ਆਧਾਰ ਕਾਰਡ ‘ਤੇ ਕਿਵੇਂ ਬਦਲੋ ਆਪਣਾ ਮੋਬਾਈਲ ਨੰਬਰ

ਨਵੀਂ ਦਿੱਲੀ, 9 ਦਸੰਬਰ – ਅੱਜ ਬੱਚੇ ਤੋਂ ਲੈ ਕੇ ਬਜ਼ੁਰਗ ਵਿਅਕਤੀ ਤੱਕ ਹਰ ਕਿਸੇ ਕੋਲ ਆਪਣਾ ਆਧਾਰ ਕਾਰਡ ਹੈ। ਇਸ ਤੋਂ ਬਿਨਾਂ ਕੋਈ ਵੀ ਸਰਕਾਰੀ, ਇੱਥੋਂ ਤੱਕ ਕਿ ਗੈਰ-ਸਰਕਾਰੀ ਕੰਮ ਵੀ ਕਰਵਾਉਣਾ ਅਸੰਭਵ ਹੋ ਜਾਂਦਾ ਹੈ। ਜੇਕਰ ਆਧਾਰ ਕਾਰਡ ਵਿੱਚ ਸਹੀ ਜਾਂ ਮੌਜੂਦਾ ਮੋਬਾਈਲ ਨੰਬਰ ਲਿੰਕ ਨਾ ਹੋਵੇ ਤਾਂ ਅਜਿਹੇ ਵਿੱਚ ਕਈ ਮੁਸ਼ਕਲਾਂ ਆ ਸਕਦੀਆਂ ਹਨ। ਜਿਵੇਂ ਲੋੜ ਪੈਣ ‘ਤੇ ਸੁਨੇਹੇ ਰਾਹੀਂ ਓਟੀਪੀ (OTP) ਨਾ ਮਿਲਣਾ ਜਾਂ ਓਟੀਪੀ ਵੈਰੀਫਿਕੇਸ਼ਨ ਵਿੱਚ ਪਰੇਸ਼ਾਨੀ ਆਉਣਾ ਆਦਿ। ਮਿਸਾਲ ਵਜੋਂ, ਕਈ ਸਕੀਮਾਂ ਸਾਡੇ ਆਧਾਰ ਨਾਲ ਜੁੜੀਆਂ ਹੁੰਦੀਆਂ ਹਨ। ਇਨ੍ਹਾਂ ਸਕੀਮਾਂ ਵਿੱਚ ਕੋਈ ਵੀ ਬਦਲਾਅ ਕਰਨ ਲਈ ਤੁਹਾਡੇ ਆਧਾਰ ਨਾਲ ਲਿੰਕ ਮੋਬਾਈਲ ਨੰਬਰ ‘ਤੇ ਓਟੀਪੀ ਭੇਜਿਆ ਜਾਂਦਾ ਹੈ। ਇਸ ਲਈ ਆਧਾਰ ਨਾਲ ਸਹੀ ਜਾਂ ਮੌਜੂਦਾ ਮੋਬਾਈਲ ਨੰਬਰ ਲਿੰਕ ਹੋਣਾ ਜ਼ਰੂਰੀ ਹੈ। ਜੇਕਰ ਤੁਸੀਂ ਵੀ ਆਧਾਰ ਨਾਲ ਲਿੰਕ ਮੋਬਾਈਲ ਨੰਬਰ ਬਦਲਣਾ ਚਾਹੁੰਦੇ ਹੋ ਤਾਂ ਹੇਠਾਂ ਦਿੱਤੇ ਕਦਮਾਂ ਦੀ ਪਾਲਣਾ ਕਰ ਸਕਦੇ ਹੋ।

ਕਿਵੇਂ ਬਦਲੋ ਮੋਬਾਈਲ ਨੰਬਰ?

ਕਿਸੇ ਵੀ ਆਧਾਰ ਕਾਰਡ ਵਿੱਚ ਮੋਬਾਈਲ ਨੰਬਰ ਬਦਲਣ ਲਈ ਤੁਹਾਨੂੰ ਹੇਠਾਂ ਦਿੱਤੇ ਕਦਮਾਂ ਦੀ ਪਾਲਣਾ ਕਰਨੀ ਪਵੇਗੀ:

ਕਦਮ 1: ਸਭ ਤੋਂ ਪਹਿਲਾਂ UIDAI ਦੀ ਵੈੱਬਸਾਈਟ ‘ਤੇ ਜਾਓ।

ਕਦਮ 2: ਇੱਥੇ ਤੁਹਾਨੂੰ My Aadhaar ਵਿੱਚ Get Aadhaar ਦਾ ਆਪਸ਼ਨ ਦਿਖੇਗਾ। ਇੱਥੇ ਹੀ ਤੁਹਾਨੂੰ Book Appointment ਦਾ ਵੀ ਆਪਸ਼ਨ ਮਿਲ ਜਾਵੇਗਾ।

ਕਦਮ 3: ਹੁਣ ਇੱਥੇ ਸ਼ਹਿਰ ਜਾਂ ਆਪਣੀ ਲੋਕੇਸ਼ਨ ਦਰਜ ਕਰਕੇ Proceed to Book Appointment ‘ਤੇ ਕਲਿੱਕ ਕਰੋ।

ਕਦਮ 4: ਇਸ ਤੋਂ ਬਾਅਦ ਇੱਥੇ ਮੋਬਾਈਲ ਨੰਬਰ, ਕੈਪਚਾ ਦਰਜ ਕਰੋ ਅਤੇ ਫੋਨ ‘ਤੇ ਆਇਆ ਓਟੀਪੀ ਲਿਖੋ।

ਕਦਮ 5: ਹੁਣ Resident Type ਚੁਣੋ।

ਕਦਮ 6: ਹੁਣ ਬਾਕੀ ਮੰਗੀ ਗਈ ਜਾਣਕਾਰੀ ਜਿਵੇਂ ਨਵਾਂ ਮੋਬਾਈਲ ਨੰਬਰ ਦਰਜ ਕਰੋ।

ਕਦਮ 7: ਹੁਣ Next ‘ਤੇ ਕਲਿੱਕ ਕਰਕੇ Appointment Date ਅਤੇ Time (ਭਾਵ ਜਿਸ ਤਾਰੀਖ ਅਤੇ ਸਮੇਂ ਨੂੰ ਜਾਣਾ ਹੋਵੇ) ਨੂੰ ਚੁਣੋ।

ਕਦਮ 8: ਇੱਕ ਵਾਰ ਫਿਰ ਧਿਆਨ ਨਾਲ ਸਾਰੀਆਂ ਦਰਜ ਕੀਤੀਆਂ ਗਈਆਂ ਡਿਟੇਲਸ ਦੇਖ ਲਓ। ਇਸ ਤੋਂ ਬਾਅਦ ਅੰਤ ਵਿੱਚ Submit ਬਟਨ ‘ਤੇ ਕਲਿੱਕ ਕਰੋ।

ਕਦਮ 9: ਜੋ ਤਾਰੀਖ ਅਤੇ ਸਮਾਂ ਤੁਸੀਂ ਚੁਣਿਆ ਹੋਵੇ, ਉਸ ਸਮੇਂ ਬੁਕਿੰਗ ਆਧਾਰ ਸੈਂਟਰ ‘ਤੇ ਜਾਓ।