ਦਿਵਿਆ ਦੇਸ਼ਮੁਖ ਨੇ ਮਹਿਲਾ ਸ਼ਤਰੰਜ ਵਿਸ਼ਵ ਕੱਪ ਵਿੱਚ ਰਚਿਆ ਇਤਿਹਾਸ

ਦੂਜੇ ਫਾਈਨਲਿਸਟ ਦਾ ਅੱਜ ਹੋਵੇਗਾ ਫੈਸਲਾ

ਦੂਜੇ ਸੈਮੀਫਾਈਨਲ ਵਿੱਚ, ਆਂਧਰਾ ਪ੍ਰਦੇਸ਼ ਦੀ ਗ੍ਰੈਂਡਮਾਸਟਰ ਕੋਨੇਰੂ ਹੰਪੀ ਨੇ ਚੀਨ ਦੀ ਚੋਟੀ ਦੀ ਦਰਜਾ ਪ੍ਰਾਪਤ ਟਿੰਗਜੀ ਲੇਈ ਵਿਰੁੱਧ ਡਰਾਅ ਖੇਡਿਆ। 75 ਚਾਲਾਂ ਤੋਂ ਬਾਅਦ ਵੀ ਮੈਚ ਡਰਾਅ ਵਿੱਚ ਖਤਮ ਹੋਇਆ। ਹੰਪੀ ਹੁਣ ਟਾਈ-ਬ੍ਰੇਕਰ ਵਿੱਚ ਲੇਈ ਦਾ ਸਾਹਮਣਾ ਕਰੇਗੀ ਜੋ ਦੂਜੇ ਫਾਈਨਲਿਸਟ ਦਾ ਫੈਸਲਾ ਕਰੇਗੀ। ਫਾਈਨਲ ਮੈਚ 28 ਜੁਲਾਈ ਨੂੰ ਖੇਡਿਆ ਜਾਵੇਗਾ।

ਦਿਵਿਆ ਦੇਸ਼ਮੁਖ ਕੌਣ ਹੈ?

ਦਿਵਿਆ ਦੇਸ਼ਮੁਖ ਦਾ ਜਨਮ 9 ਦਸੰਬਰ 2005 ਨੂੰ ਨਾਗਪੁਰ ਵਿੱਚ ਹੋਇਆ ਸੀ। ਦਿਵਿਆ ਨੂੰ ਬਚਪਨ ਤੋਂ ਹੀ ਸ਼ਤਰੰਜ ਖੇਡਣ ਦਾ ਸ਼ੌਕ ਸੀ, ਇਸ ਲਈ ਉਸਨੇ 5 ਸਾਲ ਦੀ ਉਮਰ ਵਿੱਚ ਸ਼ਤਰੰਜ ਖੇਡਣਾ ਸ਼ੁਰੂ ਕਰ ਦਿੱਤਾ ਸੀ। ਦਿਵਿਆ ਦੇ ਮਾਤਾ-ਪਿਤਾ ਦੋਵੇਂ ਡਾਕਟਰ ਹਨ। ਉਨ੍ਹਾਂ ਨੇ ਹਰ ਮੋੜ ‘ਤੇ ਆਪਣੀ ਧੀ ਦਾ ਸਮਰਥਨ ਕੀਤਾ, ਜਿਸ ਕਾਰਨ ਅੱਜ ਦਿਵਿਆ ਦੇਸ਼ ਦਾ ਨਾਮ ਰੌਸ਼ਨ ਕਰ ਰਹੀ ਹੈ।

ਪਹਿਲੀ ਵਾਰ ਬਣੀ ਅੰਡਰ-7 ਨੈਸ਼ਨਲ ਚੈਂਪੀਅਨ

ਦਿਵਿਆ ਨੇ 2012 ਵਿੱਚ ਸਿਰਫ਼ ਸੱਤ ਸਾਲ ਦੀ ਉਮਰ ਵਿੱਚ ਅੰਡਰ-7 ਨੈਸ਼ਨਲ ਚੈਂਪੀਅਨਸ਼ਿਪ ਜਿੱਤੀ। ਉਦੋਂ ਤੋਂ, ਦਿਵਿਆ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ ਅਤੇ ਕਈ ਖਿਤਾਬ ਜਿੱਤੇ। ਉਸ ਦੀ ਸਫਲਤਾ ਨੇ ਉ ਸਨੂੰ 2021 ਵਿੱਚ ਮਹਿਲਾ ਗ੍ਰੈਂਡਮਾਸਟਰ ਬਣਾਇਆ, ਅਤੇ ਉਹ ਇਹ ਉਪਲਬਧੀ ਹਾਸਲ ਕਰਨ ਵਾਲੀ 22ਵੀਂ ਮਹਿਲਾ ਖਿਡਾਰਨ ਬਣ ਗਈ। ਇਸ ਤੋਂ ਬਾਅਦ, ਦਿਵਿਆ ਨੇ 2023 ਵਿੱਚ ਅੰਤਰਰਾਸ਼ਟਰੀ ਮਾਸਟਰ ਦਾ ਖਿਤਾਬ ਵੀ ਪ੍ਰਾਪਤ ਕੀਤਾ। ਨਾਗਪੁਰ ਦੀ ਦਿਵਿਆ ਦੇਸ਼ਮੁਖ, ਜੋ ਪਹਿਲੀ ਵਾਰ ਮਹਿਲਾ ਸ਼ਤਰੰਜ ਵਿਸ਼ਵ ਕੱਪ ਵਿੱਚ ਹਿੱਸਾ ਲੈ ਰਹੀ ਹੈ, ਨੇ ਇਤਿਹਾਸ ਰਚ ਦਿੱਤਾ ਹੈ। ਉਹ ਜਾਰਜੀਆ ਵਿੱਚ ਹੋ ਰਹੇ ਮਹਿਲਾ ਸ਼ਤਰੰਜ ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਪਹੁੰਚਣ ਵਾਲੀ ਪਹਿਲੀ ਭਾਰਤੀ ਖਿਡਾਰਨ ਬਣ ਗਈ ਹੈ।