ਗਰਮੀਆਂ ‘ਚ 200 ਯੂਨਿਟ ਤੋਂ ਵੀ ਘੱਟ ਆਵੇਗਾ ਬਿੱਲ

ਚੰਡੀਗੜ੍ਹ, 18 ਜੂਨ – ਪੰਜਾਬ ਵਿੱਚ ਕੜਾਕੇ ਦੀ ਗਰਮੀ ਪੈ ਰਹੀ ਹੈ ਅਤੇ ਉੱਥੇ ਹੀ ਲੋਕਾਂ ਨੂੰ ਭਾਰੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਹਾਲਾਂਕਿ ਪਿਛਲੇ ਦਿਨੀਂ ਪਏ ਮੀਂਹ ਨਾਲ ਗਰਮੀ ਤੋਂ ਥੋੜੀ ਰਾਹਤ ਮਿਲੀ ਹੈ ਪਰ ਹੁੰਮਸ ਕਰਕੇ ਗਰਮੀ ਨੇ ਹਾਲੇ ਵੀ ਵੱਢ ਕੱਢੇ ਪਏ ਹਨ। ਇਸ ਦੇ ਨਾਲ ਹੀ ਅਜਿਹੇ ਮੌਸਮ ਵਿੱਚ ਲੋਕ ਪੱਖੇ, ਕੂਲਰ ਅਤੇ ਏਸੀ ਬਗੈਰ ਨਹੀਂ ਸੌਂ ਸਕਦੇ ਹਨ, ਕਿਉਂਕਿ ਇਨ੍ਹਾਂ ਤੋਂ ਬਗੈਰ ਸੌਣਾ ਨਾਮੁਮਕਿਨ ਹੈ, ਲੋਕ ਗਰਮੀ ਤੋਂ ਬਚਣ ਲਈ ਏਸੀ, ਕੂਲਰ ਦੀ ਵਰਤੋਂ ਤਾਂ ਕਰ ਲੈਂਦੇ ਹਨ ਪਰ ਕਿਤੇ ਨਾ ਕਿਤੇ ਉਨ੍ਹਾਂ ਦੇ ਮਨ ਵਿੱਚ ਬਿੱਲ ਨੂੰ ਲੈਕੇ ਟੈਨਸ਼ਨ ਬਣੀ ਰਹਿੰਦੀ ਹੈ।

ਪਰ ਹੁਣ ਤੁਹਾਨੂੰ ਪਰੇਸ਼ਾਨ ਹੋਣ ਦੀ ਲੋੜ ਨਹੀਂ, ਅਸੀਂ ਤੁਹਾਡੇ ਲਈ ਇਸ ਦਾ ਵੀ ਹੱਲ ਲੈਕੇ ਆਏ ਹਾਂਚ, ਜੇਕਰ ਤੁਸੀਂ ਵੀ ਆਹ ਕੰਮ ਕਰੋਗੇ ਤਾਂ ਤੁਹਾਡਾ ਬਿੱਲ 200 ਯੂਨਿਟ ਤੋਂ ਵੀ ਘੱਟ ਆਵੇਗਾ। ਗਰਮੀਆਂ ਦੇ ਮੌਸਮ ਵਿੱਚ, ਬਿਜਲੀ ਦਾ ਬਿੱਲ ਰਾਕੇਟ ਵਾਂਗ ਭਜਦਾ ਹੈ। ਜੇਕਰ ਤੁਸੀਂ ਵੀ ਇਸ ਨੂੰ ਲੈਕੇ ਪਰੇਸ਼ਾਨ ਹੋ, ਤਾਂ ਤੁਸੀਂ ਹਰ ਰੋਜ਼ ਕੁਝ ਤਰੀਕੇ ਵਰਤ ਸਕਦੇ ਹੋ, ਜਿਸ ਨਾਲ ਤੁਹਾਡਾ ਮਹੀਨੇ ਦਾ ਬਿਜਲੀ ਬਿੱਲ ਕਾਫ਼ੀ ਘੱਟ ਸਕਦਾ ਹੈ। ਗਰਮੀਆਂ ਦੇ ਮੌਸਮ ਵਿੱਚ, ਤੁਹਾਨੂੰ ਸਵੇਰੇ ਜਲਦੀ ਉੱਠਣਾ ਚਾਹੀਦਾ ਹੈ ਅਤੇ ਜਿਹੜੇ ਕੰਮਾਂ ਵਿੱਚ ਬਿਜਲੀ ਜ਼ਿਆਦਾ ਲੱਗਦੀ ਹੈ, ਉਨ੍ਹਾਂ ਨੂੰ ਪਹਿਲਾਂ ਕਰ ਲੈਣਾ ਚਾਹੀਦਾ ਹੈ, ਜਿਵੇਂ ਕਿ ਕੱਪੜੇ ਪ੍ਰੈਸ ਕਰਨਾ।

ਕੱਪੜੇ ਧੋਣ ਲਈ ਵਾਸ਼ਿੰਗ ਮਸ਼ੀਨ ਦੀ ਵਰਤੋਂ ਕਰਨਾ। ਖਾਣਾ ਪਕਾਉਣ ਲਈ ਉਪਕਰਣਾਂ ਦੀ ਵਰਤੋਂ ਕਰਨਾ। ਤੁਹਾਨੂੰ ਦੱਸ ਦਈਏ ਕਿ ਸਵੇਰੇ ਗਰਿੱਡ ‘ਤੇ ਲੋਡ ਘੱਟ ਹੁੰਦਾ ਹੈ ਅਤੇ ਬਿਜਲੀ ਦਾ ਫਲੋ ਸਥਿਰ ਹੁੰਦਾ ਹੈ। ਜਿਸ ਕਾਰਨ ਬਿਜਲੀ ਦੇ ਉਪਕਰਣ ਘੱਟ ਯੂਨਿਟਾਂ ਦੀ ਖਪਤ ਕਰਦੇ ਹਨ। ਇਸ ਲਈ ਮੋਬਾਈਲ ਚਾਰਜਰ, ਟੀਵੀ, ਵਾਸ਼ਿੰਗ ਮਸ਼ੀਨ ਵਰਗੇ ਉਪਕਰਣਾਂ ਦੀ ਵਰਤੋਂ ਕਰਨ ਤੋਂ ਬਾਅਦ, ਉਨ੍ਹਾਂ ਨੂੰ ਸਿਰਫ਼ ਬੰਦ ਨਾ ਕਰੋ ਬਲਕਿ ਉਨ੍ਹਾਂ ਦੇ ਪਲੱਗ ਨੂੰ ਵੀ ਹਟਾ ਦਿਓ। ਤਾਂ ਜੋ ਸਟੈਂਡਬਾਏ ਪਾਵਰ ਲਾਸ ਨੁਕਸਾਨ ਨਾ ਹੋਵੇ।

ਇਨ੍ਹਾਂ ਗੱਲਾਂ ਦਾ ਰੱਖੋ ਖਾਸ ਧਿਆਨ

ਅਕਸਰ ਲੋਕ ਪੂਰੀ ਰਾਤ ਏਸੀ ਚਲਾਉਂਦੇ ਹਨ ਅਤੇ ਫਿਰ ਸਵੇਰੇ ਵੀ ਏਸੀ ਅਤੇ ਹੋਰ ਉਪਕਰਣਾਂ ਨੂੰ ਚਲਦਿਆਂ ਰੱਖਦੇ ਹਨ। ਜਿਸ ਕਾਰਨ ਬਿਜਲੀ ਦਾ ਬਿੱਲ ਬਹੁਤ ਵੱਧ ਜਾਂਦਾ ਹੈ। ਪਰ ਸਵੇਰੇ ਤੁਹਾਨੂੰ ਕੁਦਰਤੀ ਤਾਜ਼ਗੀ ਦਾ ਅਨੰਦ ਲੈਣਾ ਚਾਹੀਦਾ ਹੈ। ਘਰ ਦੀਆਂ ਖਿੜਕੀਆਂ ਖੁੱਲ੍ਹੀਆਂ ਰੱਖਣੀਆਂ ਚਾਹੀਦੀਆਂ ਹਨ। ਇਸ ਨਾਲ ਨਾ ਸਿਰਫ਼ ਤੁਹਾਨੂੰ ਤਾਜ਼ੀ ਹਵਾ ਮਿਲੇਗੀ। ਤੁਹਾਨੂੰ ਨਕਲੀ ਰੋਸ਼ਨੀ ਦੀ ਵੀ ਲੋੜ ਨਹੀਂ ਪਵੇਗੀ। ਤੁਸੀਂ ਸਵੇਰੇ ਕੁਦਰਤੀ ਰੌਸ਼ਨੀ ਦੀ ਵਰਤੋਂ ਕਰ ਸਕੋਗੇ। ਇਸ ਦੇ ਨਾਲ ਹੀ, ਜਦੋਂ ਤੁਸੀਂ ਏਸੀ ਦੀ ਵਰਤੋਂ ਕਰੋ, ਤਾਂ ਘਰ ਦੀਆਂ ਖਿੜਕੀਆਂ ‘ਤੇ ਮੋਟੇ ਪਰਦੇ ਲਗਾਉਣਾ ਯਕੀਨੀ ਬਣਾਓ ਅਤੇ ਦਰਵਾਜ਼ਿਆਂ ਨੂੰ ਹਮੇਸ਼ਾ ਬੰਦ ਰੱਖੋ, ਇਸ ਨਾਲ ਤੁਹਾਡੇ ਏਸੀ ਦੀ ਕੂਲਿੰਗ ਕੁਸ਼ਲਤਾ ਵਧੇਗੀ ਅਤੇ ਏਸੀ ਘੱਟ ਯੂਨਿਟਾਂ ਦੀ ਖਪਤ ਕਰੇਗਾ।