ਪੰਜਾਬ ਦੇ 5 IPS ਅਧਿਕਾਰੀਆਂ ਨੂੰ DIG ਦੇ ਅਹੁਦੇ ਵਜੋਂ ਦਿੱਤੀ ਗਈ ਤਰੱਕੀ

ਚੰਡੀਗੜ੍ਹ, 24 ਜੂਨ – ਪੰਜਾਬ ਦੇ ਪੰਜ IPS ਅਧਿਕਾਰੀਆਂ ਨੂੰ ਤਰੱਕੀ ਦਿੱਤੀ ਗਈ ਹੈ। IPS ਅਧਿਕਾਰੀਆਂ ਨੂੰ ਤਰੱਕੀ ਦੇ ਕੇ ਡਿਪਟੀ ਇੰਸਪੈਕਟਰ ਜਨਰਲ ਆਫ਼ ਪੁਲਿਸ (ਡੀਆਈਜੀ) ਬਣਾਇਆ ਗਿਆ ਹੈ। ਸੂਬਾ ਸਰਕਾਰ ਦੇ ਗ੍ਰਹਿ ਵਿਭਾਗ ਵੱਲੋਂ ਇਸ ਸਬੰਧੀ ਇੱਕ ਫੁਰਮਾਨ ਜਾਰੀ ਕੀਤਾ ਗਿਆ ਹੈ।

ਤਰੱਕੀ ਸੰਬੰਧੀ ਸ਼ਰਤਾਂ

ਇਹ ਤਰੱਕੀਆਂ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਿੱਚ ਚੱਲ ਰਹੀਆਂ ਪੈਟੀਸ਼ਨਾਂ ਅਤੇ ਕੋਰਟ ਆਦੇਸ਼ਾਂ ਦੇ ਅਧੀਨ ਰਹਿਣਗੀਆਂ। ਡਾ. ਨਾਨਕ ਸਿੰਘ ਅਤੇ ਦੀਪਕ ਹਿਲੋਰੀ ਨੂੰ ਮਿਡ-ਕਰੀਅਰ ਟ੍ਰੇਨਿੰਗ (ਫੇਜ਼-3) ਪੂਰੀ ਕਰਨ ਤੋਂ ਬਾਅਦ ਹੀ ਆਰਥਿਕ ਫਾਇਦੇ ਅਤੇ ਭਵਿੱਖ ਦੀਆਂ ਇਨਕ੍ਰਿਮੈਂਟਾਂ ਮਿਲਣਗੀਆਂ। ਗੁਰਮੀਤ ਸਿੰਘ ਚੌਹਾਨ ਅਤੇ ਨਵੀਨ ਸੈਣੀ ਦੀ ਤਰੱਕੀ ਸੀਨੀਅਰਟੀ ਜਾਂ ਸੇਵਾ ਸਾਲ ਦੀ ਮੁੜ ਸਮੀਖਿਆ ’ਤੇ ਨਿਰਭਰ ਕਰੇਗੀ, ਜੋ ਕਿ ਕੇਂਦਰੀ ਗ੍ਰਹਿ ਮੰਤਰਾਲਾ ਵੱਲੋਂ ਕੀਤੀ ਜਾਵੇਗੀ। ਕੇਂਦਰੀ ਡਿਪੂਟੇਸ਼ਨ ’ਤੇ ਤਾਇਨਾਤ ਗੌਰਵ ਗਰਗ ਅਤੇ ਦੀਪਕ ਹਿਲੋਰੀ ਨੂੰ ਨਾਮਾਤਰ ਤਨਖ਼ਾਹੀ ਫਾਇਦੇ ਹੀ ਮਿਲਣਗੇ। ਅਸਲੀ ਤਨਖ਼ਾਹ ਅਤੇ ਸਹੂਲਤਾਂ ਪੰਜਾਬ ਸਰਕਾਰ ਵਿੱਚ ਦੁਬਾਰਾ ਡਿਊਟੀ ਜੋਇਨ ਕਰਨ ਤੋਂ ਬਾਅਦ ਲਾਗੂ ਹੋਣਗੀਆਂ।