ਸਰਫਰਾਜ਼ ਖਾਨ ਨੂੰ ਰਿਸ਼ਬਪੰਤ ਦੇ ਕਾਰਨ ਨਹੀਂ ਮਿਲੀ ਟੀਮ ‘ਚ ਜਗ੍ਹਾ

ਸਰਫਰਾਜ਼ ਖਾਨ ਨੂੰ ਨਹੀਂ ਮਿਲੀ ਟੀਮ ਵਿੱਚ ਜਗ੍ਹਾ

ਟੀਮ ਇੰਡੀਆ ਵਿੱਚ ਵਾਪਸੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਰਫਰਾਜ਼ ਖਾਨ ਨੇ ਭਾਰਤ ਬਨਾਮ ਇੰਗਲੈਂਡ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਚੁਣੇ ਜਾਣ ਦੀ ਉਮੀਦ ਵਿੱਚ ਲਗਪਗ 17 ਕਿਲੋ ਭਾਰ ਘਟਾਇਆ, ਪਰ ਬੁਚੀ ਬਾਬੂ ਟੂਰਨਾਮੈਂਟ ਵਿੱਚ ਕਵਾਡ੍ਰਿਸੈਪਸ ਦੀ ਸੱਟ ਲੱਗ ਗਈ ਜਿਸ ਕਾਰਨ ਉਸਨੂੰ ਦਲੀਪ ਟਰਾਫੀ ਤੋਂ ਹਟਣਾ ਪਿਆ। ਇਸ ਵਾਰ, ਉਸਨੂੰ ਭਾਰਤ ਏ ਟੀਮ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਕਿਉਂਕਿ ਰਿਸ਼ਭ ਪੰਤ ਜੋ ਸੱਟ ਤੋਂ ਵਾਪਸ ਆ ਰਿਹਾ ਹੈ ਨੂੰ ਭਾਰਤ ਏ ਟੀਮ ਦਾ ਕਪਤਾਨ ਨਿਯੁਕਤ ਕੀਤਾ ਗਿਆ ਹੈ ਤੇ ਉਹ ਦੋਵੇਂ ਮੈਚਾਂ ਵਿੱਚ 5ਵੇਂ ਨੰਬਰ ‘ਤੇ ਬੱਲੇਬਾਜ਼ੀ ਕਰੇਗਾ। ਇਹ ਉਹੀ ਸਥਿਤੀ ਹੈ ਜਿੱਥੇ ਸਰਫਰਾਜ਼ ਬੱਲੇਬਾਜ਼ੀ ਕਰਦਾ ਹੈ। ਚੋਣਕਾਰਾਂ ਨੇ ਉਸ ਨਾਲੋਂ ਪੰਤ ਨੂੰ ਤਰਜੀਹ ਦਿੱਤੀ। ਹੁਣ ਪੂਰੀ ਤਰ੍ਹਾਂ ਫਿੱਟ, ਸਰਫਰਾਜ਼ ਟੈਸਟ ਕ੍ਰਿਕਟ ਵਿੱਚ ਵਾਪਸੀ ਲਈ 2025/26 ਰਣਜੀ ਟਰਾਫੀ ਵਿੱਚ ਮੁੰਬਈ ਲਈ ਖੇਡੇਗਾ।

ਸਰਫਰਾਜ਼ ਨੂੰ ਨੰਬਰ 3 ‘ਤੇ ਅਜ਼ਮਾਉਣਾ ਚਾਹੁੰਦੇ ਹਾਂ

ਰਿਪੋਰਟਾਂ ਅਨੁਸਾਰ, ਚੋਣਕਾਰਾਂ ਦਾ ਮੰਨਣਾ ਹੈ ਕਿ ਸਰਫਰਾਜ਼ ਖਾਨ ਨੂੰ ਹੁਣ ਉਸ ਸਲਾਟ ਵਿੱਚ ਖੇਡਣਾ ਚਾਹੀਦਾ ਹੈ ਜਿੱਥੇ ਟੀਮ ਇੰਡੀਆ ਨੂੰ ਇੱਕ ਖਿਡਾਰੀ ਦੀ ਲੋੜ ਹੈ। ਵਰਤਮਾਨ ਵਿੱਚ, ਇਹ ਸਲਾਟ ਨੰਬਰ 3 ਹੈ, ਜਿਸ ‘ਤੇ ਇਸ ਸਮੇਂ ਸਾਈ ਸੁਦਰਸ਼ਨ ਦਾ ਕਬਜ਼ਾ ਹੈ। ਸੁਦਰਸ਼ਨ ਨੂੰ ਇਸ ਭੂਮਿਕਾ ਲਈ ਤਿਆਰ ਕੀਤਾ ਜਾ ਰਿਹਾ ਹੈ, ਜਦੋਂ ਕਿ ਨੰਬਰ 4 ‘ਤੇ ਪਹਿਲਾਂ ਹੀ ਸ਼ੁਭਮਨ ਗਿੱਲ ਦਾ ਕਬਜ਼ਾ ਹੈ। ਇਸ ਦੇ ਨਾਲ ਹੀ, ਰਿਸ਼ਭ ਪੰਤ, ਰਵਿੰਦਰ ਜਡੇਜਾ, ਵਾਸ਼ਿੰਗਟਨ ਸੁੰਦਰ ਅਤੇ ਨਿਤੀਸ਼ ਰੈੱਡੀ ਵਰਗੇ ਆਲਰਾਊਂਡਰ ਪਹਿਲਾਂ ਹੀ ਨੰਬਰ 5 ਤੋਂ 8 ਤੱਕ ਦੇ ਸਲਾਟ ਲਈ ਚੋਣਕਾਰਾਂ ਦੀ ਤਰਜੀਹ ਵਿੱਚ ਹਨ।

ਰਣਜੀ ਟਰਾਫੀ ਚ ਨੰਬਰ 3 ‘ਤੇ ਬੱਲੇਬਾਜ਼ੀ ਕਰਨ ਦੀ ਸਲਾਹ

ਸਰਫਰਾਜ਼ ਨੂੰ ਹੁਣ ਮੁੰਬਈ ਟੀਮ ਪ੍ਰਬੰਧਨ ਅਤੇ ਅਜਿੰਕਿਆ ਰਹਾਣੇ ਨਾਲ ਗੱਲ ਕਰਨ ਅਤੇ ਰਣਜੀ ਟਰਾਫੀ ਵਿੱਚ ਨੰਬਰ 3 ‘ਤੇ ਬੱਲੇਬਾਜ਼ੀ ਸ਼ੁਰੂ ਕਰਨ ਦੀ ਸਲਾਹ ਦਿੱਤੀ ਗਈ ਹੈ ਤਾਂ ਜੋ ਚੋਣਕਾਰਾਂ ਨੂੰ ਸੁਨੇਹਾ ਭੇਜਿਆ ਜਾ ਸਕੇ ਕਿ ਉਹ ਨਵੀਂ ਗੇਂਦ ਦੇ ਵਿਰੁੱਧ ਬਚ ਸਕਦਾ ਹੈ। ਇੱਕ ਸਾਬਕਾ ਚੋਣਕਾਰ ਨੇ ਪੀਟੀਆਈ ਨੂੰ ਦੱਸਿਆ ਕਿ ਜੇਕਰ ਸਰਫਰਾਜ਼ 5-6 ਨੰਬਰ ‘ਤੇ ਬੱਲੇਬਾਜ਼ੀ ਕਰਨਾ ਜਾਰੀ ਰੱਖਦਾ ਹੈ, ਤਾਂ ਇਹ ਵਿਅਰਥ ਹੋਵੇਗਾ। ਟੀਮ ਇੰਡੀਆ ਕੋਲ ਪਹਿਲਾਂ ਹੀ ਉਨ੍ਹਾਂ ਸਲਾਟਾਂ ਲਈ ਆਲਰਾਊਂਡਰ ਹਨ।