ਪਰਸਾਈਂ ਨੇ ਕਿਹਾ/ਨਜ਼ਮ/ਹੂਬਨਾਥ/ਅਨੁਵਾਦਕ ਯਸ਼ ਪਾਲ
*ਪਰਸਾਈਂ ਨੇ ਕਿਹਾ-*
……………..
*ਧਰਮ ਜਦ*
*ਧੰਦੇ ਨਾਲ ਮਿਲ ਜਾਏ*
*ਤਾਂ ਯੋਗ ਕਹਾਉਂਦਾ ਹੈ*
*ਪਾਰਸਾਈਂ ਨੇ ਨਹੀਂ ਕਿਹਾ-*
*ਧਰਮ ਜਦ*
*ਰਾਜਨੀਤੀ ਨਾਲ ਮਿਲ ਜਾਏ*
*ਤਾਂ ਖੁਦ ਬਣ ਜਾਂਦਾ ਹੈ ਧੰਦਾ*
*ਤੇ ਮਹਾਯੋਗ ਕਹਾਉਂਦਾ ਹੈ*
*ਸਾਹਿਤਕਾਰ*
*ਸਭ ਕੁਸ਼ ਨਹੀਂ ਕਹਿੰਦਾ*
*ਕੁਸ਼ ਛੱਡ ਦਿੰਦਾ ਹੈ*
*ਵਕ਼ਤ ‘ਤੇ*
…… /……
*ਪ੍ਰੇਮ ਚੰਦ ਨੇ ਕਿਹਾ-*
……………….
*ਜਿਨ੍ਹਾਂ ਰੁੱਖਾਂ ਦੀਆਂ*
*ਜੜ੍ਹਾਂ ਹੁੰਦੀਆਂ ਨੇ*
*ਡੂੰਘੀਆਂ*
*ਉਨ੍ਹਾਂ ਨੂੰ ਨਹੀਂ ਹੁੰਦੀ*
*ਜ਼ਰੂਰਤ ਸਿੰਜਣ ਦੀ*
*ਵਾਰ ਵਾਰ*
*ਪ੍ਰੇਮ ਚੰਦ ਨੇ ਨਹੀਂ ਕਿਹਾ-*
*ਜਿਨ੍ਹਾਂ ਰੁੱਖਾਂ ਦੀਆਂ*
*ਨਹੀਂ ਹੁੰਦੀਆਂ ਜੜ੍ਹਾਂ*
*ਉਨ੍ਹਾਂ ਦਾ ਸੁੱਕਣਾ*
*ਤਾਂ ਤਹਿ ਹੀ ਹੈ*
*ਭਾਵੇਂ ਉਨ੍ਹਾਂ ਨੂੰ ਸਿੰਜੋ*
*ਅੰਮ੍ਰਿਤ ਨਾਲ ਵੀ*
*ਸਾਹਿਤਕਾਰ*
*ਨਹੀਂ ਕਹਿੰਦੇ ਸਭ ਕੁਸ਼*
*ਕੁੱਸ਼ ਛੱਡ ਦਿੰਦੇ ਨੇ*
*ਪਾਠਕਾਂ ‘ਤੇ ਵੀ*
*#ਹੂਬ ਨਾਥ*
ਹਿੰਦੀ ਤੋਂ ਪੰਜਾਬੀ:
*ਯਸ਼ ਪਾਲ ਵਰਗ ਚੇਤਨਾ*
(98145 35005)
Share this content:
Post Comment