ਪੈਨ ਕਾਰਡ ਨਿਯਮਾਂ ਵਿੱਚ ਹੋੋਇਆ ਬਦਲਾਅ

ਨਵੀਂ ਦਿੱਲੀ, 17 ਨਵੰਬਰ – ਦੇਸ਼ ਦੇ ਕਰੋੜਾਂ ਪੈਨ ਕਾਰਡ ਧਾਰਕਾਂ ਲਈ ਇੱਕ ਵੱਡੀ ਖ਼ਬਰ ਹੈ। ਸਰਕਾਰ ਨੇ ਪੈਨ ਨੂੰ ਆਧਾਰ ਨਾਲ ਲਿੰਕ ਕਰਨ ਦੀ ਆਖਰੀ ਤਾਰੀਖ 31 ਦਸੰਬਰ 2025 ਤੈਅ ਕੀਤੀ ਹੈ। ਕੇਂਦਰ ਸਰਕਾਰ ਨੇ ਚੇਤਾਵਨੀ ਦਿੱਤੀ ਹੈ ਕਿ ਇਸ ਤਾਰੀਖ ਤੋਂ ਬਾਅਦ, ਬਿਨਾਂ ਲਿੰਕ ਕੀਤੇ ਗਏ ਪੈਨ ਕਾਰਡ ‘inactive’ ਮੰਨ ਲਏ ਜਾਣਗੇ, ਜਿਸ ਨਾਲ ਤੁਹਾਡੇ ਸਾਰੇ ਵੱਡੇ ਵਿੱਤੀ ਕੰਮ ਰੁਕ ਸਕਦੇ ਹਨ।

ਪੈਨ ‘Inactive’ ਹੋਣ ‘ਤੇ ਕੀ ਹੋਵੇਗਾ?

ਜੇਕਰ ਤੁਹਾਡਾ ਪੈਨ ਲਿੰਕ ਨਹੀਂ ਹੈ, ਤਾਂ 31 ਦਸੰਬਰ ਤੋਂ ਬਾਅਦ ਇਹ ਕਿਸੇ ਵੀ ਸਰਕਾਰੀ ਜਾਂ ਵਿੱਤੀ ਕੰਮ ‘ਚ ਵੈਧ (valid) ਨਹੀਂ ਰਹੇਗਾ। ਸਭ ਤੋਂ ਵੱਡੀ ਮੁਸ਼ਕਿਲ ਇਨਕਮ ਟੈਕਸ (income tax) ਨਾਲ ਜੁੜੇ ਕੰਮਾਂ ‘ਚ ਆਵੇਗੀ। ਤੁਸੀਂ ITR (ਆਈਟੀਆਰ) ਫਾਈਲ ਨਹੀਂ ਕਰ ਸਕੋਗੇ, ਤੁਹਾਡਾ ਰਿਫੰਡ (refund) ਅਟਕ ਜਾਵੇਗਾ ਅਤੇ ਰਿਟਰਨ (return) ਰਿਜੈਕਟ ਵੀ ਹੋ ਸਕਦੀ ਹੈ।

ਬੈਂਕਿੰਗ ਅਤੇ ਨਿਵੇਸ਼ ਦੇ ਕੰਮ ਰੁਕ ਜਾਣਗੇ

ਇਸ ਤੋਂ ਇਲਾਵਾ, ਬੈਂਕਿੰਗ ਸੇਵਾਵਾਂ ਵੀ ਮੁਸ਼ਕਲ ਹੋ ਜਾਣਗੀਆਂ। ਤੁਸੀਂ ਨਾ ਤਾਂ ਨਵਾਂ ਬੈਂਕ ਅਕਾਉਂਟ ਖੋਲ੍ਹ ਸਕੋਗੇ ਅਤੇ ਨਾ ਹੀ ਵੱਡੇ ਲੈਣ-ਦੇਣ ਕਰ ਸਕੋਗੇ। Mutual Fund, share market ਜਾਂ ਕਿਸੇ ਵੀ ਤਰ੍ਹਾਂ ਦੇ ਨਿਵੇਸ਼ ਲਈ ਪੈਨ ਲਾਜ਼ਮੀ ਹੈ, ਇਸ ਲਈ ਤੁਹਾਡੇ ਨਿਵੇਸ਼ ਖਾਤੇ ਵੀ ਓਪਰੇਟ ਨਹੀਂ ਹੋਣਗੇ।

₹1000 (ਇੱਕ ਹਜ਼ਾਰ ਰੁਪਏ) ਦੀ ‘ਲੇਟ ਫੀਸ’ ਨਾਲ ਇੰਝ ਕਰੋ ਲਿੰਕ

ਪੈਨ ਅਤੇ ਆਧਾਰ ਨੂੰ ਲਿੰਕ ਕਰਨਾ ਇੱਕ ਬਹੁਤ ਹੀ ਸਰਲ ਪ੍ਰਕਿਰਿਆ ਹੈ ਅਤੇ ਇਸਨੂੰ ਕੁਝ ਹੀ ਮਿੰਟਾਂ ‘ਚ ਆਨਲਾਈਨ  ਪੂਰਾ ਕੀਤਾ ਜਾ ਸਕਦਾ ਹੈ।

1. ਇਸਦੇ ਲਈ ਤੁਹਾਨੂੰ ਇਨਕਮ ਟੈਕਸ ਈ-ਫਾਈਲਿੰਗ ਪੋਰਟਲ ‘ਤੇ ਜਾਣਾ ਹੋਵੇਗਾ।

2. ਉੱਥੇ, ਆਪਣਾ ਪੈਨ, ਆਧਾਰ ਅਤੇ ਮੰਗੀ ਗਈ ਜਾਣਕਾਰੀ ਦਰਜ ਕਰਨ ਤੋਂ ਬਾਅਦ, ਤੁਹਾਨੂੰ ₹1000 (ਇੱਕ ਹਜ਼ਾਰ ਰੁਪਏ) ਦੀ ਲੇਟ ਫੀਸ ਦਾ ਭੁਗਤਾਨ ਕਰਨਾ ਹੋਵੇਗਾ।

3. ਪ੍ਰਕਿਰਿਆ ਪੂਰੀ ਹੁੰਦਿਆਂ ਹੀ ਪੈਨ ਦੁਬਾਰਾ ਐਕਟਿਵ ਹੋ ਜਾਂਦਾ ਹੈ।