ਈਰਾਨ-ਇਜ਼ਰਾਈਲ ਜੰਗ ਦਰਮਿਆਨ ਇਸ ਡਿਫੈਂਸ ਸ਼ੇਅਰ ‘ਤੇ NSE-BSE ਨੇ ਲਾਇਆ ਲੱਖਾਂ ਦਾ ਜੁਰਮਾਨਾ
ਨਵੀਂ ਦਿੱਲੀ, 3 ਮਾਰਚ – ਈਰਾਨ-ਇਜ਼ਰਾਈਲ ਜੰਗ ਕਾਰਨ ਡਿਫੈਂਸ (ਰੱਖਿਆ) ਖੇਤਰ ਦੇ ਸ਼ੇਅਰਾਂ ਵਿੱਚ ਭਾਰੀ ਤੇਜ਼ੀ ਦੇਖੀ ਜਾ ਰਹੀ ਹੈ ਪਰ ਇਸ ਤੇਜ਼ੀ ਵਿਚਕਾਰ ਭਾਰਤ ਦੇ ਇੱਕ ਪ੍ਰਮੁੱਖ ਡਿਫੈਂਸ ਸਟਾਕ ਭਾਰਤ ਹੈਵੀ ਇਲੈਕਟ੍ਰੀਕਲਜ਼ ਲਿਮਟਿਡ (BHEL) ‘ਤੇ NSE ਅਤੇ BSE ਨੇ ਮੋਟਾ ਜੁਰਮਾਨਾ ਠੋਕ ਦਿੱਤਾ ਹੈ। ਇਸ ਖ਼ਬਰ ਦਾ ਅਸਰ ਆਉਣ ਵਾਲੇ ਕਾਰੋਬਾਰੀ ਦਿਨ ਕੰਪਨੀ ਦੇ ਸ਼ੇਅਰਾਂ ‘ਤੇ ਦੇਖਣ ਨੂੰ ਮਿਲ ਸਕਦਾ ਹੈ। ਸੋਮਵਾਰ ਨੂੰ NSE ‘ਤੇ ਇਸ ਦਾ ਸ਼ੇਅਰ -1.08% ਡਿੱਗ ਕੇ 262.10 ਰੁਪਏ ‘ਤੇ ਬੰਦ ਹੋਇਆ ਸੀ।
ਜੁਰਮਾਨੇ ਦੀ ਰਕਮ: BSE ਅਤੇ NSE ਦੋਵਾਂ ਨੇ ਵੱਖ-ਵੱਖ ਨੋਟਿਸ ਜਾਰੀ ਕਰਕੇ ₹5,42,800 (GST ਸਮੇਤ) ਦਾ ਜੁਰਮਾਨਾ ਲਗਾਇਆ ਹੈ।
ਉਲੰਘਣਾ: ਇਹ ਕਾਰਵਾਈ ਦਸੰਬਰ 2025 ਨੂੰ ਖ਼ਤਮ ਹੋਈ ਤਿਮਾਹੀ ਲਈ SEBI ਦੇ ਰੈਗੂਲੇਸ਼ਨ 17(1) ਦੀ ਪਾਲਣਾ ਨਾ ਕਰਨ ‘ਤੇ ਕੀਤੀ ਗਈ ਹੈ।
ਕੀ ਹੈ SEBI ਦਾ ਨਿਯਮ
SEBI ਦੇ ਨਿਯਮਾਂ ਅਨੁਸਾਰ, ਕਿਸੇ ਵੀ ਲਿਸਟਿਡ ਕੰਪਨੀ ਦੇ ਬੋਰਡ ਵਿੱਚ ਐਗਜ਼ੀਕਿਊਟਿਵ ਅਤੇ ਨਾਨ-ਐਗਜ਼ੀਕਿਊਟਿਵ ਡਾਇਰੈਕਟਰਾਂ ਦਾ ਸਹੀ ਸੁਮੇਲ ਹੋਣਾ ਚਾਹੀਦਾ ਹੈ। ਬੋਰਡ ਵਿੱਚ ਘੱਟੋ-ਘੱਟ 50% ਸੁਤੰਤਰ ਡਾਇਰੈਕਟਰ (Independent Directors) ਹੋਣੇ ਲਾਜ਼ਮੀ ਹਨ। BHEL ਦੇ ਬੋਰਡ ਵਿੱਚ ਸੁਤੰਤਰ ਡਾਇਰੈਕਟਰਾਂ ਦੀ ਗਿਣਤੀ ਇਸ ਨਿਰਧਾਰਤ ਹੱਦ ਤੋਂ ਘੱਟ ਪਾਈ ਗਈ ਸੀ।
ਕੰਪਨੀ ਦਾ ਪੱਖ ਤੇ ਰਣਨੀਤੀ
BHEL ਨੇ ਇਸ ਰੈਗੂਲੇਟਰੀ ਉਲੰਘਣਾ ‘ਤੇ ਆਪਣੀ ਸਥਿਤੀ ਸਪਸ਼ਟ ਕਰਦਿਆਂ ਕਿਹਾ ਹੈ ਕਿ, ਉਹ ਸਟਾਕ ਐਕਸਚੇਂਜਾਂ ਤੋਂ ਇਸ ਜੁਰਮਾਨੇ ਵਿੱਚ ਛੋਟ (Waiver) ਮੰਗਣ ਦੀ ਯੋਜਨਾ ਬਣਾ ਰਹੇ ਹਨ। ਕੰਪਨੀ ਨੇ ਦੱਸਿਆ ਕਿ ਇੱਕ ਸਰਕਾਰੀ ਕੰਪਨੀ (PSU) ਹੋਣ ਦੇ ਨਾਤੇ ਡਾਇਰੈਕਟਰਾਂ ਦੀ ਨਿਯੁਕਤੀ ਸਿੱਧੀ ਭਾਰਤ ਸਰਕਾਰ ਦੇ ਅਧਿਕਾਰ ਖੇਤਰ ਵਿੱਚ ਆਉਂਦੀ ਹੈ।
Share this content:
Post Comment