ਏ.ਟੀ.ਐਮ ਰਾਹੀਂ ਪੀ.ਐਫ ਕਢਵਾਉਣ ਬਾਰੇ ਵੱਡਾ ਅਪਡੇਟ, ਜਾਣੋ ਕਦੋਂ ਸ਼ੁਰੂ ਹੋਵੇਗੀ ਇਹ ਸਹੂਲਤ
ਜਾਗਰਣ ਸੰਵਾਦਦਾਤਾ, ਮੇਰਠ। ਉਦਯੋਗਾਂ ’ਚ ਕੰਮ ਕਰ ਰਹੇ ਕਰਮਚਾਰੀਆਂ ਨੂੰ ਸਮਾਜਿਕ ਸੁਰੱਖਿਆ ਦੇ ਦਾਇਰੇ ’ਚ ਲਿਆਉਣ ਲਈ ਭਵਿੱਖ ਨਿਧੀ ਦੀ ਲਾਜ਼ਮੀ ਮੈਂਬਰਸ਼ਿਪ ਲਈ ਤਨਖਾਹ ਸੀਮਾ ’ਚ ਬਦਲਾਅ ਕੀਤਾ ਗਿਆ ਹੈ। ਬਾਊਂਡਰੀ ਰੋਡ ਸਥਿਤ ਹੋਟਲ ਕ੍ਰਿਸਟਲ ਪੈਲੇਸ ’ਚ ਹੋਈ ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਤੇ ਇੰਡੀਅਨ ਇੰਡਸਟਰੀਜ਼ ਐਸੋਸੀਏਸ਼ਨ ਦੀ ਮੀਟਿੰਗ ’ਚ ਇਨ੍ਹਾਂ ਬਦਲਾਵਾਂ ਬਾਰੇ ਜਾਣਕਾਰੀ ਦਿੱਤੀ ਗਈ।
ਦੱਸਿਆ ਗਿਆ ਕਿ ਜਲਦ ਹੀ ਕਰਮਚਾਰੀਆਂ ਨੂੰ ATM ਕਾਰਡ ਵਰਗੀ ਸਹੂਲਤ ਵੀ ਮਿਲੇਗੀ। ਇਸ ਲਈ ਸਾਫਟਵੇਅਰ ਅਪਡੇਟ ਕੀਤਾ ਜਾ ਰਿਹਾ ਹੈ। ਸਾਫਟਵੇਅਰ ਅਪਡੇਟ ਹੁੰਦੇ ਹੀ ATM ਰਾਹੀਂ PF ਕਢਵਾਉਣ ਦੀ ਸਹੂਲਤ ਸ਼ੁਰੂ ਕਰ ਦਿੱਤੀ ਜਾਵੇਗੀ। ਕਰਮਚਾਰੀ ਹੁਣ ਆਪਣੇ ਖਾਤੇ ’ਚੋਂ ਕਰਮਚਾਰੀ ਭਵਿੱਖ ਨਿਧੀ (EPF) ਦੀ 75 ਫੀਸਦੀ ਤੱਕ ਰਕਮ ਕਢਵਾ ਸਕਦੇ ਹਨ।
ਇੱਕ ਲੱਖ ਕਰਮਚਾਰੀਆਂ ਨੂੰ ਮਿਲੇਗਾ ਲਾਭ
ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਵੱਲੋਂ ਅੰਕੁਰ ਪੀ. ਗੁਪਤਾ, ਖੇਤਰੀ ਭਵਿੱਖ ਨਿਧੀ ਕਮਿਸ਼ਨਰ ਪਹਿਲੇ ਮਹੇਸ਼ ਸਿੰਘ ਤੇ ਕਰਮਚਾਰੀ ਰਾਜ ਬੀਮਾ ਨਿਗਮ ਵੱਲੋਂ ਨੀਰਜ ਕੁਮਾਰ ਗੁਪਤਾ, ਇੰਸਪੈਕਟਰ ਤੇ ਮੈਨੇਜਰ ਮੀਟਿੰਗ ’ਚ ਮੌਜੂਦ ਰਹੇ।
ਉਨ੍ਹਾਂ ਦੱਸਿਆ ਕਿ ਮੇਰਠ ਦਫ਼ਤਰ ਦੇ ਅਧੀਨ ਗਾਜ਼ੀਆਬਾਦ, ਸਹਾਰਨਪੁਰ, ਮੁਜ਼ੱਫਰਨਗਰ, ਗੌਤਮ ਬੁੱਧ ਨਗਰ ਆਦਿ ਜ਼ਿਲ੍ਹੇ ਆਉਂਦੇ ਹਨ, ਜਿੱਥੇ ਕੁੱਲ 40 ਲੱਖ ਕਰਮਚਾਰੀ PF ਦਾ ਲਾਭ ਲੈ ਰਹੇ ਹਨ। ਇਸ ਸਮੇਂ 6 ਲੱਖ ਕਰਮਚਾਰੀ ਨੌਕਰੀ ਕਰ ਰਹੇ ਹਨ। 25 ਹਜ਼ਾਰ ਰੁਪਏ ਵਾਲੀ ਸਕੀਮ ਤਹਿਤ ਮੇਰਠ ਖੇਤਰ ਦੇ ਲਗਭਗ ਇੱਕ ਲੱਖ ਕਰਮਚਾਰੀਆਂ ਨੂੰ ਲਾਭ ਮਿਲੇਗਾ।
ਇਸ ਤੋਂ ਇਲਾਵਾ ਸੰਸਥਾਵਾਂ ’ਚ ਕਰਮਚਾਰੀਆਂ ਨਾਲ ਸਬੰਧਤ ਰਿਕਾਰਡ ਤੇ ਅੰਸ਼ਦਾਨ ਨਾਲ ਜੁੜੀ ਪ੍ਰਕਿਰਿਆ ਨੂੰ ਨਿਰਧਾਰਤ ਨਿਯਮਾਂ ਅਨੁਸਾਰ ਪੂਰਾ ਕਰਨ ’ਤੇ ਜ਼ੋਰ ਦਿੱਤਾ ਗਿਆ। ਅੰਕੁਰ ਪੀ. ਗੁਪਤਾ ਨੇ ਪ੍ਰਧਾਨ ਮੰਤਰੀ ਵਿਕਸਿਤ ਭਾਰਤ ਰੋਜ਼ਗਾਰ ਯੋਜਨਾ ਦੇ ਨਾਲ-ਨਾਲ ਰੋਜ਼ਗਾਰ ਪ੍ਰੋਤਸਾਹਨ ਨਾਲ ਜੁੜੇ ਹੋਰ ਮੁੱਦਿਆਂ ’ਤੇ ਵੀ ਚਰਚਾ ਕੀਤੀ। EEC-26 ਤੇ ਵਿਸ਼ਵਾਸ ਯੋਜਨਾ ਦੇ ਪ੍ਰਾਵਧਾਨਾਂ ’ਤੇ ਵੀ ਵਿਚਾਰ-ਵਟਾਂਦਰਾ ਹੋਇਆ।
ਇਨ੍ਹਾ ਬਿੰਦੂਆਂ ਬਾਰੇ ਵੀ ਦਿੱਤੀ ਗਈ ਜਾਣਕਾਰੀ
- EPF ਦੀ ਨਵੀਂ ਤਨਖਾਹ ਸੀਮਾ 25 ਹਜ਼ਾਰ ਰੁਪਏ ਹੋ ਗਈ ਹੈ।
- ESIC ਦਾ ਲਾਭ 21 ਹਜ਼ਾਰ ਰੁਪਏ ਤੱਕ ਦੀ ਤਨਖਾਹ ਵਾਲੇ ਕਰਮਚਾਰੀਆਂ ਨੂੰ ਮਿਲੇਗਾ।
- ਕਰਮਚਾਰੀ ਹੁਣ ਨੌਕਰੀ ਛੱਡਣ ਤੋਂ ਇੱਕ ਸਾਲ ਬਾਅਦ PF ਕਢਵਾ ਸਕਦਾ ਹੈ।
- ਰਿਟਾਇਰਮੈਂਟ ਤੋਂ ਤੁਰੰਤ ਬਾਅਦ ਵੀ PF ਕਢਵਾਇਆ ਜਾ ਸਕਦਾ ਹੈ।
- ਉਦਯੋਗਿਕ ਕਰਮਚਾਰੀਆਂ ਲਈ ਮੈਡੀਕਲ ਸਹੂਲਤਾਂ ਤੇ ਦਾਵਿਆਂ ਦੇ ਤੁਰੰਤ ਨਿਪਟਾਰੇ ਦੀ ਵਿਵਸਥਾ ਕੀਤੀ ਜਾ ਰਹੀ ਹੈ।
- ਨਵੇਂ ਨਿਯਮਾਂ, ਪਾਲਣਾ ਤੇ ਡਿਜੀਟਲ ਪੋਰਟਲਾਂ ਦੇ ਸੰਚਾਲਨ ’ਚ ਆ ਰਹੀਆਂ ਵਿਹਾਰਕ ਦਿੱਕਤਾਂ ’ਤੇ ਚਰਚਾ ਕੀਤੀ ਗਈ।
Share this content:
Post Comment