਾਅ ਕਿਵੇਂ ਕਰਨਾ ਹੈ-

ਜੇਕਰ ਕਿਸੇ ਦੇ ਸੱਟ ਲੱਗੀ ਹੈ ਅਤੇ ਖੂਨ ਵੱਗ ਰਿਹਾ ਹੈ, ਤਾਂ ਸਭ ਤੋਂ ਜ਼ਰੂਰੀ ਗੱਲ ਇਹ ਹੈ ਕਿ ਪਹਿਲਾਂ ਇਸ ਨੂੰ ਕੰਟਰੋਲ ਕਰੋ। ਜ਼ਖ਼ਮ ‘ਤੇ ਸਾਫ਼ ਕੱਪੜੇ ਜਾਂ ਰੁਮਾਲ ਨਾਲ ਉਸ ‘ਤੇ ਦਬਾਅ ਪਾਓ। ਜੇਕਰ ਕੁਝ ਵੀ ਉਪਲਬਧ ਨਹੀਂ ਹੈ, ਤਾਂ ਕਿਸੇ ਦੀ ਟੀ-ਸ਼ਰਟ ਜਾਂ ਦੁਪੱਟਾ ਵੀ ਵਰਤ ਸਕਦੇ ਹੈ। ਲਗਾਤਾਰ ਦਬਾਅ ਬਣਾਉਣ ਨਾਲ ਖੂਨ ਵਗਣਾ ਘੱਟ ਹੋ ਸਕਦਾ ਹੈ ਅਤੇ ਸਰੀਰ ਵਿੱਚ ਖੂਨ ਦੀ ਮਾਤਰਾ ਨੂੰ ਬਣਾਈ ਰੱਖਦਾ ਹੈ। ਜੇਕਰ ਹੱਥ ਜਾਂ ਲੱਤ ਵਿੱਚ ਸੱਟ ਲੱਗੀ ਹੈ, ਤਾਂ ਇਸਨੂੰ ਉੱਚੀ ਥਾਂ ‘ਤੇ ਰੱਖੋ। ਜੇਕਰ ਸੱਟ ਹੱਥ ਜਾਂ ਲੱਤ ਵਿੱਚ ਲੱਗੀ ਹੈ, ਤਾਂ ਇਸਨੂੰ ਦਿਲ ਦੀ ਉੱਚਾਈ ਤੋਂ ਉੱਪਰ ਰੱਖੋ। ਇਹ ਖੂਨ ਦੇ ਪ੍ਰਵਾਹ ਨੂੰ ਹੌਲੀ ਕਰਦਾ ਹੈ ਅਤੇ ਖੂਨ ਵਗਣ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰਦਾ ਹੈ।

ਜੇਕਰ ਖੂਨ ਕਿਸੇ ਡੂੰਘੀ ਨਾੜੀ ਤੋਂ ਵਗ ਰਿਹਾ ਹੈ ਅਤੇ ਰੁੱਕ ਨਹੀਂ ਰਿਹਾ ਹੈ, ਤਾਂ ਟੌਰਨੀਕੇਟ ਤਕਨੀਕ ਅਪਣਾਈ ਜਾ ਸਕਦੀ ਹੈ। ਇਹ ਕੱਪੜੇ ਜਾਂ ਬੈਲਟ ਨਾਲ ਵੀ ਕੀਤਾ ਜਾ ਸਕਦਾ ਹੈ। ਇਸਨੂੰ ਜ਼ਖਮ ਵਾਲੀ ਥਾਂ ਤੋਂ ਥੋੜ੍ਹਾ ਉੱਪਰ ਬੰਨ੍ਹੋ ਤਾਂ ਜੋ ਖੂਨ ਦਾ ਪ੍ਰਵਾਹ ਰੁਕ ਸਕੇ। ਇਸਨੂੰ ਜ਼ਿਆਦਾ ਦੇਰ ਤੱਕ ਨਾ ਬੰਨ੍ਹੋ, ਹਰ 15 ਮਿੰਟਾਂ ਬਾਅਦ ਇਸਨੂੰ ਥੋੜ੍ਹਾ ਜਿਹਾ ਢਿੱਲਾ ਕਰੋ, ਤਾਂ ਜੋ ਕੋਈ ਨੁਕਸਾਨ ਨਾ ਹੋਵੇ। ਅਜਿਹੇ ਸਮੇਂ ਵਿੱਚ ਘਬਰਾਉਣ ਨਾਲ ਸਥਿਤੀ ਹੋਰ ਵਿਗੜ ਸਕਦੀ ਹੈ। ਜਿੰਨਾ ਹੋ ਸਕੇ ਸ਼ਾਂਤ ਰਹੋ ਅਤੇ ਆਪਣੇ ਆਲੇ-ਦੁਆਲੇ ਦੇ ਲੋਕਾਂ ਤੋਂ ਮਦਦ ਮੰਗੋ। ਕਈ ਵਾਰ ਤੁਹਾਡੀ ਸਮਝ ਹੀ ਸਭ ਤੋਂ ਵੱਡਾ ਇਲਾਜ ਬਣ ਜਾਂਦੀ ਹੈ।