ਪੁਰਤਗਾਲ ਅਤੇ ਪੋਲੈਂਡ ‘ਚ ਵਰਕ ਪਰਮਿਟ ਦੀਆਂ ਵੱਡੀਆਂ ਸਹੂਲਤਾਂ

ਜਲੰਧਰ, 19 ਫਰਵਰੀ – ਵਿਦੇਸ਼ ਜਾ ਕੇ ਆਪਣਾ ਭਵਿੱਖ ਬਣਾਉਣ ਦੇ ਚਾਹਵਾਨ ਨੌਜਵਾਨਾਂ ਲਈ ਪੁਰਤਗਾਲ ਅਤੇ ਪੋਲੈਂਡ ਤੋਂ ਚੰਗੀ ਖਬਰ ਸਾਹਮਣੇ ਆਈ ਹੈ। ਇਨ੍ਹਾਂ ਦੇਸ਼ਾਂ ਵਿਚ ਕੰਮ ਕਰਨ ਲਈ ਨਾ ਸਿਰਫ਼ ਆਸਾਨ ਪ੍ਰਕਿਰਿਆ ਅਪਣਾਈ ਜਾ ਰਹੀ ਹੈ, ਸਗੋਂ ਚੰਗੀ ਤਨਖਾਹ ਅਤੇ ਪੀ.ਆਰ. ਦੇ ਮੌਕੇ ਵੀ ਦਿੱਤੇ ਜਾ ਰਹੇ ਹਨ। ਪੁਰਤਗਾਲ ਜਾਣ ਦੀ ਪ੍ਰਕਿਰਿਆ ਨੂੰ ਬਹੁਤ ਹੀ ‘ਆਸਾਨ ਅਤੇ ਤੇਜ਼ਾ ਦੱਸਿਆ ਗਿਆ ਹੈ। ਇੱਥੇ ਹੋਟਲ, ਉਸਾਰੀ, ਸਫਾਈ ਅਤੇ ਫੈਕਟਰੀਆਂ ਵਿੱਚ ਕੰਮ ਕਰਨ ਲਈ ਕਈ ਅਸਾਮੀਆਂ ਖਾਲੀ ਹਨ। ਖਾਸ ਗੱਲ ਇਹ ਹੈ ਕਿ ਇੱਥੇ ਵੀਜ਼ਾ ਰੱਦ ਹੋਣ ਦੀ ਸੰਭਾਵਨਾ ਬਹੁਤ ਘੱਟ ਹੈ ਅਤੇ ਸ਼ੁਰੂਆਤ ਵਿਚ ਭਾਸ਼ਾ ਦੀ ਕੋਈ ਸਖ਼ਤ ਪਾਬੰਦੀ ਨਹੀਂ ਰੱਖੀ ਗਈ। ਇਸ ਦੇ ਨਾਲ ਹੀ, ਇੱਥੇ 5 ਸਾਲ ਕੰਮ ਕਰਨ ਤੋਂ ਬਾਅਦ ਪੀ.ਆਰ. ਮਿਲਣ ਦਾ ਰਾਹ ਵੀ ਪੱਧਰਾ ਹੋ ਜਾਂਦਾ ਹੈ।

ਪੋਲੈਂਡ: ਕਾਨੂੰਨੀ ਵੀਜ਼ਾ ਅਤੇ ਆਕਰਸ਼ਕ ਤਨਖਾਹ

ਦੂਜੇ ਪਾਸੇ ਪੋਲੈਂਡ ਵਿਚ ਫੈਕਟਰੀਆਂ ‘ਚ ਕੰਮ ਲਈ 100 ਫ਼ੀਸਦੀ ਕਾਨੂੰਨੀ ਵਰਕ ਵੀਜ਼ਾ ਦਿੱਤਾ ਜਾ ਰਿਹਾ ਹੈ, ਜਿਸ ਨੂੰ ‘ਘੱਟ ਖਰਚੇ ਵਿਚ ਯੂਰਪ ਵਿਚ ਦਾਖਲਾ’ ਕਿਹਾ ਜਾ ਰਿਹਾ ਹੈ। ਪੋਲੈਂਡ ਵਿਚ ਕੰਮ ਕਰਨ ਵਾਲੇ ਵਿਅਕਤੀ ਨੂੰ ਕੰਮ ਦੀ ਕਿਸਮ ਅਨੁਸਾਰ 800 ਤੋਂ 1,200 (ਲਗਭਗ 70,000 ਤੋਂ 1 ਲੱਖ ਰੁਪਏ ਤੋਂ ਵੱਧ) ਪ੍ਰਤੀ ਮਹੀਨਾ ਤਨਖਾਹ ਮਿਲ ਸਕਦੀ ਹੈ। ਉੱਥੇ ਪਹੁੰਚਣ ਤੋਂ ਬਾਅਦ ਕਰਮਚਾਰੀਆਂ ਨੂੰ ਟੀ.ਆਰ.ਸੀ. ਦੀ ਸਹੂਲਤ ਮਿਲੇਗੀ ਅਤੇ ਲੰਬੇ ਸਮੇਂ ਤੱਕ ਰਹਿਣ ਤੋਂ ਬਾਅਦ ਪੀ.ਆਰ. ਵੀ ਸੰਭਵ ਹੈ।

ਯੋਗਤਾ ਅਤੇ ਜ਼ਰੂਰੀ ਸ਼ਰਤਾਂ

ਇਨ੍ਹਾਂ ਮੌਕਿਆਂ ਦਾ ਲਾਭ ਉਠਾਉਣ ਲਈ ਕੁਝ ਸ਼ਰਤਾਂ ਵੀ ਰੱਖੀਆਂ ਗਈਆਂ ਹਨ:

ਉਮਰ: ਬਿਨੈਕਾਰ ਦੀ ਉਮਰ 21 ਤੋਂ 45 ਸਾਲ ਦੇ ਵਿਚਕਾਰ ਹੋਈ ਚਾਹੀਦੀ ਹੈ। ਦਸਤਾਵੇਜ਼: ਪਾਸਪੋਰਟ ਘੱਟੋ-ਘੱਟ ਇੱਕ ਸਾਲ ਲਈ ਵੈਲਿਡ ਹੋਣਾ ਚਾਹੀਦਾ ਹੈ।

ਐਕਸਪੀਰੀਐਂਸ : ਬਿਨੈਕਾਰਾਂ ਨੂੰ ਅਪੀਲ ਹੈ ਕਿ ਕਿਸੇ ਵੀ ਤਰ੍ਹਾਂ ਦਾ ਜਾਅਲੀ ਦਸਤਾਵੇਜ ਨਾ ਵਰਤਿਆ
ਜਾਵੇ।

ਕੰਮ ਦੀ ਇੱਛਾ: ਉਮੀਦਵਾਰ ਸ਼ਿਫਟਾਂ ਵਿੱਚ ਕੰਮ ਕਰਨ ਅਤੇ ਓਵਰਟਾਈਮ ਕਰਨ ਲਈ ਤਿਆਰ ਹੋਣਾ ਚਾਹੀਦਾ ਹੈ।