ਸੀਬੀਐੱਸਈ 10ਵੀਂ ਦੀਆਂ ਦੂਜੀਆਂ ਬੋਰਡ ਪ੍ਰੀਖਿਆਵਾਂ ਲਈ ਐਡਮਿਟ ਕਾਰਡ ਜਾਰੀ
ਨਵੀਂ ਦਿੱਲੀ, 6 ਮਈ – ਸੈਂਟਰਲ ਬੋਰਡ ਆਫ ਸੈਕੰਡਰੀ ਐਜੂਕੇਸ਼ਨ (CBSE) ਵੱਲੋਂ 10ਵੀਂ ਦੀਆਂ ਦੂਜੀਆਂ ਬੋਰਡ ਪ੍ਰੀਖਿਆਵਾਂ ਲਈ ਪ੍ਰਵੇਸ਼ ਪੱਤਰ (CBSE 10th 2nd board Admit Card) ਜਾਰੀ ਕਰ ਦਿੱਤੇ ਗਏ ਹਨ। ਜੋ ਵੀ ਵਿਦਿਆਰਥੀ ਦੂਜੀ ਬੋਰਡ ਪ੍ਰੀਖਿਆ ਵਿੱਚ ਸ਼ਾਮਲ ਹੋਣ ਜਾ ਰਹੇ ਹਨ, ਉਹ ਤੁਰੰਤ ਹੀ ਸੀਬੀਐੱਸਈ ਦੀ ਅਧਿਕਾਰਤ ਵੈੱਬਸਾਈਟ cbse.gov.in ‘ਤੇ ਜਾ ਕੇ ਜਾਂ ਇਸ ਪੇਜ ‘ਤੇ ਦਿੱਤੇ ਗਏ ਡਾਇਰੈਕਟ ਲਿੰਕ ਰਾਹੀਂ ਆਪਣਾ ਐਡਮਿਟ ਕਾਰਡ ਡਾਊਨਲੋਡ ਕਰ ਸਕਦੇ ਹਨ। ਐਡਮਿਟ ਕਾਰਡ ਡਾਊਨਲੋਡ ਕਰਨ ਲਈ ਵਿਦਿਆਰਥੀਆਂ ਨੂੰ ਲੌਗਇਨ (login) ਵੇਰਵੇ ਦਰਜ ਕਰਨੇ ਹੋਣਗੇ।
ਰੈਗੂਲਰ ਵਿਦਿਆਰਥੀ ਸਕੂਲ ਤੋਂ ਪ੍ਰਾਪਤ ਕਰਨ ਐਡਮਿਟ ਕਾਰਡ
ਸਾਰੇ ਰੈਗੂਲਰ ਵਿਦਿਆਰਥੀਆਂ ਨੂੰ ਦੱਸ ਦੇਈਏ ਕਿ ਉਨ੍ਹਾਂ ਦੇ ਐਡਮਿਟ ਕਾਰਡ ਸਕੂਲ ਵੱਲੋਂ ਡਾਊਨਲੋਡ ਕੀਤੇ ਜਾ ਸਕਦੇ ਹਨ। ਸਾਰੇ ਸਕੂਲ ਆਪਣੇ ਬੱਚਿਆਂ ਦੇ ਪ੍ਰਵੇਸ਼ ਪੱਤਰ ਲੌਗਇਨ ਆਈਡੀ ਦਰਜ ਕਰਕੇ ਡਾਊਨਲੋਡ ਕਰ ਲੈਣ ਅਤੇ ਆਪਣੇ ਵਿਦਿਆਰਥੀਆਂ ਨੂੰ ਵੰਡ ਦੇਣ। ਪ੍ਰਾਈਵੇਟ ਵਿਦਿਆਰਥੀ ਖੁਦ ਹੀ ਇਸ ਪੇਜ ‘ਤੇ ਦਿੱਤੇ ਗਏ ਡਾਇਰੈਕਟ ਲਿੰਕ ਤੋਂ ਪ੍ਰਵੇਸ਼ ਪੱਤਰ ਡਾਊਨਲੋਡ ਕਰ ਸਕਦੇ ਹਨ।
ਟਾਈਮਿੰਗ ਅਤੇ ਸ਼ਿਫਟ
ਸੀਬੀਐੱਸਈ ਵੱਲੋਂ 10ਵੀਂ ਜਮਾਤ ਦੀਆਂ ਦੂਜੀਆਂ ਬੋਰਡ ਪ੍ਰੀਖਿਆਵਾਂ ਦਾ ਆਯੋਜਨ 15 ਮਈ ਤੋਂ 21 ਮਈ 2026 ਤੱਕ ਕਰਵਾਇਆ ਜਾਵੇਗਾ। ਸੀਬੀਐੱਸਈ ਦੂਜੀ ਬੋਰਡ ਪ੍ਰੀਖਿਆਵਾਂ ਦਾ ਆਯੋਜਨ ਸਿਰਫ ਇੱਕ ਸ਼ਿਫਟ ਵਿੱਚ ਕੀਤਾ ਜਾਵੇਗਾ।
Share this content:
Post Comment