ਪੰਜਾਬ ਯੂਨੀਵਰਸਿਟੀ ਚ ਮੁੱੜ ਉੱਭਰਿਆ ਵਿਦਿਆਰਥੀ ਅੰਦੋਲਨ

ਚੰਡੀਗੜ੍ਹ,20ਅਪ੍ਰੈਲ – ਪੰਜਾਬ ਯੂਨੀਵਰਸਿਟੀ ‘ਚ ਵਿਦਿਆਰਥੀ ਆਗੂ ਗੁਰਨੂਰ ਕਾਂਡਾ ਦੀ ਅਣਮਿੱਥੇ ਸਮੇਂ ਲਈ ਭੁੱਖ-ਹੜਤਾਲ ਪੰਜਵੇਂ ਦਿਨ ਵੀ ਜਾਰੀ ਹੈ। ਯੂਨੀਵਰਸਿਟੀ ਪ੍ਰਸ਼ਾਸਨ ਨੇ ਇਸ ਵਿਰੋਧ ਪ੍ਰਦਰਸ਼ਨ ‘ਤੇ ਅਜੇ ਤੱਕ ਕੋਈ ਠੋਸ ਕਾਰਵਾਈ ਨਹੀਂ ਕੀਤੀ ਹੈ, ਜੋ 15 ਅਪ੍ਰੈਲ ਤੋਂ ਵਾਈਸ ਚਾਂਸਲਰ ਦਫ਼ਤਰ ਦੇ ਬਾਹਰ ਚੱਲ ਰਿਹਾ ਹੈ। ਵਿਦਿਆਰਥੀ ਗੁਰਨੂਰ ਨੇ ਕਿਹਾ ਕਿ ਉਹ ਯੂਨੀਵਰਸਿਟੀ ‘ਚ ਪਿਛਲੇ 5 ਸਾਲ ਤੋਂ ਹਨ ਅਤੇ ਵਿਦਿਆਰਥੀਆਂ ਦੇ ਲਈ ਪਹਿਲਾਂ ਵੀ ਸਮਰਥਨ ‘ਚ ਸ਼ਾਮਲ ਰਹੇ ਹਨ।

ਉਹ ਮੰਗ ਕਰ ਰਹੇ ਹਨ ਕਿ ਯੂ. ਆਈ. ਐੱਸ. ਐੱਸ. ਦੇ ਵਿਦਿਆਰਥੀਆਂ ਨੂੰ ਤਿੰਨ ਸਾਲਾਂ ਬਾਅਦ ਬੀ. ਏ/ਬੀ.ਕਾਮ ਡਿਗਰੀਆਂ ਪ੍ਰਦਾਨ ਕੀਤੀਆਂ ਜਾਣ, ਨਾਲ ਹੀ ਯੂ. ਆਈ. ਐੱਲ. ਐੱਸ. ਅਤੇ ਫਾਰਮੇਸੀ ਵਿਭਾਗਾਂ ਵਿੱਚ ਸਹੀ ਪਾਰਕਿੰਗ, ਸਾਇੰਸ ਦੇ ਵਿਦਿਆਰਥੀਆਂ ਨੂੰ ਸਮ ਬਦਲਣ ਦਾ ਮੌਕਾ ਅਤੇ ਮੁਕਾਬਲੇ ਦੀਆਂ ਪ੍ਰੀਖਿਆਵਾਂ ਲਈ ਵਿਸ਼ੇਸ਼ ਮੌਕੇ ਦਿੱਤੇ ਜਾਣ। ਹੜਤਾਲ ਨੂੰ ਹੌਲੀ-ਹੌਲੀ ਦੂਜੇ ਵਿਦਿਆਰਥੀਆਂ ਦਾ ਸਮਰਥਨ ਮਿਲ ਰਿਹਾ ਹੈ, ਪਰ ਪ੍ਰਸ਼ਾਸਨ ਚੁੱਪ ਹੈ। ਵਿਦਿਆਰਥੀ ਨੇ ਕਿਹਾ ਹੈ ਕਿ ਜੇਕਰ ਉਨ੍ਹਾਂ ਦੀ ਮੰਗਾਂ ਨਾ ਮੰਨੀਆਂ ਗਈਆਂ ਤਾਂ ਉਹ ਲੰਬੇ ਸਮੇਂ ਲਈ ਭੁੱਖ-ਹੜਤਾਲ ‘ਤੇ ਰਹਿਣਗੇ।ਪਿਛਲੇ ਸਾਲ, ਪੀਯੂ ਵਿੱਚ ਵੀ ਇਸੇ ਤਰ੍ਹਾਂ ਦਾ ਵੱਡਾ ਅੰਦੋਲਨ ਹੋਇਆ ਸੀ, ਜਦੋਂ ਇੱਕ ਵਿਦਿਆਰਥੀ ਆਗੂ ਨੇ ਲਗਭਗ ਇੱਕ ਹਫ਼ਤੇ ਲਈ ਭੁੱਖ-ਹੜਤਾਲ ਕੀਤੀ ਸੀ। ਉਸ ਸਮੇਂ, ਮਾਮਲਾ ਵਧਣ ‘ਤੇ ਪ੍ਰਸ਼ਾਸਨ ਨੂੰ ਆਪਣਾ ਫ਼ੈਸਲਾ ਉਲਟਾਉਣਾ ਪਿਆ ਸੀ।