ਜਾਪਾਨ ਦੇ ਉੱਤਰੀ ਤੱਟ ’ਤੇ ਆਇਆ ਜ਼ੋਰਦਾਰ ਭੂਚਾਲ

ਟੋਕੀਓ, 20 ਅਪ੍ਰੈਲ – ਉੱਤਰੀ ਜਾਪਾਨੀ ਤੱਟ ‘ਤੇ ਇੱਕ ਸ਼ਕਤੀਸ਼ਾਲੀ ਭੂਚਾਲ ਆਇਆ ਹੈ, ਜਿਸ ਕਾਰਨ ਜਾਪਾਨ (Japan) ਮੌਸਮ ਵਿਗਿਆਨ ਏਜੰਸੀ ਨੇ ਇਸ ਖੇਤਰ ਲਈ ਸੁਨਾਮੀ (Tsunami) ਦੀ ਇੱਕ ਵੱਡੀ ਚੇਤਾਵਨੀ ਜਾਰੀ ਕੀਤੀ ਹੈ। 7.4 ਦੀ ਸ਼ੁਰੂਆਤੀ ਤੀਬਰਤਾ ਵਾਲਾ ਭੂਚਾਲ ਉੱਤਰੀ ਜਾਪਾਨ ਦੇ ਸੈਨਰੀਕੂ ਤੱਟ ‘ਤੇ ਸਥਾਨਕ ਸਮੇਂ ਅਨੁਸਾਰ ਸ਼ਾਮ 4:53 ਵਜੇ ਆਇਆ।

80 ਸੈਂਟੀਮੀਟਰ ਤੱਕ ਸੁਨਾਮੀ ਲਹਿਰ ਹੋਈ ਪੈਦਾ

ਲੋਕਾਂ ਨੂੰ ਉਚੀਆਂ ਥਾਂਵਾਂ ‘ਤੇ ਲਿਜਾਉਣ ਲਈ ਚੇਤਾਵਨੀ

ਰਿਪੋਰਟਾਂ ਅਨੁਸਾਰ, ਭੂਚਾਲ ਇੰਨਾ ਤੇਜ਼ ਸੀ ਕਿ ਸੈਂਕੜੇ ਕਿਲੋਮੀਟਰ ਦੂਰ ਰਾਜਧਾਨੀ ਟੋਕੀਓ ਤੱਕ ਵੱਡੀਆਂ ਇਮਾਰਤਾਂ ਹਿੱਲ ਗਈਆਂ। ਮੌਸਮ ਏਜੰਸੀ ਨੇ ਕਿਹਾ ਕਿ ਸੁਨਾਮੀ ਲਹਿਰਾਂ ਜਿੰਨੀ ਜਲਦੀ ਹੋ ਸਕੇ ਉੱਤਰੀ ਤੱਟਵਰਤੀ ਤੱਕ ਪਹੁੰਚ ਸਕਦੀਆਂ ਹਨ। ਇਸ ਵਿੱਚ ਕਿਹਾ ਗਿਆ ਗਿਆ ਹੈ ਕਿ, ”ਤੱਟਵਰਤੀ ਖੇਤਰਾਂ ਅਤੇ ਨਦੀਆਂ ਦੇ ਕਿਨਾਰੇ ਵਾਲੇ ਖੇਤਰਾਂ ਨੂੰ ਖਾਲੀ ਕਰਕੇ ਲੋਕਾਂ ਨੂੰ ਤੁਰੰਤ ਉੱਚੀ ਜ਼ਮੀਨ ਜਾਂ ਕਿਸੇ ਸੁਰੱਖਿਅਤ ਜਗ੍ਹਾ ‘ਤੇ ਲਿਜਾਇਆ ਜਾਵੇ।” ਚੇਤਾਵਨੀ ਜਾਰੀ ਕੀਤੀ ਗਈ ਹੈ ਕਿ ਸੁਨਾਮੀ ਲਹਿਰਾਂ ਕਾਰਨ ਵੱਡਾ ਨੁਕਸਾਨ ਹੋਣ ਦਾ ਖਦਸ਼ਾ ਹੈ।